德格《甘珠尔》D287

བདེ་མེད་པ། །{བརྫུན་,རྫུན་}དུ་སྨྲ་བ་རྣམ་པར་སྤོངས། །{བརྫུན་,རྫུན་}དུ་སྨྲ་བའི་མི་རྣམས་ནི། །སེམས་དག་ལ་ཡང་རྣམ་པར་འཇིག །དེ་ནི་ཡིད་ཆེས་གནས་མ་ཡིན། །མཁས་པ་ཀུན་གྱིས་རྣམ་པར་སྤངས། །བདག་ཉིད་ལ་ནི་བསླུས་བྱས་ནས། །

ཕ་རོལ་ལ་ནི་{བརྫུན་,རྫུན་}སྨྲ་བ། །སྐྱེས་བུ་དཔའ་སེམས་ཅན་དག་གིས། །དགྲ་བཞིན་དུ་ནི་རྣམ་པར་སྨད། །གང་ཚེ་བདག་དང་གཞན་འཇིག་པ། །དང་པོར་མི་འཐུན་ཁ་ནས་སྨྲ། །མི་ཡིས་རྣམ་པར་མ་སྤངས་ན། །ལྷ་རྣམས་ཀྱིས་ཀྱང་གཏོང་བར་བྱེད། །ཡིད་ལ་{བརྫུན་,རྫུན་}

གྱི་ཚིག་སེམས་ན། །དམའ་ཞིང་འོག་མར་འགྲོ་བར་འགྱུར། །མི་གང་ལོག་པས་མངོན་ཉམས་པ། །དེ་དག་བདེ་བའི་གནས་མེད་དོ། །འཇིག་རྟེན་འཇིག་རྟེན་འདས་ལམ་ལ། །{བརྫུན་,རྫུན་}དུ་སྨྲ་བ་རྣམ་པར་སྨད། །འབྱེད་པས་འབྱེད་པའི་རྣམ་སྨིན་ཏེ། །{བརྫུན་,རྫུན་}

དུ་སྨྲ་བ་རྣམ་པར་སྤོངས། །དེ་ལྟར་དེ་ལ་གནས་པའི་མི། །དམྱལ་བ་ཡིན་པར་ཉེ་བར་བརྟག །མི་མཆོག་བདེན་པ་སྨྲ་བ་ནི། །འཇིག་རྟེན་ཀུན་གྱིས་མཆོད་པར་འགྱུར། །{བརྫུན་,རྫུན་}དུ་སྨྲ་བ་རྣམ་པར་སྤོངས། །འོན་ཏང་བདེན་པའི་མཆོག་ཏུ་འགྱུར། །འཚེ་

མེད་བདེན་ཚིག་སྨྲ་བ་ནི། །འབྱུང་པོ་ཀུན་ལ་བརྩེ་ཞིང་མཉེན། །བདེན་པ་མཐོ་རིས་སྐས་ཡིན་ཞིང་། །ཆོས་རྣམས་འབྱུང་ཁུངས་ཆེན་པོ་ཡིན། །མི་གང་གཤིན་རྗེའི་འཇིག་རྟེན་དང་། །དེ་བཞིན་དམྱལ་བར་འགྲོ་བ་ཡི། །དེའི་རྒྱུ་{བརྫུན་,རྫུན་}དུ་སྨྲ་བ་སྟེ། །མི་

མཁས་པ་དག་སྨྲ་བར་བྱེད། །དུག་དང་ཞགས་པ་གདོས་འདྲ་ཞིང་། །དེ་ནི་མཚོན་དུག་མེ་དང་འདྲ། །{བརྫུན་,རྫུན་}དུ་སྨྲ་བར་མི་བྱ་སྟེ། །དེ་ཡི་འབྲས་བུ་སྡུག་བསྔལ་མང་། །དེ་ལྟར་ལས་འབྲས་ཞེ་འགྲས་པ། །དེ་ནི་རྣམ་སྟོན་འཆི་བར་བྱེད། །ཞི་བའི་ཚིག་ནི་སྨྲ་བར་

གྱིས། །སྨད་པར་བྱ་བ་རྣམ་པར་སྤོངས། །དེ་ལྟར་སེམས་ཅན་དམྱལ་བ་པ་དེ་སྡུག་བསྔལ་མི་བཟད་པ་མྱོང་བ་ན་དེ་ལོ་འབུམ་ཕྲག་དུ་མར་དེའི་ལྕེ་འབྱིན་པར་བྱེད་དོ། །དེ་གལ་ཏེ་ཡང་སེམས་ཅན་དམྱལ་བ་པ་དེའི་ཁའི་ནང་དུ་ལྡུད་པར་བྱེད་དེ། འཇིགས་ཤིང་སྐྲག་ལ་བྱད་