完整藏文原文 · 德格版页 当前仅加载第 68 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མྱོང་བར་འགྱུར་བའི་ལས་ཀྱིས་{ཡི་དགས་,ཡི་དྭགས་}དང་། དུད་འགྲོ་དག་ཏུ་མ་སྐྱེས་ལ་མི་རྣམས་དང་སྐལ་བ་མཉམ་པར་མིར་སྐྱེས་ན་སྔ་མ་བཞིན་དུ་སྦྱར་ཏེ། ལས་དེའི་རྒྱུ་དང་འཐུན་པའི་འབྲས་བུས་རྒྱལ་པོས་བཟུང་ཞིང་ལུས་མདོག་ངན་པ་དང་། བཞིན་མདོག་ངན་པར་
D287.068.0180b01.01གྱུར་ཅིང་དེ་ཉིད་དུ་འཆི་བའི་དུས་བྱེད་པར་འགྱུར་བ་མཐོང་ངོ་། །དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་
D287.068.0180b02.01པས་ལོག་པར་གཡེམ་པ་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་པ་སྔ་མ་བཞིན་དུ་དེས་མཐོང་ངོ་། །ཆང་ནི་དུག་དང་སྦྱར་ནས་དགྲ་གསད་པར་བྱ་བའི་ཕྱིར་བླུད་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་འཁོར་ལྕགས་ཚལ་དགོན་པར་སྐྱེ་བར་འགྱུར་རོ། །འདི་ལྟ་སྟེ།
D287.068.0180b03.01ལྕགས་ཀྱི་འཁོར་ལོ་འཁོར་བ་རབ་ཏུ་འབར་བ་དེར་སེམས་ཅན་དམྱལ་བ་པ་དེ་དག་ལྕགས་ཀྱི་ཐག་པས་བཅིངས་ནས་ལྕགས་ཀྱི་འཁོར་ལོས་སྐོར་བར་བྱེད་དོ། །སྐོར་བ་ན་དགྲ་གཤིན་རྗེའི་མི་རྣམས་ཀྱིས་ཡན་ལག་དང་ཉིང་ལག་ཐམས་ཅད་ལ་མཚོན་ཆ་དག་གིས་འདེབས་པར་བྱེད་དེ།
D287.068.0180b04.01ཇི་ལྟར་ཡུངས་འབྲུ་ཙམ་དུ་སེམས་ཅན་དམྱལ་བ་པ་དེ་དག་གི་ལུས་ཀྱི་ཤ་དེ་དག་ལ་ལྷག་མ་མ་ལུས་པར་བྱེད་ཀྱང་དེའི་ལས་ཉེས་པར་བྱས་པའི་རྣམ་པར་སྨིན་པས་དུས་ལས་འདའ་བར་ནི་མི་བྱེད་དོ། །གལ་ཏེ་དེ་དག་ལས་ཟད་ནས་འཁོར་ལོ་འཁོར་བ་དེ་ལས་ཐར་ནས་གར་བབ་བབ་
D287.068.0180b05.01ཏུ་འབྲོས་པ་དང་། དེ་དག་ལས་ཀྱིས་བྱས་པའི་ལྕགས་ཀྱི་སྦྲུལ་རྣམས་ཀྱིས་བཟུང་བར་འགྱུར་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་། སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་ཟའོ། །དེ་ཕྱིས་སེམས་ཅན་དམྱལ་བ་དེ་དག་ལས་ཐར་
D287.068.0180b06.01བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་{ཡི་དགས་,ཡི་དྭགས་}དང་དུད་འགྲོ་དག་ཏུ་མ་སྐྱེས་ལ་མི་རྣམས་དང་སྐལ་བ་མཉམ་པར་མིར་སྐྱེས་ན་ལས་དེ་དང་རྒྱུ་འཐུན་པའི་འབྲས་བུས་སྦྲུལ་འཛིན་པའམ་མགོའི་ནོར་བུ་འབྱིན་པར་འགྱུར་
D287.068.0180b07.01