'phags pa dam pa'i chos dran pa nye bar gzhag pa/
当前为德格木刻版 214a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 214a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 214a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文དེ་དག་མངོན་པ་མེད་པར་བྱེད་དེ། ཕན་ཚུན་མེ་འབར་བའི་ཕྲེང་བས་ལུས་ཡོངས་སུ་གདུངས་པ་དག་ཡུན་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་བགྲང་གིས་མི་ལང་བར་སྲེག་གོ། །དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་ཚེ་རབས་ལྔ་བརྒྱར་རི་གསེབ་ཏུ་{ཡི་དགས་,ཡི་དྭགས་}ཁབ་མགྲིན་དུ་སྐྱེ་བར་འགྱུར་རོ། །ཚེ་རབས་ལྔ་བརྒྱར་རྒྱ་མཚོའི་སའི་འོག་གི་ཆུ་གྲང་མོ་བ་ཚྭའི་ཆུའི་ནང་གི་ཉར་སྐྱེ་བར་འགྱུར་རོ། །དེ་དག་དེ་ལས་ཐར་ནས་གལ་
ཏེ་བརྒྱ་ལ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་ཚལ་ན་སྤྱོད་ཅིང་ཚལ་གྱི་ནང་ན་གནས་པའམ། ནགས་ཁྲོད་ན་འཚོ་བའམ། དབུལ་ཞིང་དེ་ཚལ་གྱི་མེས་སྲེག་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྐྱེ་བོ་ཐམས་ཅད་སྲེག་པ་ཞེས་བྱ་བ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་
སྙམ་ནས་དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། {བརྫུན་,རྫུན་}སྨྲ་བ་སྔ་མ་བཞིན་ཀུན་དུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། །ལོག་པར་ལྟ་བ་ཡང་ཐོས་པ་ངན་པས་རྨོངས་པ་ལུས་ཀྱི་ཆད་པ་དང་། ངག་དང་། ཡིད་ཀྱི་ཆད་པས་རྣམ་པར་རྨོངས་པ། རྟག་ཏུ་ཆད་པ་རྣམ་པ་གསུམ་གྱིས་ཉམ་ཐག་པ། ལོག་པར་ལྟ་བ་ཡང་མཚུངས་པར་སྤྱོད་པ་དག་ཚལ་ལམ། རིའམ། མཚམས་ཀྱི་བར་རམ། ཆུའམ། ལྕུག་མའི་ཚལ་དག་ལ་མེས་སྲེག་པར་
བྱེད་པ་དག་འདི་ལྟར་མེ་ཚིམ་པར་བྱས་པས་ལྷ་དག་དགའ་བར་འགྱུར་ཏེ། དེ་དག་དགའ་བ་དང་། ལྷ་ཡུལ་དུ་ཁྲིད་པར་བྱེད་དེ། བདག་ལྷའི་འཇིག་རྟེན་དེ་ཐོབ་པ་དང་། མེ་ཚིམ་པར་བྱས་པས་བདག་དེར་ལྷའི་དགའ་བ་ཐོབ་པར་འགྱུར་རོ་སྙམ་སྟེ། རྨོངས་པ་ཐོས་པ་ངན་པས་བསླུས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 214a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。