'phags pa dam pa'i chos dran pa nye bar gzhag pa/
当前为德格木刻版 293b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 293b
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 293b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པ་ལས་བྱུང་བའི་ཤེས་པས་བརྟགས་ན། མི་ངན་པ་ཕྲག་དོག་དང་སེར་སྣས་ཟིལ་གྱིས་ནོན་ཅིང་མི་རིགས་པར་ཆགས་པ་ལ་བརྐམ་པ་གང་གིས་མཁས་པ་དབུལ་པོའི་འཚོ་བ་ཚེགས་ཆེན་པོས་བསྒྲུབས་པ་དག་ལ་རིན་ཐང་སྟེང་དུ་མ་བབ་པའི་རིན་མི་འདྲ་བ་ཟང་ཟིང་ཞིག་བྱིན་ལ་དེ་རྟག་ཏུ་དེ་ལ་དགའ་ཞིང་སླུ་བར་བྱེད་དེ། གཞན་དག་ཀྱང་ལས་ངན་པར་བྱེད་པ་དེ་ཉིད་ལ་འགོད་པར་བྱེད་ཅིང་འཇོག་པར་བྱེད་ལ་སྦྱིན་པ་དག་ནི་མི་གཏོང་ངོ་། །བསོད་ནམས་ཀྱང་མི་བྱེད། ཚུལ་ཁྲིམས་ལ་མི་གནས། དད་པས་ཉེ་བར་འགྲོ་བར་མི་བྱེད། ཆོས་དང་འཐུན་པའི་
ཆོས་མི་སྤྱོད། དྲང་པོ་དང་དུལ་བར་མི་བྱེད། དགེ་བའི་བཤེས་གཉེན་གྱི་ངང་ཚུལ་ཅན་དུ་མི་བྱེད་ཅིང་ཡང་དང་ཡང་ཕྲག་དོག་དང་སེར་སྣས་ཟིལ་གྱིས་ནོན་པར་གྱུར་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བའི་{ཡི་དགས་,ཡི་དྭགས་}ཀུན་སྟོན་རྣམས་ཀྱི་ནང་དུ་སྐྱེ་བར་འགྱུར་ཏེ།དེ་ལ་འཇིག་རྟེན་པ་དེ་དག་ཕ་ཞེས་བརྗོད་དོ། །དེ་རྟག་ཏུ་ལུས་བཀྲེས་པ་དང་། སྐོམ་པས་གདུངས་ཤིང་ལུས་ཚལ་ཤིང་བསྲེགས་པ་འདྲ་ལ་དགའ་བ་མེད་པས་ཉམས་པར་འགྱུར། མཆི་མས་གདོང་ཡོག་ཅིང་རྐང་པ་དང་ལག་པ་ཤིན་ཏུ་རྡོལ་ལ། སྐྲས་ཁ་གདོང་མུན་
པ་ལྟར་ཁེབས་པ། ལྟོའི་མདོག་སྤྲིན་ནག་པོ་འདྲ་ཞིང་ངུ་སྐད་འབྱིན། སྨྲེ་སྔགས་འདོན་པ་ན་འདི་ལྟར་སྨྲེ་སྔགས་ཡོངས་སུ་འདོན་ཏེ། མ་བྱིན་པས་ལྟ་ག་ལ་འཐོབ། །མ་བཏབ་འབྲས་བུ་ག་ལ་འབྱུང་། །སྒྲོན་མ་མེད་ན་འོད་མེད་ལྟར། །མ་བྱིན་བདེ་བ་ག་ལ་ཡོད། །ཇི་ལྟར་ལུས་ཅན་ལོང་བ་ཡི། །མིག་གིས་ལྟ་བར་ནུས་མེད་ལྟར། །སྦྱིན་དང་བྲལ་བ་དེ་འདྲ་སྟེ། །{ཡི་དགས་,ཡི་དྭགས་}བདེ་བ་མི་རྙེད་དོ། །{ཡི་དགས་,ཡི་དྭགས་}འཇིག་རྟེན་{ཡི་དགས་,ཡི་དྭགས་}གང་། །དེ་བཞིན་ནོར་མེད་འཇིགས་གསུམ་དུ། །ཤིན་ཏུ་མི་དགའ་འཁྱམ་བྱེད་པ། །དེ་ནི་སེར་སྣའི་
འབྲས་བུ་ཡིན། །རང་གི་ལས་འབྲས་ཟ་བ་ཡི། །སྲོག་ཆགས་ལས་ལ་ལོངས་སྤྱོད་པ། །མ་བྱིན་ཅི་ཡང་མིས་ཐོབ་སྟེ། །བྱས་པ་ཆུད་ནི་ཟ་བ་མེད། །{ཡི་དགས་,ཡི་དྭགས་}འཇིག་རྟེན་གནས་པ་དག །ངན་བྱས་རྣམས་ཀྱིས་བདག་ཅག་བསྲེགས། །བཀྲེས་དང་སྐོམ་ལས་བྱུང་བ་ཡི། །མེ་ཡིས་འདིར་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 293b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。