完整藏文原文 · 德格版页 当前仅加载第 68 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་རྣམས་ལ། འཕྲུལ་དགའ་རྣམས་ཀྱིས་ཀྱང་གཞན་འཕྲུལ་དབང་བྱེད་པ་རྣམས་ལ་བསྙད་དོ། །དེ་ལྟར་རིམ་གྱིས་སྔ་མ་བཞིན་དུ་འོད་ཆུང་གི་ལྷ་རྣམས་ཀྱི་བར་ལ་བསྙད་དེ་འདི་ལྟར་ལྷ་ཁྱེད་ཅག་སེམས་ཤིན་ཏུ་མཉམ་པར་བཞག་པས་ཉོན་ཅིག །འདི་ལྟར་འཛམ་བུའི་གླིང་ན་
D287.068.0284b01.01རིགས་ཆེ་གེ་མོ་ཞིག་ལས་རིགས་ཀྱི་བུ་མང་གེ་མོ་ཞིག་ཡུལ་ག་གེ་མོ་ཞིག་ནས་སྐྲ་དང་ཁ་སྤུ་བྲེགས་གོས་ངུར་སྨྲིག་བགོས་ནས་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་རྩོལ་ཞིང་འབད་ལ་སྒྲིམ་པ་ན་སྤྲོ་བ་མི་འབྲི་ཞིང་བདུད་ཀྱི་ཡུལ་གྱི་དངོས་པོ་མི་འདོད་
D287.068.0284b02.01ལ་དགའ་བའི་འདོད་ཆགས་ཀྱི་མོད་ལས་བྱུང་བའི་སྲེད་པ་དང་ལྷན་ཅིག་ཤིན་ཏུ་ཆགས་པར་མི་བྱེད་ཀུན་ནས་ཉོན་མོངས་ཤིང་མི་སྡུག་པ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་རྣམས་ཀྱིས་ཤིན་ཏུ་ཆགས་པར་མི་བྱེད་དེ། དེ་ས་གཞན་བཅུ་གསུམ་པ་ལ་ཞུགས་སོ། །སེམས་ཅན་
D287.068.0284b03.01དམྱལ་བ་བརྒྱད་པོ་ཀུན་གྱི་ལས་ཀྱི་ཆོས་ཀྱི་རྣམ་པར་སྨིན་པ་ཤེས་པའི་དགེ་སློང་གིས་འཁོར་བ་མ་རིག་པའི་མུན་པའི་སྡུག་བསྔལ་ཐམས་ཅད་ཤེས་ནས་ཇི་ལྟ་བ་བཞིན་དུ་ཡིད་བྱུང་སྟེ། བདུད་ཀྱི་ཕྱོགས་ཀྱི་དངོས་པོ་ནི་དམས་སོ། །དམ་པའི་ཆོས་ཀྱི་ཕྱོགས་ནི་མངོན་པར་མཐོའོ་ཞེས་
D287.068.0284b04.01དེ་ཐོས་ནས་འོད་ཆུང་གི་ལྷ་རྣམས་མཆོག་ཏུ་དགའ་ཞིང་འཁོད་དེ། འདི་ལྟར་བདུད་ཀྱི་ཕྱོགས་ནི་དམས་སོ། །དམ་པའི་ཆོས་ཀྱི་ཕྱོགས་ནི་མངོན་པར་མཐོའོ་སྙམ་མོ། །དེ་ལྟར་ལྷ་རྣམས་དགའ་བའི་ཡིད་ཀྱིས་དམ་པའི་ཆོས་ཉན་པར་འགྱུར་ན་གང་དད་པ་དང་དད་པའི་རྗེས་སུ་འབྲང་
D287.068.0284b05.01ཞིང་དེ་ཁོ་ན་ཉིད་མཐོང་བའི་སྐྱེས་བུ་དམ་པ་དེ་དག་ལས་དེ་དང་རྒྱུ་འཐུན་པར་དམ་པའི་ཆོས་འཕེལ་ཞིང་རྒྱས་པ་ཡིད་དགའ་བར་འགྱུར་བ་ལྟ་སྨོས་ཀྱང་ཅི་དགོས། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བའི་གནོད་པ་རྒྱ་མཚོའི་ཆུ་ལྟ་
D287.068.0284b06.01བུ་ཀུན་ཏུ་སྲེད་པ་ཀློང་ལྟ་བུར་གཡོ་བ་སེམས་ཅན་དམྱལ་བ་ཆེན་པོ་ཡང་སོས་ལ་སོགས་པ་ནས་མནར་མེད་པའི་བར་རྒྱ་ཆེ་བའི་ནང་སའི་འོག་འཇིགས་པར་རྫོགས་བྱེད་དང་། ཀུན་ཏུ་རྒྱུ་དང་། ཀོ་ཀ་ལི་ཀ་དང་། ལྷས་བྱིན་དག་ཉ་དང་ཆུ་སྲིན་ཆེན་པོ་ལྟར་ཟིན་ཅིང་སེམས་ཅན་
D287.068.0284b07.01