完整藏文原文 · 德格版页 当前仅加载第 68 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པ། །དེ་ལྟ་བུ་ནི་དགེ་སློང་མིན། །གཙུག་ལག་ཁང་དང་ཀུན་དགར་བརྩོན། །ཆོས་ཀྱི་སྤྱོད་ཡུལ་དགའ་མེད་ཅིང་། །བུད་མེད་ཆང་ལ་ཆགས་པའི་བློ། །དེ་ལྟ་བུ་ནི་དགེ་སློང་མིན། །གང་ཞིག་བདུད་ཀྱི་འཆིང་གཅོད་དང་། །སྡིག་པའི་
D287.068.0128b01.01ལས་དག་གཅོད་བྱེད་ལ། །།དགེ་འདུན་སྤྱོད་ཡུལ་མི་སྤྱོད་པ། །དེ་ནི་དགེ་སློང་སངས་རྒྱས་གསུངས། །སྦྲུལ་གདུག་དང་ནི་ཏ་མྲ་དག །སྨིན་པ་ཟ་བ་ཉིས་ན་རུང་། །ཚུལ་ཁྲིམས་འཆལ་ན་དགེ་འདུན་གྱི། །བཟའ་བཏུང་སྤྱོད་པ་མི་རུང་ངོ་། །གང་
D287.068.0128b02.01ཞིག་ཉོན་མོངས་འདུས་པ་ནི། །དེ་ནི་བསོད་སྙོམས་འོས་མིན་ཞིང་། །དེ་ནི་བསོད་སྙོམས་རིགས་མིན་ཏེ། །དེ་ནི་དམྱལ་བའི་འོས་ཡིན་ནོ། །སྦྲུལ་གདུག་ཁུང་ན་འདུག་ལྟ་བུའི། །ཉོན་མོངས་གང་གིས་བཅོམ་ཞིང་སྤངས། །དགེ་སློང་དེ་ནི་བསོད་
D287.068.0128b03.01སྙོམས་སྤྱོད། །དེ་ནི་བུད་མེད་ལྟ་བ་མེད། །གལ་ཏེ་བདག་ཉིད་གཏར་བཞག་ཅིང་། །སྡིག་པ་རྣམས་ལ་ཆགས་པ་ནི། །དགེ་འདུན་རིན་ཆེན་སུན་བྱེད་པ། །དེ་ནི་དགེ་སློང་ཇི་ལྟར་ཤེས། །གང་ཞིག་རྙེད་དང་བཀུར་སྟི་དང་། །གང་ཞིག་ཡུལ་སྡུག་སེམས་
D287.068.0128b04.01བྱེད་ལ། །བུད་མེད་ལྟ་ཞིང་དེ་འདོད་པ། །དགེ་མིན་ཁྱིམ་མིན་གཡོན་ཅན་ཡིན། །ཇི་ལྟར་མེ་ཡིས་ཚལ་བསྲེགས་བཞིན། །གང་གིས་ཉོན་མོངས་ཚལ་བསྲེགས་པ། །བྲམ་ཟེ་དེ་ཡིན་དེ་དགེ་ཞིང་། །སྡིག་པའི་ཟས་ལ་མི་ཆགས་སོ། །རྟག་པར་གྲོང་
D287.068.0128b05.01དུ་འགྲོ་སྤྲོ་ཞིང་། །གཡོན་ཅན་རྟག་ཏུ་ཁྲུས་བྱེད་པ། །རྨོངས་པ་བདག་དང་གཞན་སླུ་སྟེ། །དམ་ཆོས་ལམ་ལ་རྨོངས་པ་ཡིན། །ཡིད་ནི་ཞི་ཞིང་དགོན་པ་རུ། །རྟག་ཏུ་བསམ་གཏན་ཕ་རོལ་འགྲོ། །བྲམ་ཟེ་དེ་ཡིན་དེ་དགེ་ཞིང་། །དགེ་བའི་ལམ་གྱི་
D287.068.0128b06.01སྤྱོད་ཡུལ་ཡིན། །དགོན་པ་དག་ཏུ་དགའ་བྱེད་པ། །དེར་ནི་འདོད་ཆགས་བྲལ་བ་དགའ། །འདོད་པ་ཚོལ་བའི་ཡིད་དག་ནི། །དེར་ནི་དགའ་བར་མི་འགྱུར་རོ། །གང་ཞིག་འབེལ་བའི་གཏམ་དགའ་ཞིང་། །ཡུལ་གྱི་སྲེད་པས་མངོན་དགའ་བ། །གང་ན་འཆི་
D287.068.0128b07.01