完整藏文原文 · 德格版页 当前仅加载第 68 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
འབར་བས་སེམས་ཅན་དམྱལ་བ་ལུས་རྣམ་པར་ཞུམ་པ་དེ་པད་མ་ཆེན་པོ་ཁ་བཙུམས་པ་དང་ཕྱེ་བ་ལྟར་སྲེག་གོ། །འཚེད་དོ། །སྐེམས་སོ། །གསོད་དོ། །དེ་ནས་ཡང་སླར་སྐྱེ་བར་འགྱུར་ཏེ། གནོད་པ་ཁྱད་པར་དུ་འབྱུང་བ་ནི་ཇི་ལྟར་ལས་བྱས་པ་བཞིན་དུ་དེའི་ལྕགས་གླེབས་པ་
D287.068.0281b01.01ཆུ་ཞེང་དཔག་ཚད་ལྔ་ཡོད་པ་ཀུན་ནས་རབ་ཏུ་འབར་ལ་ཀུན་ནས་མེ་ལྕེ་གཅིག་ཏུ་གྱུར་པ་ཁྱེར་ཏེ་དེས་སླུ་བར་བྱེད་པ་དེ་ཡོངས་སུ་དཀྲིས་ཤིང་དུ་མར་བསྐོར་ཏོ། །ལུས་ཀུན་ནས་རབ་ཏུ་འབར་བ་ཀུ་ཆོ་འདོན་པ་ན་སོ་སོར་ཉམས་ཤིང་ཐམས་ཅད་ནས་བདེ་བ་ཁབ་ཀྱི་བུ་ག་ཙམ་ཡང་མེད་
D287.068.0281b02.01དོ། །མེ་དང་ལྕགས་གླེབས་པ་དེས་རྟག་ཏུ་ཁྱབ་སྟེ། དེ་ལྟར་དེ་སྡུག་བསྔལ་དྲག་པ་རྩུབ་པ་ཤིན་ཏུ་མི་བཟད་པ་དག་མྱོང་ངོ་། །བཀྲེས་པ་དང་སྐོམ་པར་གྱུར་ཅིང་ལྕགས་གླེབས་པ་དང་མེ་འབྱུང་བས་དེ་ལྟར་དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་
D287.068.0281b03.01ཟད་པར་མ་བྱས་པ་དེ་སྲིད་དུ་གནོད་པ་དེ་དག་མྱོང་བར་འགྱུར་རོ། །དེ་དེ་ལས་ཐར་ན་ལས་དེ་དག་དང་རྒྱུ་འཐུན་པར་ཚེ་རབས་བདུན་སྟོང་དུ་{ཡི་དགས་,ཡི་དྭགས་}གླད་རྒྱས་ཟ་བ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་ལས་ཐར་ནས་ཀྱང་ཚེ་རབས་བདུན་སྟོང་དུ་དུད་འགྲོ་ཁ་ཟས་མེད་པའམ་མེ་ཟ་
D287.068.0281b04.01བ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་ལས་ཐར་ནས་ཀྱང་གལ་ཏེ་སོ་སོར་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་རྟག་ཏུ་རྒྱལ་པོས་བཙོན་རར་བཅུག་ཅིང་ཚེ་རབས་ལྔ་བརྒྱར་བཀྲེས་པ་དང་སྐོམ་པ་དག་གིས་འཆི་བའི་དུས་བྱེད་
D287.068.0281b05.01པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་འགྲོ་བ་མེས་སྲེག་ཅེས་བྱ་བ་མཐོང་ངོ་། །
D287.068.0281b06.01དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་འདི་ལྟར་འཕགས་པ་དང་འཕགས་པའི་གང་ཟག་མི་གནས་པར་བྱའོ་སྙམ་ནས་སངས་རྒྱས་ཀྱི་གཙུག་ལག་ཁང་འཇིག་པར་བྱེད་དམ། དེ་སངས་
D287.068.0281b07.01