完整藏文原文 · 德格版页 当前仅加载第 68 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
འཚོ་བའི་དོན་དུ་རྫིང་བུ་དང་། ཁྲོན་པ་བྱས་པ་དེ་དག་སེར་སྣས་ཉམས་པ་དེས་མ་རུངས་པར་བྱས་སམ། ཤིང་སྐམ་འདོད་པའི་ཕྱིར་འདི་ལྟར་འདི་དག་ནི་བདག་གི་ཤིང་བྱའོ་སྙམ་ནས་གཅོད་པར་བྱེད་ཅིང་དེ་དེ་བཞིན་དུ་བྱེད་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་ཡི་
D287.068.0311b01.01དགས་ཤིང་གི་ནང་ན་འདུག་པར་འགྱུར་རོ། །དེར་སྐྱེས་ནས་ཀྱང་དེའི་ལས་ཀྱིས་ཤིང་གསེབ་ཏུ་སྐྱེས་པ་དེ་ཤིན་ཏུ་གྲང་བ་དང་ཚ་བས་གནོད་དེ། ཇི་ལྟར་སྲིན་བུ་ཤིང་སྐམ་གྱི་ནང་དུ་སྐྱེས་པ་ཐམས་ཅད་ནས་གནོད་པ་བཞིན་ནོ། །ཤིན་ཏུ་སྡུག་བསྔལ་བས་ཉམ་ཐག་པ་དེ་གལ་ཏེ་
D287.068.0311b02.01བརྒྱ་ལ་སྡུག་བསྔལ་དེ་རྩེ་ཞིལ་བར་བྱེད་ན་དེ་ཤིང་སྐམ་གྱི་གསེབ་ན་སྲིན་བུ་མར་ཀོ་ཏ་ཀ་དང་། ཨ་ཤོ་ཏ་ར་རྣམས་ཀྱིས་ཟ་ཞིང་དེའི་ཟས་སུ་འགྱུར་རོ། །གང་ཁ་ཅིག་གིས་བསམས་ནས་གཏོར་མ་གཏོར་ན་དེས་དེའི་སྲོག་འཚོ་བར་བྱེད་དེ། {ཡི་དགས་,ཡི་དྭགས་}ཀྱི་ཡུལ་དེ་ན་ཇི་
D287.068.0311b03.01སྲིད་དུ་དེའི་སྡིག་པའི་ལས་བྱས་ཤིང་བསགས་པ་སོ་སོ་ཡང་དག་པར་མྱོང་བར་འགྱུར་བ་བཅོམ་ཞིང་སྤངས་ལ་ཉམས་པར་མ་བྱས་པ་དེ་སྲིད་དུ་སྡུག་བསྔལ་རབ་ཏུ་མི་བཟད་པ་དེ་མྱོང་བར་འགྱུར་རོ། །དེ་ཕྱིས་{ཡི་དགས་,ཡི་དྭགས་}ཀྱི་ཡུལ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་
D287.068.0311b04.01ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པར་དེ་ཚལ་དང་། རྩྭ་དང་། སྨན་དང་། ནགས་ཁྲོད་དང་། ཤིང་སྐམ་དང་། མེ་ཏོག་གིས་སྲོག་འཚོ་སྟེ། འཚོ་བ་གཞན་ལ་རག་
D287.068.0311b05.01ལས་ཤིང་ཤིན་ཏུ་སྡུག་བསྔལ་བར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་{ཡི་དགས་,ཡི་དྭགས་}ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་{ཡི་དགས་,ཡི་དྭགས་}ཀྱི་ཡུལ་ན་{ཡི་དགས་,ཡི་དྭགས་}ལམ་གྱི་བཞི་མདོ་ན་
D287.068.0311b06.01གནས་པ་ཞེས་བྱ་བ་ཇི་ལྟར་འདུག་པ་མཐོང་ངོ་། །དེ་ལས་གང་གིས་དེར་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། རྐུན་པོ་གཞན་ལ་གནོད་པ་བྱ་བའི་བློ་དང་སེར་སྣས་ཉམས་པ་གང་གིས་ཟས་དང་སྐོམ་བརྣོགས་ཤིང་དེ་འགྲོན་པོ་དག་གི་
D287.068.0311b07.01