完整藏文原文 · 德格版页 当前仅加载第 68 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
བླུད་ལ་དེ་ཡང་ཤི་ན་དུག་ལྡུད་ལྡུད་པ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཡང་སོས་སུ་སྐྱེ་བར་འགྱུར་རོ། །དེ་ནས་ཐར་ནས་ཀྱང་{ཡི་དགས་,ཡི་དྭགས་}དུག་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་རི་འབིགས་བྱེད་ཀྱི་རི་སུལ་དང་། རི་ཡོངས་འདུའི་རི་སུལ་དང་།
D287.068.0308b01.01རི་ཁ་བ་ཅན་གྱི་རྩེ་མོ་དང་། རི་མ་ལ་ཡའི་གསེབ་གང་ཡིན་པ་དེ་དག་དང་། རིའི་རྩེ་མོ་དུག་མང་ཞིང་ཆུ་མེད་པ་དང་། སྦྲུལ་གནས་པའི་དགོན་པ་དང་། གྲང་ལྷགས་ཆེ་བའི་དགོན་པ་དོག་ཅིང་ཤིན་ཏུ་འཇིགས་པ་དང་། ཤིང་ལྗོན་པ་ཡལ་ག་འཕྱང་བ་མེད་པ་དང་། རྡོ་ངན་པ་
D287.068.0308b02.01འབའ་ཞིག་ཡོད་པ་དང་། སེང་གེ་དང་། སྟག་གིས་གསོད་པ་ཤིན་ཏུ་འཇིགས་པ་གང་ཡིན་པ་དེ་དག་ཏུ་སྐྱེ་བར་འགྱུར་རོ། །དེར་སྐྱེས་ནས་ཀྱང་གྲང་བའི་དུས་སུ་གྲང་བ་བརྒྱ་འགྱུར་མྱོང་བར་འགྱུར་ལ། ཚ་བའི་དུས་སུ་ཚ་བ་བརྒྱ་འགྱུར་མྱོང་བར་འགྱུར་རོ། །ལས་བྱས་པ་ཚ་བའི་དུས་
D287.068.0308b03.01སུ་ཞག་ལྔར་མེའི་ཆར་པ་ལུས་རྣམས་ལ་འབབ་ཅིང་གྲང་བའི་དུས་སུ་ཞག་ལྔར་ལྷགས་པ་ཆར་པ་ལྟ་བུ་འབབ་བོ། །ཉེས་པར་བྱས་པའི་ལས་དེས་མེ་མདག་དེ་དག་དང་མི་དགའ་བ་དགོན་པ་ལྟ་བུ་དེ་དག་གི་ནང་ན་ལུས་བཀྲེས་པ་དང་སྐོམ་པས་གདུངས་པ་དག་ཀུ་ཆོ་འདོན་ངུ་སྐད་འབྱིན། ཆོ་ངེས་
D287.068.0308b04.01འདེབས་སྨྲེ་སྔགས་འདོན་ཏེ། ལུས་བཀྲེས་པ་དང་སྐོམ་པས་གདུངས་པ་དག་ལ་དུག་གི་རེག་པ་ལྕགས་ཀྱི་ཐུ་ལུམ་རབ་ཏུ་འབར་བ་ལྟ་བུ་གང་ཡིན་པ་དེ་དག་མིད་པར་བྱེད་དོ། །མིད་མ་ཐག་ཏུ་ཤིའོ། །དེ་ནས་ཡང་ཉེས་པར་བྱས་པའི་ལས་དེས་སྐྱེ་བར་འགྱུར་ཏེ། སྐྱེས་ནས་ཀྱང་བཀྲེས་
D287.068.0308b05.01པ་དང་སྐོམ་པ་དེ་སྡུག་བསྔལ་ཉིས་འགྱུར་བས་ལྷག་པར་མྱོང་བར་འགྱུར་རོ། །དེ་ལྟར་དེ་ངུ་སྐད་འབྱིན་པ་ན། བྱའི་མཆུ་རྣོན་པོས་ཀྱང་དེའི་མིག་ཕྱུང་ནས་ཟ་བར་བྱེད་དེ། དེ་ཕྱིར་ཞིང་སྡུག་བསྔལ་གྱིས་ཉམ་ཐག་ནས་ངུ་སྐད་འབྱིན། ཀུ་ཆོ་འདོན། ཆོ་ངེས་འདེབས་སོ། །མིག་ཕྱུང་བ་དེ་
D287.068.0308b06.01དག་སྐྱེ་བར་འགྱུར་ལ་དེ་ནས་ཡང་འབྱིན་པར་བྱེད་དེ། དེ་ལྟར་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་དག་པར་མྱོང་བར་འགྱུར་བ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མྱོང་བར་འགྱུར་རོ། །དེ་ཕྱིས་{ཡི་དགས་,ཡི་དྭགས་}ཀྱི་འཇིག་རྟེན་དེ་ལས་ཐར་བར་
D287.068.0308b07.01