完整藏文原文 · 德格版页 当前仅加载第 68 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
ཉམས་པ་དེ་རང་གི་ཁྲག་དང་། ཁ་ཆུ་འཛག་པ་དང་། རང་གི་ལྕེ་དེ་ཉིད་ལ་ཟའོ། །ལྕེ་གཏུབ་གཏུབ་པ་དེ་ལས་ཀྱི་དབང་གིས་ཡང་སྐྱེ་བར་འགྱུར་ཏེ། དེ་ནས་ཡང་སྡུག་བསྔལ་གྱིས་ཉམ་ཐག་པ་དག་ས་ལ་འཕྱེ་ཞིང་འགྲེ་ལྡོག་ལ་ཡོངས་སུ་ངུ་སྐད་འབྱིན་ཏོ། །དེ་ལྟར་
D287.068.0261b01.01སྡུག་བསྔལ་གྱིས་ཉམ་ཐག་པ་དེའི་མིག་གི་འབྲས་བུ་ནི་འགྱུར། སྡུག་བསྔལ་གྱིས་ཉམ་ཐག་ཅིང་དམན་ལ་གྲོགས་མེད་པ་གཅིག་པུ་རང་གིས་བྱས་པ་ལ་ཉེ་བར་སྤྱོད་དོ། །འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། ཚིག་རྩུབ་
D287.068.0261b02.01ཞེས་བྱ་གང་མཐོང་བ། །མདའ་ལྟར་རྣོ་བ་ཁྱོད་ཀྱི་ཚིག །གཞུ་ལྟ་བུ་ཡི་ལྕེ་ལས་འཕངས། །དེ་ཡི་འབྲས་བུ་འདིར་འོངས་སོ། །གང་ལ་ཚིག་རྩུབ་འབྱུང་བ་ནི། །དུག་ལྟ་བུ་ཡི་ལྕེ་ལས་འབྱུང་། །འཇིག་རྟེན་ལ་ནི་ཤ་ཟ་འདྲ། །དེ་དག་ཡོངས་སུ་སྤང་བར་གྱིས། །
D287.068.0261b03.01ཇི་ལྟར་ཡིད་འབྱུང་འགྱུར་བ་ནི། །ཉམ་ངར་ཚིག་རྩུབ་སྨྲ་བ་སྟེ། །མེ་མཚོན་དུག་ནི་འབྱུང་བ་ལ། །མི་དགེ་དེ་ལྟར་ཡིད་མི་འབྱུང་། །གཙུབ་ཤིང་ལྟ་བུའི་ལྕེ་ལས་བྱུང་། །ཤིང་ལྟ་བུ་ཡི་སྙིང་གིས་སྤེལ། །འཇིག་རྟེན་ཚིག་རྩུབ་མེ་ལྟར་འབར། །ཤིང་སྐམ་ལྟ་
D287.068.0261b04.01བུར་སྲེག་པར་བྱེད། །གང་དག་སྙན་པར་སྨྲ་ལ་དགའ། །འཇིག་རྟེན་ཀུན་གྱིས་ཕྱག་བྱེད་དོ། །འཇིག་རྟེན་ཀུན་ལ་མ་དང་འདྲ། །དེ་ནི་ཕ་དང་འདྲ་བར་དགའ། །དང་པོར་སྙན་པར་སྨྲ་བ་དགེ། །བདེ་འཇམ་བདེ་བ་འབྱུང་བ་ཡིན། །སྡིག་པ་མི་ཟད་སེལ་བ་དང་། །
D287.068.0261b05.01མི་སྡུག་ས་ཀུན་སྦྱོང་བ་ཡིན། །ཚིག་སྙན་མཐོ་རིས་སྐས་ཡིན་ཏེ། །ཚིག་སྙན་དགེ་བའི་གཏེར་ཡིན་ནོ། །ཚིག་སྙན་འཇིག་རྟེན་གཉེན་ཡིན་ཏེ། །ཚིག་སྙན་ལེགས་པ་མངོན་པར་འགྲུབ། །ཁྱོད་ཀྱིས་ཚིག་རྩུབ་དེ་སྨྲས་པས། །སེམས་ཅན་དམྱལ་བ་དྲག་
D287.068.0261b06.01པོར་འོངས། །ལྕེ་དེ་དག་ལ་འང་གནོད་པར་བྱེད། །དེ་རིང་ཅི་ཞིག་ཡོངས་སུ་སྨྲེ། །དེ་ལྟར་རྗེས་སུ་བསྟན་པ་ན་{བརྫུན་,རྫུན་}དུ་སྨྲས་པ་དེ་ཀུན་ཏུ་བསྟེན་ཅིང་བསྒོམས་ཏེ། མང་དུ་བྱས་ལ་རྗེས་སུ་ཡི་རང་ཞིང་མ་བཤགས་པ་དང་། ལོ་འབུམ་ཕྲག་དུ་མར་ལྷན་ཅིག་གནས་
D287.068.0261b07.01