完整藏文原文 · 德格版页 当前仅加载第 68 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལས་ངེས་པར་བྱུང་བར་གྱུར་ཅིང་སྣང་བར་གྱུར་ལ་དམ་པའི་ཆོས་ངེས་པར་འབྱེད་པའི་ཆ་ལམ་རབ་ཏུ་འབྱུང་བར་སེམས་བསྐྱེད་དེ། དེའི་སེམས་བསྐྱེད་པ་གཅིག་ལས་དགེ་བའི་ཆོས་ཀྱི་རྒྱུན་ཉིད་སྐྱེའོ། །གང་གིས་དེའི་སེམས་བསྐྱེད་པ་དེ་དང་
D287.068.0106a01.01ཡང་དག་པར་ལྡན་པ་ལ་བར་སྣང་ལ་སྤྱོད་པའི་གནོད་སྦྱིན་རབ་ཏུ་མགུ་ཞིང་ཀུན་ཏུ་དགའ་ལ་རབ་ཏུ་དགའ་སྟེ། སེམས་རངས་པར་གྱུར་ནས་ཡིད་ལ་རིགས་ཀྱི་བུ་འདིའི་མིང་ནི་འདི་ཞེས་བྱ། རིགས་ནི་འདི་ཞེས་བྱ་སྟེ། དེ་ཐོག་མ་མེད་པའི་དུས་ནས་འདོད་ཆགས་ཞེ་སྡང་གཏི་མུག་
D287.068.0106a02.01རྣམས་སྤོང་བར་འདོད་ལ་བདུད་ཀྱི་ཡུལ་གྱི་དངོས་པོ་མི་འདོད་པར་ཞུགས་པ། ཀུན་ནས་ཉོན་མོངས་པའི་ཡུལ་དག་གིས་དགའ་བའི་འདོད་ཆགས་ཀྱི་མོད་ལས་སྐྱེས་པའི་སྲེད་པ་དག་ལ་ཀུན་ཏུ་མི་དགའ་བ་ཡིན་ནོ་སྙམ་མོ། །གཞན་ཡང་ལོག་པར་ལྟ་བ་དང་བྲལ་བའི་རིགས་
D287.068.0106a03.01ཀྱི་བུ་དེ་ནི་དེ་ལྟར་རྟག་ཏུ་རབ་ཏུ་འབྱུང་བའི་སེམས་ཀུན་ཏུ་བསྟན་པར་བྱེད་ཅིང་གོམས་པར་བྱེད་ལ་མང་དུ་བྱེད། དགེ་བའི་བཤེས་གཉེན་ལ་བསྙེན་བཀུར་བྱེད། དམ་པའི་ཆོས་ཉན་པ་ལ་དགའ་བར་འགྱུར། སངས་རྒྱས་ཀྱི་ཆོས་ལ་ཕྱིར་ཞིང་སེམས་གསལ་ལ་ཕྱག་འཚལ་
D287.068.0106a04.01བར་བྱེད། ལུས་དང་ངག་གི་ལས་ཀྱི་མཐའ་ཞི་ཞིང་ཤིན་ཏུ་གསལ་བ་ཡིན་ཏེ། དེ་ལྟར་དེའི་ལུས་དང་ངག་དང་ཡིད་ཞི་བས་ཉིན་མོ་མཉམ་པར་གཞག་པར་བར་སྣང་ལ་སྤྱོད་པའི་གནོད་སྦྱིན་གྱིས་རིག་ནས་ཀུན་ཏུ་དགའ་བར་འགྱུར་ཏེ། རིགས་ཀྱི་བུ་འདི་དགེ་བའི་བཤེས་
D287.068.0106a05.01གཉེན་ལ་སེམས་རབ་ཏུ་དང་ཞིང་ཁྱིམ་གྱི་གནས་གཟེབ་ལྟ་བུར་གྱུར་པ་ལ་སེམས་ཀུན་ཏུ་མི་ཆགས། དེས་བདུད་ཀྱི་ཡུལ་རྣམས་ལ་ཐོག་མ་མེད་པའི་དུས་ནས་ཞུགས་པའི་འདོད་ཆགས་ཞེ་སྡང་གཏི་མུག་དག་གིས་འདོད་པའི་ལྷ་དང་ལྷན་ཅིག་ཏུ་འདུ་ཤེས་དག་ལ་ཆགས་པ་
D287.068.0106a06.01མེད་ཅིང་། བདུད་དང་ལྷན་ཅིག་གཡུལ་འགྱེད་པར་འདོད་ལ་ཉོན་མོངས་པ་སྤོང་བར་འདོད་པ་དེ་བར་སྣང་ལ་སྤྱོད་པའི་གནོད་སྦྱིན་གྱིས་རིག་ནས་ཀུན་ཏུ་དགའ་བར་འགྱུར་རོ། །གཞན་ཡང་རིགས་ཀྱི་བུ་དེ་དེ་ལྟར་འཁོར་བའི་སྡུག་བསྔལ་ལ་དམིགས་ནས་ཆེས་ཤིན་ཏུ་རབ་
D287.068.0106a07.01