'phags pa dam pa'i chos dran pa nye bar gzhag pa/
当前为德格木刻版 296a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 296a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 296a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཡང་མ་ཡིན་ལ། དེ་སྦྱིན་པ་ཚེར་མ་ལྟ་བུ་ཡང་བྱིན་ཏེ། རྒྱུ་དེས་རྫུ་འཕྲུལ་ཆེ་བ་ཉིད་དུ་འགྱུར་རོ། །དེ་ལ་མི་ཕལ་པ་དག་མ་ཧེ་དང་། {རི་དགས་,རི་དྭགས་}དང་། སྦྲུལ་དང་། ལུག་ལ་སོགས་པ་དག་སྲོག་བཅད་ནས་ཤས་ཤིན་ཏུ་ཚིམ་པར་བྱེད་དོ། །དེ་ལྟར་དེ་ཉེས་པར་བྱས་པའི་ངོ་བོ་ཉིད་ཀྱིས་ཇི་སྲིད་དུ་མི་དགེ་བའི་ལས་ཕྲག་དོག་བྱས་པ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་དེར་འབྱུང་བར་འགྱུར་རོ། །དེ་ཕྱིས་{ཡི་དགས་,ཡི་དྭགས་}ཀྱི་འཇིག་རྟེན་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པར་ལས་ཉེ་བར་འགྲོ་བ་དང་། ལས་སོ་སོར་
འབྲང་བ་ཇི་ལྟ་བ་བཞིན་དུ་འཁོར་བ་ན་ཡོངས་སུ་འཁྱམ་མོ། །གལ་ཏེ་བརྒྱ་ལ་ལས་ལེགས་པར་བྱས་པ་དེས་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན་ཤ་ཟ་བ་ཤེན་པ་ཕལ་པའམ་དུམ་བུར་བྱེད་པའི་མིར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་{ཡི་དགས་,ཡི་དྭགས་}ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་{ཡི་དགས་,ཡི་དྭགས་}བདུག་པ་ཟ་བ་ཞེས་བྱ་བ་དེ་ཐོབ་པས་དེས་སྲོག་འཚོ་བ་འཐོབ་པ་ཇི་ལྟར་འདུག་པ་མཐོང་ངོ་། །དེ་ལས་གང་གིས་དེར་སྐྱེ་
བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་ལྷུས་ཆེར་སེར་སྣས་ཟིལ་གྱིས་ནོན་ཅིང་ལས་ཀྱི་འབྲས་བུ་མངོན་པར་མི་ཤེས་པ། སངས་རྒྱས་ཞེས་བྱ་བ་འདི་ཞིང་མ་ཡིན་ནོ་སྙམ་ནས་ཞིང་དུ་མངོན་པར་མ་ཤེས་པ་གང་གིས་བདུག་སྤོས་བཟང་པོ་བཞག་ལ་བདུག་སྤོས་ངན་པ་ཁྱེར་ཏེ། སེམས་དང་བ་མེད་ཅིང་དད་པ་མེད་པར་གྱུར་པ། ལས་ཀྱི་འབྲས་བུ་ཡང་དག་པར་མྱོང་བར་འདོད་པ། གཞན་གྱི་ངོར་འདི་ལྟར་བདུག་སྤོས་ཕུལ་བས་བདག་གི་ལས་ཀྱི་འབྲས་བུར་འགྱུར་སྙམ་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་
{ཡི་དགས་,ཡི་དྭགས་}རྫུ་འཕྲུལ་ཆེ་བ་མེ་ཏོག་ཕྲེང་བ་དང་། ཕྱེ་མ་དང་། བྱུག་པ་དང་། སྤོས་དང་། རོལ་མོའི་སྒྲ་ལ་རབ་ཏུ་དགའ་ཞིང་བདུག་པ་ཟ་བའི་གནོད་སྦྱིན་དུ་འགྱུར་ཏེ། གནོད་སྦྱིན་གྱི་གནས་སུམ་མདོ་དང་། བཞི་མདོའམ། ལམ་པོ་ཆེའམ། སྲང་ངམ། གཙུག་ལག་ཁང་ངམ། ཀུན་དགའ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 296a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。