完整藏文原文 · 德格版页 当前仅加载第 68 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་ཕྱེ་མ་ལེབ་བཞིན་དུ་སྐྱེ་ཞིང་སྐྱེ་ཞིང་སྲེག་གོ། །དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་
D287.068.0194a01.01ཀྱིས་{ཡི་དགས་,ཡི་དྭགས་}དང་། དུད་འགྲོ་དག་ཏུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་དབུལ་ཞིང་དམན་ལ་བཀྲེན་པ་དང་། གཞན་གྱིས་བཀོལ་བའི་རིགས་སུ་སྐྱེ་བར་འགྱུར། དེ་བྱིས་པ་ནས་ཀུན་ནས་ཤིན་ཏུ་
D287.068.0194a02.01བསྲུངས་ཀྱང་མེས་ཚིག་པར་འགྱུར་བ་མཐོང་ངོ་། །དེ་ནས་གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་ངུ་འབོད་ཀྱི་འཁོར་ལ་བརྟགས་ན། དེས་སེམས་ཅན་དམྱལ་བ་ཤི་མ་ཐག་ཏུ་འཚོ་ཞེས་བྱ་བ་མཐོང་ངོ་། །དེར་
D287.068.0194a03.01སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་{བརྫུན་,རྫུན་}དུ་སྨྲ་བ་ཀུན་དུ་བསྟེན་ཅིང་
D287.068.0194a04.01བསྒོམས་ཏེ་མང་དུ་བྱས་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཤི་མ་ཐག་ཏུ་འཚོ་བར་སྐྱེ་བར་མཐོང་ངོ་། །དེར་སེམས་ཅན་དམྱལ་བ་ཡང་སོས་ལ་སོགས་པ་རྣམས་ཀྱི་ཚོར་བ་གང་ཡིན་པ་དེ་དག་ཐམས་ཅད་སྔ་མ་བཞིན་དུ་འབྱུང་བའི་
D287.068.0194a05.01སྟེང་དུ་ཁྱད་པར་དུ་ན་ཐོ་བ་དག་གིས་ཀུན་དུ་བཏགས་པ་ན། ཕོག་མ་ཐག་ཏུ་འཆི་བར་འགྱུར་ཞིང་། བཏེག་པ་དང་ཡང་འཚོ་བར་འགྱུར་ལ། ཕོག་པ་དང་ཡང་འཆི་བར་འགྱུར་ཏེ། དེ་ལྟར་སེམས་ཅན་དམྱལ་བ་པ་དག་ལོ་འབུམ་ཕྲག་དུ་མར་སྐྱེ་ཞིང་འཆིའོ། །དེ་
D287.068.0194a06.01ཉེས་པར་སྤྱད་པའི་ལས་ཀྱི་མཐའ་སྤྱད་པ་དེ་ལས་ཐར་ནས། མེ་ཏོག་ཨུད་པ་ལའི་ཚལ་མཐོང་སྟེ། སྐྱབས་འདོད་པ་དེ་དེར་བརྒྱུགས་པ་དང་། མེ་ཏོག་ཨུད་པ་ལ་དག་མེ་སྔོན་པོས་ཤིན་ཏུ་གང་བར་གྱུར་ཏོ། །{བརྫུན་,རྫུན་}སྨྲ་བ་དེའི་འབྲས་བུ་དེ་གང་ཡིན་སྙམ་ན་འཇིགས་སར་
D287.068.0194a07.01