完整藏文原文 · 德格版页 当前仅加载第 68 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
འོངས་པའི་འབྲས་བུ་ལ་ཉེ་བར་སྤྱོད་དོ། །དེ་ལྟར་དེ་མེ་མདག་གི་མུན་པའི་ནང་ན་དཔུང་གཉེན་མེད་ཅིང་གྲོགས་མེད་པ་སྡུག་བསྔལ་མི་བཟད་པས་ཉམ་ཐག་པར་གྱུར་པ། ཡུན་རིང་དུ་རང་གིས་བྱས་པའི་ལས་ཀྱི་འབྲས་བུ་ལ་སྤྱོད་པར་ཞུགས་པ་ཡུན་རིང་དུ་འཚེད་དོ། །
D287.068.0235a01.01དེ་གལ་ཏེ་ཡང་ལས་ཀྱི་རླུང་དེ་དག་ཉིད་ཀྱིས་མེ་མདག་དེ་དག་གི་ནང་ནས་འབྱིན་པར་བྱེད་དེ། ལུས་ཐམས་ཅད་བསྐོལ་ཅིང་སྡུག་བསྔལ་ཐམས་ཅད་ཀྱིས་ཉམ་ཐག་པ་དེ་རྐང་པ་གར་བབ་བབ་ཏུ་འདོར་རོ། །དེ་ནས་ཡང་འབྱུང་བར་འགྱུར་ཏེ། གཤིན་རྗེའི་མི་རྣམས་ཀྱིས་བཟུང་
D287.068.0235a02.01ངོ་། །བཟུང་ནས་ཀྱང་དེའི་རྐུབ་སོག་ལེ་རབ་ཏུ་འབར་བས་གཅོད་དོ། །བཅད་ཅིང་གཏུབས་ནས་ཡང་ཤིན་ཏུ་གཞོན་ཤ་ཅན་དུ་སྐྱེ་བར་འགྱུར་ཏེ། དེ་ལྟར་ལོ་འབུམ་ཕྲག་དུ་མར་དེ་སོག་ལེའི་སྡུག་བསྔལ་མྱོང་ཞིང་དེ་འདི་སྐད་དུ་རྣམ་པར་སྒྲ་འབྱིན་པར་བྱེད་དོ། །བདག་གིས་
D287.068.0235a03.01ལས་དག་བྱས་པ་ཡི། །འབྲས་བུ་དེ་དག་བདག་ཉིད་ཡིན། །འདོད་ཆགས་དགྲ་ཡིས་གདུངས་པ་ན། །ཕྱི་ནས་སེམས་ཅན་དམྱལ་བར་འོངས། །འདོད་ཆགས་གདུངས་པའི་ལས་ཅན་གྱི། །བག་མེད་ས་ན་མི་གཙང་བའི། །ཞགས་པ་དེ་ཡིས་བཅིངས་པ་ཡིས། །
D287.068.0235a04.01བདག་ནི་གནས་འདི་དག་ཏུ་འོངས། །སྔོན་ཆད་བདག་ནི་འདོད་ཆགས་ཀྱི། །འབྲས་བུ་ཚ་སྙམ་མི་བྱེད་དེ། །མི་ཤེས་པ་ཡིས་བདག་བསླུས་པས། །འདིར་ནི་བདག་གིས་བྱས་ལ་སྤྱོད། །བརྩེ་མེད་ཤིན་ཏུ་དྲག་པ་ཡི། །སྡིག་པ་དག་གི་དབང་དུ་སོང་། །
D287.068.0235a05.01སྡུག་བསྔལ་རྒྱ་མཚོ་མཐའ་ཡས་པ། །འདི་ལས་བདག་ཉིད་ཇི་ལྟར་ཐར། །སྡུག་བསྔལ་དག་ལས་སྡུག་བསྔལ་ལས། །འདི་ཡིས་བདག་ནི་ཡོངས་སུ་འཚེད། །བདག་ནི་སེམས་དམྱལ་ཟད་པ་འམ། །བདེ་བ་འཐོབ་པ་མ་མཐོང་ངོ་། །དེ་ལྟར་སེམས་ཅན་དམྱལ་བ་
D287.068.0235a06.01པ་དེ་ནང་ན་མེ་མདག་ཡོད་པའི་སེམས་ཅན་དམྱལ་བར་ཤིན་ཏུ་སྡུག་བསྔལ་བས་ཉམ་ཐག་ཅིང་ངུ་སྐད་འདོན་ཏེ། སེམས་ཅན་དམྱལ་བ་པ་དེ་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་མྱོང་བར་འགྱུར་རོ། །དེ་ཕྱིས་སེམས་ཅན་
D287.068.0235a07.01