完整藏文原文 · 德格版页 当前仅加载第 68 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
རྒལ་ནས་རྫས་ཀྱི་རྣམ་པ་དེ་དག་གི་དྲུང་དུ་རྒྱུག་པ་དང་། ལས་ཀྱིས་བྱས་པའི་གཤིན་རྗེའི་མི་རྣམས་ཀྱིས་བཟུང་སྟེ། དེ་མཚོན་ཆའི་དྲ་བའི་ནང་དུ་བཅུག་ནས་ཡན་ལག་དང་ཉིང་ལག་ཐམས་ཅད་གཤེག་ཅིང་གཅོད་ལ་སྲེག་སྟེ་རུས་པའི་ལྷག་མ་མ་ལུས་
D287.068.0258a01.01པར་བྱེད་ཀྱང་དེ་ཐོག་མ་མེད་པའི་དུས་ནས་ཞུགས་པ་དེ་གནས་སྐབས་དེ་དག་ཏུ་ཡང་འདོད་པ་དེ་སྤོང་བར་མི་བྱེད་དོ། །འདིར་ཚིགས་སུ་བཅད་པ། བུད་ཤིང་ལྟ་བུའི་རྟོག་བྱུང་བས། །ང་རྒྱལ་ཕྲག་དོག་མེ་ལྟར་འབར། །ཤིང་གི་མེས་ནི་མི་སྲེག་གི། །འཇིག་རྟེན་འདོད་
D287.068.0258a02.01པའི་མེས་སྲེག་གོ། །འདོད་པའི་དུག་གིས་ཟིན་པ་གང་། །དེ་དག་ལ་ནི་བདེ་བ་མེད། །འདོད་པ་བསྙེན་ཅིང་བསྟེན་བྱས་ན། །ཕྱིར་ཡང་དེ་བཞིན་རབ་ཏུ་འཕེལ། །ཇི་ལྟ་ཇི་ལྟར་འདོད་གྱུར་ན། །འདོད་པ་དུ་མ་འཕེལ་བར་འགྱུར། །མེ་ལས་འབྲོས་པར་ནུས་
D287.068.0258a03.01སྲིད་ཀྱི། །འདོད་པའི་མེ་ལས་མི་ནུས་སོ། །འདོད་པས་ཡོངས་སུ་བསླུས་པ་ཡིས། །འཇིག་རྟེན་འཁོར་ལོ་བཞིན་དུ་འཁྱམ། །ཐོག་མ་མེད་པའི་འཇིག་རྟེན་ལ། །འདོད་པ་ལྟ་བུའི་དགྲ་མེད་དོ། །འདོད་པས་ཡོངས་སུ་བསླུས་པ་དག །རྒྱ་མཚོའི་ཆུ་ནང་འཇུག་
D287.068.0258a04.01པར་བྱེད། །མཚོན་ཆ་ཐིབས་པོ་འབབ་པ་ཡི། །གཡུལ་དུ་ཡང་དག་རབ་ཏུ་འཇུག །འདོད་པའི་རྒྱུ་ཡིས་ས་བདག་རྣམས། །ཕན་ཚུན་དག་ཏུ་འཇིག་པར་བྱེད། །ནོར་ལ་སྲེད་པས་མ་བུ་ཡང་། །འཐབ་མོའི་གཡུལ་ནི་འགྱེད་པར་བྱེད། །སྲེད་པའི་དུག་ལས་
D287.068.0258a05.01རྣམ་གྲོལ་བ། །འདོད་པའི་མེ་མདག་རྣམ་པར་སྤངས། །བོང་བ་གསེར་ལྟར་མཉམ་པ་དེ། །མྱ་ངན་འདས་པའི་མཐར་འགྲོ་འོ། །ནོར་གྱི་ནང་ན་ཚུལ་ཁྲིམས་མཆོག །ཉི་མ་འོད་དང་ལྡན་པ་བཞིན། །ནོར་དང་བྲལ་ནས་འགྲོ་འགྱུར་གྱི། །ཚུལ་ཁྲིམས་འདི་ནི་
D287.068.0258a06.01མདུན་ན་གནས། །ཚུལ་ཁྲིམས་ཀྱིས་ནི་སུམ་ཅུ་གསུམ། །དེ་བཞིན་བསམ་གཏན་སྤྱོད་ཡུལ་འགྲོ། །འཇིག་རྟེན་འདི་དང་ཕ་རོལ་དུ། །ཚུལ་ཁྲིམས་གཟི་དང་མཚུངས་པ་མེད། །མནར་མེད་པར་ནི་སྐྱེས་པ་དག །ནོར་ལ་འདོད་པས་བསྲེགས་པ་ཡིན། །
D287.068.0258a07.01