完整藏文原文 · 德格版页 当前仅加载第 68 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་དེ་ནི་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སེམས་ཅན་དམྱལ་བ་ཀུན་ནས་མེ་ལྕེ་འབར་བའི་ཕྲེང་བས་འཁྲུགས་པའི་སེམས་ཅན་དམྱལ་བ་མེ་ཐབ་དེར་སྲེག་ཅིང་འཚེད་དོ། །དེ་དེ་ལས་ཐར་ནས་གལ་ཏེ་ལན་གྲངས་གཞན་ལ་
D287.068.0172b01.01མྱོང་བར་འགྱུར་བའི་ལས་ཀྱིས་{ཡི་དགས་,ཡི་དྭགས་}དང་དུད་འགྲོ་དག་ཏུ་མ་སྐྱེས་ལ་མི་རྣམས་དང་སྐལ་བ་མཉམ་པར་མིར་སྐྱེས་ན་དེའི་སྡིག་པའི་ལས་དེ་དང་རྒྱུ་འཐུན་པའི་འབྲས་བུས་དེ་བྱད་ལག་ངན་ཅིང་ལོང་བ་དང་། ཞ་ཞིང་དབུལ་བར་འགྱུར་ལ་དར་ལ་བབ་པ་ཉིད་ཀྱི་ཚེ་འཆི་བར་འགྱུར་རོ། །དེ་
D287.068.0172b02.01ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་བརྟགས་ན་དེས་ཐོས་པ་ལས་བྱུང་བའི་ཤེས་པས་འཁོར་གཞན་ལྕགས་ཀྱི་ཕྱེ་མ་མེ་མདག་གི་ར་བ་ཞེས་བྱ་བ་ཡོད་པ་མཐོང་ངོ་། །དེར་སེམས་ཅན་དག་
D287.068.0172b03.01ལས་ཀྱི་རྣམ་པར་སྨིན་པ་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན་གང་གིས་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ། །དགེ་སྦྱོང་དགེ་སྦྱོང་དུ་དམ་བཅས་པ་གང་གིས་མོའི་གར་དང་གླུ་དབྱངས་དང་རྒྱན་དག་གི་སྒྲ་ཐོས་ནས་ཚུལ་
D287.068.0172b04.01བཞིན་མ་ཡིན་པ་ཡིད་ལ་བྱེད་པ་གཡེངས་པའི་བློས་དགོད་པ་དང་། བསྒེགས་པ་དང་། རྩེས་པ་དེ་ཐོས་ནས་ཁུ་བ་བྱུང་ལ་བྱུང་ནས་ཀྱང་རོ་མྱོང་བར་བྱེད་ཅིང་སོགས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ལྕགས་ཀྱི་མེ་མདག་ཏུ་སྐྱེ་བར་
D287.068.0172b05.01འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། སེམས་ཅན་དམྱལ་བ་པ་དེ་ལྕགས་ཀྱི་ར་བ་གྲུ་བཞི་པས་བསྐོར་བ། འཁོར་དཔག་ཚད་ལྔ་བརྒྱ་ཡོད་པ་དེའི་ནང་དུ་སེམས་ཅན་དམྱལ་བ་པ་རང་གི་ལས་ཀྱིས་སྲེག་ཅིང་དེར་མེའི་ཆར་དང་ལྕགས་ཀྱི་
D287.068.0172b06.01ཆར་རྒྱུན་མི་འཆད་པར་འབབ་བོ། །དེར་སེམས་ཅན་དམྱལ་བ་པ་དག་ལྕགས་ཀྱི་ཆར་པས་ཡན་ལག་དང་ཉིང་ལག་ཐམས་ཅད་ཕྱེ་མར་རློག་ལ། མེ་མདག་གི་ཆར་པས་གདུངས་ཤིང་སྲེག་གོ། །དེར་ཆར་པ་གཉིས་ཀྱིས་ཉམ་ཐག་པ་དག་གནོད་པ་དེ་དག་མྱོང་བར་འགྱུར་ཏེ།
D287.068.0172b07.01