完整藏文原文 · 德格版页 当前仅加载第 68 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་གང་། རྒྱུ་ནི་གང་ལས་སྐྱེས། གཞི་གང་ལ་ལྟ་བར་བྱེད་ཅིག་གུ་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས། ཐོས་པ་ལས་བྱུང་བའི་ཤེས་པའམ། ལྷའི་མིག་གིས་བརྟགས་ན། མིག་གི་རྒྱུ་ནི་ལས་
D287.068.0119a01.01ལས་བྱུང་ཞིང་། ལས་ཀྱིས་སྐྱེ་བ་མངོན་པར་བསྒྲུབས་ཏེ། དཔེར་ན་ཤིང་བ་ཊའི་ས་བོན་ཆུང་ངུ་ལས་ཤིང་ལྗོན་པ་སྐྱེ་ལ་ཤིང་ལྗོན་པའི་རྒྱུ་རྐྱེན་ལས་ཡང་ཤིང་བ་ཊའི་ས་བོན་ཕྲ་མོ་འབྱུང་བར་འགྱུར་རོ། །དེ་བཞིན་དུ་མི་ཤེས་པ་ལས་ལས་མངོན་པར་འགྲུབ་པར་འགྱུར་ལ།
D287.068.0119a02.01ལས་ལས་ཀྱང་སྐྱེ་བ་མངོན་པར་འགྲུབ་པར་འགྱུར་ཏེ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། འཁྲུག་པ་རྣམས་ཡོད་ཅིང་འབྱུང་བར་འགྱུར་ཏེ། དེ་ལྟར་ལས་ཀྱི་རྒྱུ་སྲེད་པའི་ཞགས་
D287.068.0119a03.01པ་དེས་བཅིངས་པའི་བྱིས་པ་སོ་སོའི་སྐྱེ་བོ་ནི་འཁོར་ལོ་ལྟ་བུའི་རྒྱ་མཚོར་ཡོངས་སུ་འཁྱམ་མོ། །ཚོར་བ་དེ་དག་ཐམས་ཅད་ཀྱི་རྒྱུ་དང་རྐྱེན་འདི་དག་ལ་འདུ་ཤེས་ཀྱི་ལས་སུ་བྱ་བ་མེད་དེ། ལས་མེད་ན་སྲེད་པ་འ་བྱུང་བར་མི་འགྱུར་ལ། དེ་མེད་ན་ཚོར་བ་མེད་པར་འགྱུར་རོ། །རྒྱུ་
D287.068.0119a04.01རྐྱེན་ནི་དཔེར་ན་སྙིང་པོ་ལ་ཡང་བརྟེན། ཀོང་བུ་ལ་ཡང་བརྟེན། མར་ལ་ཡང་བརྟེན། མེ་ལ་ཡང་བརྟེན་ནས་མར་མེའི་འོད་སྐད་ཅིག་ལ་མངོན་པར་འགྲུབ་པར་འགྱུར་རོ། །དེ་བཞིན་དུ་དགེ་སློང་དེ་ཚོར་བའི་རྒྱུ་དང་རྐྱེན་མཐོང་བ། ལས་ཀྱི་རྒྱུ་ཚོལ་ཞིང་ལས་ཀྱི་རྗེས་སུ་འབྲང་
D287.068.0119a05.01བ། ལས་ཀྱི་མཐུས་ཚོར་བ་ཐམས་ཅད་སྐྱེ་བར་འགྱུར་རོ། །དེ་ལ་ལུས་ནི་ཀོང་བུ་ལྟ་བུ་ཡིན། དབང་པོ་དག་ནི་མར་ལྟ་བུ་ཡིན། འདོད་ཆགས་ཞེ་སྡང་གཏི་མུག་ནི་མེ་ལྟ་བུ་ཡིན་ཏེ། ཤེས་པ་སྐད་ཅིག་མ་ནི་མར་མེའི་འོད་འབར་བ་ལྟ་བུ་ཡིན་ནོ། །རྣལ་འབྱོར་
D287.068.0119a06.01པ་གང་གིས་སྲིད་པ་གསུམ་དུ་འགྲོ་བའི་ཚོར་བ་དེ་ཉིད་ཚོལ་ཞིང་མཐོང་བ་ནི་ཤེས་པ་ཡིན་ཏེ། དཔེར་ན་གསེར་མགར་གསེར་བླངས་ནས། ལས་དང་ལས་སུ་བྱས་པའི་གསེར་ལས་རྒྱན་གྱི་རྣམ་པ་ལེགས་པར་མངོན་པར་འགྲུབ་པར་བྱེད་དོ། །དེ་བཞིན་དུ་རྣལ་འབྱོར་སྤྱོད་
D287.068.0119a07.01