完整藏文原文 · 德格版页 当前仅加载第 68 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱེ་བ་དང་། བལ་གླང་གི་རིགས་རྣམས་སུ་སྐྱེ་བར་འགྱུར་རོ། །གལ་ཏེ་ཡང་དེ་ལས་ཐར་ནས་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྔོན་པའི་རིགས་སུ་སྐྱེ་བར་འགྱུར་ཏེ། ཚེ་རབས་ཉིས་བརྒྱར་མངལ་དུ་གནས་པ་ཉིད་ནའམ། གོག་ཐལ་
D287.068.0267b01.01ཐུལ་ནའམ། ཁ་སྤུ་སྐྱེས་ཙམ་ན་འཆི་བར་འགྱུར་ཏེ། བག་ཆགས་དེས་དེ་ཕྱིར་ཞིང་སྡིག་པ་བྱེད་པ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་
D287.068.0267b02.01ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ཐམས་ཅད་ས་འོག་ཅེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་བསམས་པ་བཞིན་དུ་དགེ་སློང་མ་དགྲ་
D287.068.0267b03.01བཅོམ་པ་ཟག་པ་ཟད་པ་ལ་སྤྱད་ལ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཐམས་ཅད་ས་འོག་ཏུ་སྐྱེ་བར་འགྱུར་རོ། །དེར་སྐྱེས་ནས་ཀྱང་དེ་ལ་གང་སེམས་ཅན་དམྱལ་བ་ཡང་སོས་
D287.068.0267b04.01ལ་སོགས་པ་བདུན་གྱིས་གནོད་པ་བསྡུས་པ་དེ་དག་ཐམས་ཅད་བརྒྱ་འགྱུར་དུ་འབྱུང་བར་འགྱུར་རོ། །ཁྱད་པར་དུ་འབྱུང་བ་ནི་འདི་ལྟར་ལྕགས་ཀྱིས་གཞི་དེ་བརྐོས་ནས་གཤིན་རྗེའི་མི་རྣམས་ཀྱིས་མགོ་ཐུར་དུ་བསྟན་ཏེ་ས་བརྐོས་པར་དེའི་མགོ་གང་ཡིན་པ་ཐུར་དུ་
D287.068.0267b05.01བསྟན་ཅིང་རྐང་ལག་གང་ཡིན་པ་དེ་དག་གྱེན་དུ་སྟོན་པར་བྱེད་དོ། །དེ་སྡུག་བསྔལ་གྱིས་ཉམ་ཐག་ནས་ངུ་སྐད་འདོན་མི་ནུས། ཆོ་ངེས་འདེབས་མི་ནུས། ཀུ་ཆོ་འབྱིན་མི་ནུས་སོ། །དེའི་ལུས་ཐུར་དུ་བསྟན་པ་གང་ཡིན་པ་དེ་དག་ཐམས་ཅད་གཤིན་རྗེའི་མི་
D287.068.0267b06.01རྣམས་ཀྱིས་སྟེའུ་ཐོགས་ཏེ་རུས་པ་ལྷག་མ་མ་ལུས་པའི་བར་དུ་འཇོག་པར་བྱེད་དོ། །རུས་པ་དེ་དག་ལ་ཡང་བ་ཚྭའི་ཆུས་ཆག་ཆག་འདེབས་ཏེ་དེ་དག་ལ་ཆག་ཆག་བཏབ་ནས་ཀྱང་འགྲེ་ལྡོག་གོ། །དེའི་བ་ཚྭའི་ཆག་ཆག་བཏབ་པ་དེ་དག་ལས་དེ་ཕྱུང་ན་སྲོག་གི་ལྷག་
D287.068.0267b07.01