完整藏文原文 · 德格版页 当前仅加载第 68 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
བ་མང་བ་ནི་གང་ཡིན། དགེ་བ་ནི་ཇི་ལྟར་རྩོམ་ཞིག་གུ་སྙམ་ན་དེ་འཇིག་རྟེན་པའི་ཟག་པ་དང་བཅས་པའི་ཚོར་བ་མང་བ་ཡང་ཟག་པ་མེད་པའི་སྣང་བས་ཐུབ་པར་འགྱུར་ཏེ། དཔེར་ན་མཚན་མོ་རྒྱུ་སྐར་དང་། གཟའ་དང་། སྐར་མ་རྣམས་ཀྱི་འོད་ཟླ་བའི་སྣང་བ་གནས་
D287.068.0117b01.01པས་ཐུབ་པ་བཞིན་ནོ། །དེ་ནས་གཞན་ཡང་དགེ་སློང་དེ་ཚོར་བ་དེ་ལ་རྟོག་སྟེ། བདག་གི་ཚོར་བ་གཞན་ཡུན་ཇི་སྲིད་ཅིག་ཏུ་གནས་སྙམ་མོ། །དེ་སྐད་ཅིག་ལ་བདག་གི་ཚོར་བ་གཞན་སྐྱེ་ཞིང་འཇིག་པར་གནས་པར་མཐོང་སྟེ། དཔེར་ན་གློག་བཞིན་ནོ། །གཞན་
D287.068.0117b02.01ཡང་དགེ་སློང་དེ་འདི་ལྟར་རབ་ཏུ་རྣམ་པར་རྟོག་སྟེ། ཅི་མིག་གི་ཚོར་བ་སྣའི་ཚོར་བའི་རྐྱེན་དུ་འགྱུར་རམ་སྙམ་མོ། །དེ་བློ་གཅིག་བཞིན་དུ་དབང་པོ་ཐ་དད་པའི་དམིགས་པའི་ཚོར་བ་དབང་པོ་དེ་དག་ཐམས་ཅད་ཀྱིར་མཐོང་སྟེ། དཔེར་ན་བ་ལང་གཅིག་ཅིག་རྟ་དང་།
D287.068.0117b03.01རྔ་མོ་དང་། བོང་བུ་དང་། མ་ཧེའི་རིགས་ཐ་དད་པ་རྣམས་ཀྱི་རྐྱེན་དུ་མི་འགྱུར་བ་དེ་བཞིན་དུ་ཐོག་མ་མེད་པ་ནས་བརྩོན་པའི་དབང་པོ་ལྔས་ཀུན་ནས་བསླང་བའི་ཡུལ་གྱི་བྱེ་བྲག་ཐ་དད་པའི་དབང་པོ་རྣམས་ཀྱི་དམིགས་པ་ནི་གཅིག་ཏུ་མི་འགྱུར་ཏེ། དཔེར་ན། གླང་དང་།
D287.068.0117b04.01རྟ་དང་། རྔ་མོ་དང་། བོང་བུ་དང་། མ་ཧེ་དང་། ཕག་བཞིན་ནོ། །དེ་ལྟར་ཚོར་བ་རྗེས་སུ་མཐོང་བའི་དགེ་སློང་དེ་དག་ནི་ཤེས་པ་ཆེས་ཞིབ་པ་སྐྱེ་བར་འགྱུར་ཏེ། དེ་ཤེས་པ་དེ་ལ་ཀུན་ཏུ་སྟེན་ཅིང་སྒོམ་སྟེ་མང་དུ་བྱེད་དོ། །དེ་ཀུན་ཏུ་བསྟེན་པ་ན་ཚོར་བ་རྗེས་
D287.068.0117b05.01སུ་མཐོང་ཞིང་ཟད་པ་དང་འཇིག་པ་རྗེས་སུ་མཐོང་ནས་འདི་སྙམ་དུ་སེམས་ཏེ། བདག་གི་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱིས་ཀུན་ནས་བསླང་བའི་ཚོར་བ་གང་ནས་འོང་ཞིང་གང་དུ་སོང་། འགག་པ་ན་གང་དུ་སོགས་པར་
D287.068.0117b06.01འགྱུར་སྙམ་མོ། །དགེ་སློང་ཚོར་བ་ཟད་པ་དང་། འཇིག་པ་རྗེས་སུ་མཐོང་བ་དེ་རབ་ཏུ་སེམས་པ་ན། ལམ་གྱི་རྣམ་པ་ལ་འདི་སྙམ་དུ་སེམས་ཏེ། མིག་གི་ཚོར་བ་གང་ནས་ཀྱང་སྐྱེ་བ་མེད་ཅིང་འོང་བ་མེད་ལ། འགག་པ་ན་ཡང་གང་དུ་ཡང་སོགས་པར་མི་
D287.068.0117b07.01