完整藏文原文 · 德格版页 当前仅加载第 68 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་རྒྱུ་ལས་སྐྱེས། །ལས་འབྲས་དེ་ཉིད་ཤེས་པ་དེ། །དག་པ་ཡིན་ཞེས་མངོན་པར་རྟོགས། །གཏི་མུག་ཞགས་པའི་དབང་སོང་བ། །ཁྱོད་ཀྱིས་སྡིག་དེ་རྟག་ཏུ་བྱས། །སྡིག་དང་བཅས་པའི་ལས་བྱས་པས། །བྱིས་པ་དོན་མེད་ཅི་ཞིག་གདུང་། །
D287.068.0283a01.01སྡིག་ལ་སྡིག་པ་རྟག་ཏུ་གནས། །དེ་བཞིན་ཆོས་ལ་ཆོས་གནས་ཏེ། །དེ་ཉིད་ལས་ནི་སྟོན་བྱེད་པ། །བརྟན་པ་དག་གིས་གཉི་ག་སྤོང་། །སངས་རྒྱས་བསྟན་ལ་རྨོངས་པ་དང་། །ལམ་དང་ལམ་མིན་རྨོངས་པ་གང་། །དེ་དག་ལ་ནི་ཞི་མེད་དེ། །མུན་ལ་ཉི་མ་མེད་
D287.068.0283a02.01པ་བཞིན། །རྟག་ཏུ་ཆོས་དང་ཆོས་མིན་དང་། །རྒྱུ་དང་རྐྱེན་ལ་རྨོངས་པ་དང་། །གནོད་མཆོག་ཤིན་ཏུ་མི་བཟད་པ། །སེམས་ཅན་དམྱལ་བ་དྲག་པོ་ཐོབ། །གཏན་ཚིགས་ལྡན་པའི་ཚིག་རྣམས་ཀྱིས། །དེ་ལ་བསྒོ་ནས་གཤིན་རྗེའི་མི། །མདུང་ཐུང་གཏུན་
D287.068.0283a03.01ཤིང་ཐོགས་ནས་སུ། །དེ་ནས་ཁྲོ་ཞིང་རྔམ་པར་འགྱུར། །དེ་ནས་ཡང་མཚོན་ཆ་རྣམ་པ་དུ་མ་དག་ཐོགས་ནས་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་གྱུར་པ་དེ་སྲིད་དུ་ལོ་འབུམ་ཕྲག་དུ་མའི་དུས་ནས་བསྐྱེད་པ་རང་གི་ལས་ཀྱིས་བྱས་
D287.068.0283a04.01པ་ལ་སྤྱོད་པའི་སེམས་ཅན་དམྱལ་བ་དེ་དག་ལ་གསོད་དོ། །དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེའི་མཐུས་ཚེ་རབས་བདུན་བརྒྱར་{ཡི་དགས་,ཡི་དྭགས་}སྟོར་ཁུང་ནས་འབབ་པ་འཐུང་བ་རྣམས་ཀྱི་ནང་དུ་སྐྱེ་བར་འགྱུར། དེ་དེ་ལས་ཐར་
D287.068.0283a05.01ནས་ཀྱང་ལས་དེ་དང་རྒྱུ་འཐུན་པར་ཚེ་རབས་ལྔ་བརྒྱར་དུད་འགྲོ་སི་མི་སི་མི་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་ལས་ཐར་ནས་ཀྱང་མི་རྣམས་ཀྱི་ནང་དུ་བྱ་རོག་ལྟར་དམན་པར་སྐྱེ་བར་འགྱུར་ཏེ། དེར་རྟག་ཏུ་ཁ་ཟས་སྙིང་པོ། མེད་པ་ཟ་ཞིང་སྐོམ་ཡང་རྙོག་མ་ཅན་འཐུང་བར་འགྱུར་
D287.068.0283a06.01ལ་སྐོམ་དེ་ཡང་ལན་འགའ་ཞིག་འཐུང་བར་འགྱུར་བ་མཐོང་ངོ་།། །།འཕགས་པ་དམ་པའི་ཆོས་དྲན་པ་ཉེ་བར་གཞག་པ། བམ་པོ་{བཅྭ་,བཅོ་}བརྒྱད་པ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་
D287.068.0283a07.01