'phags pa dam pa'i chos dran pa nye bar gzhag pa/
当前为德格木刻版 195a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 195a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 195a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པ་གང་གིས་ཡུལ་འཁོར་འཇོམས་པར་བྱེད། སྐྱེས་བུ་དམ་པ་གསོད་པར་བྱེད། དགྲ་གཞན་གྱི་ནོར་རྫས་འཕྲོག་པར་བྱེད་དོ། །སྔོན་བདེན་པ་སྨྲའོ་ཞེས་འཇིག་རྟེན་ཡིད་ཆེས་པ་ཐོབ་པར་བྱས་ཤིང་དད་པ་བསྐྱེད་དེ། དེ་ནས་{བརྫུན་,རྫུན་}སྨྲ་བ་ནི་དེ་ཆ་ལུགས་བཟང་པོར་བསྒྱུར་ཅིང་རྐུན་མ་{བརྫུན་,རྫུན་}སྨྲ་བ་ཡིན་ཏེ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གཞན་དུ་འགྱུར་བར་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། རྒྱང་རིང་པོ་ནས་དེའི་
མ་དང་ཕ་དང་བྲན་དང་བསྟེན་གྲོགས་དང་སྡུག་པའི་མི་དེ་དག་མཐོང་ངོ་། །སེམས་ཅན་དམྱལ་བ་དེས་མཐོང་བ་དང་། དེ་དག་གི་ཁ་ནས་དེས་ཚིག་སྙན་པ་དག་ཐོས་པ་དང་། དེ་དག་གི་དྲུང་དུ་མགོན་འདོད་པ། སྐྱབས་འདོད་པ། དཔུང་གཉེན་འདོད་པ། དཔུང་གཉེན་ཚོལ་བས་རྒྱུག་གོ། །དེ་ཇི་ལྟ་ཇི་ལྟར་དེ་དག་གི་དྲུང་དུ་རྒྱུག་པ་དེ་ལྟ་དེ་ལྟར་མདག་མེ་མཚོ་ལྟ་བུའི་ནང་དུ་ནུབ་སྟེ། ཇི་ལྟར་རྡོ་ཆུར་བོར་བ་བཞིན་དུ་ནུབ་བོ། །དེ་ནས་འབྱུང་ལ་ཡན་ལག་དང་ཉིང་ལག་ཐམས་ཅད་ཤིན་ཏུ་བསྲེགས་ཏེ། ཚོར་བས་ཉམ་ཐག་ནས་ངུ་
སྐད་འདོན་པ་ན། དེའི་ཕ་དང་མ་དང་བུ་དང་བསྟེན་གྲོགས་དག་མཐོང་བ་དང་ཡང་རྒྱུག་གོ། །དེ་ནས་ཡང་ལས་ཀྱིས་བྱས་པའི་གཤིན་རྗེའི་མི་སོག་ལེ་ཐོགས་པ་དག་ལམ་ནས་བྱུང་སྟེ། དེ་གཤིན་རྗེའི་མི་དེ་དག་གིས་བཟུང་ངོ་། །བཟུང་ནས་ཤིང་བཞིན་དུ་དབུས་གཤོག་གོ། །དེ་རེས་འགའ་དེ་ལས་ཐར་ན་པགས་པ་དང་། རུས་པ་ཙམ་ལུས་པ་ཡན་ལག་དང་ཉིང་ལག་ཐམས་ཅད་ཕུག་ཅིང་དྲལ་བའི་ལུས་རྨ་མཚན་ཅན་དག་གར་ཐར་ཐར་དུ་འབྲོས་སོ། །དེ་བྲོས་ན་ཡང་གཤིན་རྗེའི་མི་གཞན་དག་གིས་བཟུང་ངོ་། །བཟུང་
ནས་ལས་ལས་བྱུང་བའི་ཟོ་ཆུན་རྒྱུད་མའི་ནང་རྡོས་བཀང་བ་དེར་དེ་བཅུག་གོ། །དེ་ནས་ཟོ་ཆུན་རྒྱུད་མོ་རབ་ཏུ་འབར་བ་འཁོར་ལོ་ལྟར་བསྐོར་ཏེ། དེར་{བརྫུན་,རྫུན་}སྨྲ་བ་དེ་ཕྱེ་བཞིན་དུ་འཐག་ཅིང་ཕྱེ་མར་རློག་གོ། །དེ་ཟོ་ཆུན་རྒྱུད་མོ་དེ་ལས་བྱུང་སྟེ། ཐར་ནས་མ་དང་ཕ་དང་།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 195a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。