完整藏文原文 · 德格版页 当前仅加载第 68 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
བ་བྱུང་སྟེ། དེས་དེའི་རྐང་མཐིལ་ལ་སོགས་པ་བརྟོལ་བ་ནས་པུས་མོའི་ལྷ་ངའི་བར་དུ་བརྟོལ་ཏོ། །རྐང་པ་བརྟོལ་བ་དེ་ལུས་ནི་རབ་ཏུ་འབར། སྡུག་བསྔལ་གྱིས་ཉམ་ནི་ཐག །སྙིང་རྗེ་རྗེ་སྐད་དུ་ཀུ་ཆོ་ནི་འབྱིན། ཡོངས་སུ་སྨྲེ་སྔགས་ནི་འདོན། ངུ་
D287.068.0278a01.01ཞིང་རང་གི་ཁྲག་གི་ནང་དུ་ལྷུང་ཞིང་བྱིང་ངོ་། །དེ་ནས་ཡང་ལུས་ཀྱི་ཡན་ལག་ཐམས་ཅད་བསྲེགས་པ་ལས་ལངས་ནས་དེ་ལྟར་སེམས་བློང་བློང་པོར་གྱུར་པ་དེ་འགྲོ་བ་དང་། ཁྱི་སོ་རབ་ཏུ་འབར་བ་དག་འོངས་ནས་དེ་དག་གིས་བཟུང་སྟེ། དེའི་ཡན་ལག་དང་ཉིང་ལག་ཐམས་ཅད་
D287.068.0278a02.01དང་། །པགས་པ་དང་ཁྲག་དང་ཤ་དང་ཚིལ་དང་རྐང་ཡན་ཆད་ལ་ཟའོ། །དེ་ལྟར་ཡུལ་མ་རུང་བར་བྱེད་པ་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོར་མྱོང་བར་འགྱུར་བ་མ་ཟད་ཅིང་མ་སྤངས་པ་དེ་སྲིད་དུ་རང་གི་གནོད་པ་ཡུན་རིང་དུ་མྱོང་བར་འགྱུར་རོ། །
D287.068.0278a03.01དེ་ཕྱིས་ལས་དེ་དང་འཐུན་པར་ཚེ་རབས་ལྔ་བརྒྱར་དུད་འགྲོ་འཕྱེ་བོ་རྣམས་ཀྱི་ནང་དུ་སྐྱེ་བར་འགྱུར་ཏེ། གར་སྐྱེས་པར་སེར་བས་སམ། སྦྲུལ་དག་གིས་གསོད་པའམ། རླུང་དག་གིས་གསོད་པར་འགྱུར། དེ་དེ་ལས་ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་
D287.068.0278a04.01པར་མིར་སྐྱེས་ན་དེ་རི་ཁྲོད་པའི་རིགས་སུ་སྐྱེ་ཞིང་སྐྱེ་བོ་ཀུན་གྱིས་སྨད་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་
D287.068.0278a05.01སེམས་ཅན་དམྱལ་བ་སྐར་ཕྲེང་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་ཉོན་མོངས་པ་ཐམས་ཅད་ཟད་པར་བྱེད་འདོད་པ་འགོག་པ་ལས་ལངས་པའི་དགེ་སློང་དང་པོ་ཤིན་ཏུ་
D287.068.0278a06.01བཀྲེས་པ་དེའི་ཁ་ཟས་ཕྲོགས་ཏེ་ཕྲོགས་ནས་ཀྱང་མགུ་ཞིང་ཡིད་རབ་ཏུ་དགའ་ལ་ཡང་དང་ཡང་དུ་རོ་མྱོང་བར་བྱེད། ལེགས་པར་སེམས་པ་དེ་ཉིད་ལ་གཞན་དག་ཀྱང་གཟེངས་སྟོད་པར་བྱེད་ལ་ལས་དང་ལས་ཀྱི་ཉེར་བསྡོགས་དང་། ལས་ཀྱི་མཇུག་དང་ཡང་དག་པར་ལྡན་པ་བྱས་ཤིང་
D287.068.0278a07.01