'phags pa dam pa'i chos dran pa nye bar gzhag pa/
当前为德格木刻版 247a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 247a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 247a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སེམས་ཀྱི་དབང་དུ་སོང་ཞིང་སེམས་ཀྱི་ཀུན་ཏུ་སྦྱོར་བ་ཡིན་ནོ། །སེམས་ཀྱི་ཀུན་ཏུ་སྦྱོར་བས་འཆིང་བའི་སེམས་ཅན་དག་ནི་བཅིངས་པ་ཡིན་ལ། སེམས་རྣམ་པར་བྱང་བས་ནི་གྲོལ་བར་འགྱུར་རོ། །རིམ་པ་ཇི་ལྟ་བ་བཞིན་དུ་མནར་མེད་པ་རྣམས་ཀྱི་གནོད་པའི་རིམ་པ་ཡང་དེ་ལྟར་འབྱུང་སྟེ། དེའི་སྡུག་བསྔལ་བ་ཡང་ལུས་སྦོམ་ཞིང་གཞོན་ཤ་ཅན་དུ་འབྱུང་ངོ་། །དེ་ལ་མཚམས་མེད་པ་ལྔའི་ལས་ཀྱིས་ནི་ལུས་དཔག་ཚད་ལྔར་འགྲུབ་བོ།། །།ལས་བཞིས་ནི་བཞིའོ། །ལས་གསུམ་གྱིས་ནི་གསུམ་མོ། །ལས་གཉིས་ཀྱིས་ནི་གཉིས་སོ། །ལས་
གཅིག་གིས་ནི་ལུས་དཔག་ཚད་གཅིག་འགྲུབ་པར་འགྱུར་རོ། །དེ་ནས་ཡང་དགེ་སློང་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ཏེ། སེམས་ཅན་དམྱལ་བ་ཆེན་པོའི་འཁོར་འདི་ནི་སྤུ་ཟིང་ཞེས་བྱེད་པ་ཡིན་ནོ། །དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བའི་འཁོར་བཅུ་དྲུག་པ་ཇི་ལྟར་འདུག་པ་བཞིན་མཐོང་སྟེ། གང་དག་གིས་སེམས་ཅན་དམྱལ་བ་ཆེན་པོ་དེ་ཡོངས་སུ་བསྐོར་བ་ནི། འདི་ལྟ་སྟེ། བྱ་རོག་ཁ་ཞེས་བྱ་བ་དང་། ས་ཀུན་གྱི་
འོག་དང་། ཚོར་བ་མཐའ་མེད་རིང་དང་། ཝ་ལྟར་སྒྲ་འབྱིན་པ་དང་། ལྕགས་དང་ཅེ་སྤྱང་ཟ་དང་། བྱ་རོག་ལྟོ་དང་། ལུས་ཞུམ་དང་། སྒྲ་འཇིགས་སྟོན་དང་། མེ་ཏོག་ཁ་མ་བྱེ་བ་ལྟ་བུ་དང་། རི་བརྩེགས་འབབ་དང་། ཆུ་སྒྲ་དང་། འགྲམ་དང་ར་དང་།སྡུག་བསྔལ་ཀུན་དཀྲིས་དང་། དྲི་འདོད་དང་། ལྕགས་སྣམ་དང་། འགྲོ་བ་མེས་འཇིག་སྟེ། འདི་དག་ནི་སེམས་ཅན་དམྱལ་བ་ཆེན་པོ་མནར་མེད་པའི་འཁོར་བཅུ་དྲུག་ཡིན་ནོ། །དེ་ནས་ཡང་དགེ་སློང་དེས་འཆི་བའི་དུས་ལ་སོགས་པ་ནས་སྲིད་པ་བར་
མར་སྐྱེ་བའི་བར་ལ་རྟོག་སྟེ། ཇི་ལྟར་ན་སེམས་ཅན་དམྱལ་བ་པ་མནར་མེད་པར་འགྲོ་བ་སྡུག་བསྔལ་ལས་སྡུག་བསྔལ་ཉིད་དུ་འབྱུང་བར་འགྱུར་སྙམ་ནས་དེས་བརྟགས་ན། འདོད་ཆགས་དང་། ཞེ་སྡང་དང་། གཏི་མུག་གི་ཟིལ་གྱིས་ནོན་པའི་སྲོག་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 247a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。