完整藏文原文 · 德格版页 当前仅加载第 68 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཅིག་མྱོང་བར་འགྱུར། །སྐྱེ་བོ་སྐྱེ་བོའི་གྲོགས་མེད་པར། །རྫོང་ནི་གཅིག་ཅིག་རྒལ་བར་འགྱུར། །སྐྱེ་བོ་གང་ཞིག་སྐྱེ་བོ་འདོད། །ཉེས་པར་བྱས་པ་མང་དུ་བྱེད། །སྐྱེ་བོས་སྐྱེ་བོ་སྐྱོབ་མི་ནུས། །སྐྱེ་བོ་རང་གིས་བྱས་ལ་སྤྱོད། །སྐྱེ་བོ་བུ་ཡི་འདུ་ཤེས་ཀྱིས། །
D287.068.0223b01.01རྨོངས་པ་ཅི་ཡི་ཕྱིར་ན་བསླུས། །རྨོངས་པས་བསླུས་པ་ཁྱོད་ཀྱིས་སུ། །སྦྱིན་ལ་སོགས་པའི་བློ་མ་བསྐྱེད། །འཇིག་རྟེན་འདི་དང་ཕ་རོལ་གྱི། །འཇིག་རྟེན་དེ་བཞིན་འབྲང་བའི་དགྲ། །དགྲ་ཡི་ནང་ན་དགྲ་དང་པོ། །ངན་སོང་ཐམས་ཅད་རྣམ་སྟོན་པ། །དུག་དང་མེ་དང་
D287.068.0223b02.01མཚོན་ལྟ་བུ། །རང་གིས་བྱས་པ་ངན་པ་ཡིན། །ཁྱོད་ཀྱིས་ལས་ནི་བྱས་པ་དག །ཁྱོད་ཉིད་རྗེས་སུ་སྤྱོད་པ་ཡིན། །གཞན་གྱིས་བྱས་པའི་ལས་དེ་ནི། །ཕ་རོལ་དག་ལ་འཕོ་བ་མེད། །མི་ཡིས་ཉེས་པར་སྤྱད་བྱས་པ། །འཇིག་རྟེན་འདི་དང་ཕ་རོལ་དང་། །ཐོག་མ་བར་
D287.068.0223b03.01དང་ཐ་མ་རུ། །བདེ་འབྱུང་བདེ་བའི་རོ་མི་མྱོང་། །དེ་ཉིད་འདོད་པར་མི་བྱེད་པའི། །སེམས་ནི་རྣམ་པར་དཀྲུགས་པ་བྱས། །བྱིས་པའི་སེམས་དང་ཡིད་འཕྲོགས་པ། །མི་དགེའི་ཆོས་ནི་རྣམ་པར་འཕེལ། །ཡིད་ཀྱིས་བསླུས་པའི་སེམས་ཅན་ནི། །ཡིད་ཀྱིས་རབ་ཏུ་རྣམ་
D287.068.0223b04.01པར་ཆགས། །མུན་པ་ནས་ནི་མུན་པ་རུ། །སེམས་ཅན་དམྱལ་བར་སྡིག་ཅན་འགྲོ། །འཁོར་བར་མུན་པས་བསྒྲིབས་པ་དག །སངས་རྒྱས་བསྟན་པ་རྙེད་པར་དཀའ། །གང་དག་ཆོས་ནི་མི་འདོད་པ། །སྡུག་བསྔལ་ཤིན་ཏུ་སྡུག་བསྔལ་འགྲོ། །གང་ཞིག་རྟག་ཏུ་སེམས་
D287.068.0223b05.01མ་ཞི། །ཡུལ་རྣམས་ཀྱིས་ནི་ངེས་པར་འཇོམས། །གནས་འདི་དག་ཏུ་དེ་འགྲོ་སྟེ། །འདི་ལྟར་ཁྱོད་ཉིད་རྗེས་སུ་ལྟོས། །དེ་ལྟར་ཉེས་པར་བྱས་པའི་ལས་ཀྱི་མཐའ་སྤྱད་པ། རང་གི་ལུས་དང་ངག་དང་སེམས་ཀྱིས་བསླུས་ཤིང་ཉེས་པར་བྱས་པ་ནི་གཤིན་རྗེའི་མི་དེ་དག་གིས་རྗེས་
D287.068.0223b06.01སུ་བསྟན་ནས་སེམས་ཅན་དམྱལ་བ་ཆེན་པོ་རབ་ཏུ་ཚ་བར་སོང་སྟེ། སྣས་ནི་ལྗན་ལྗིན་དང་རུལ་པ་དང་མི་གཙང་བའི་ཚོགས་ཀྱི་དྲི་ཤིན་ཏུ་མི་ཞིམ་པ་དག་མནོམ་མོ། །ལྕེས་ནི་ཟངས་རབ་ཏུ་ཚ་ཞིང་མཁྲང་ལ་རོ་བྲོ་བ་མེད་པ་དང་། དྲི་དང་རོ་དང་གཟུགས་ཡིད་དུ་མི་འོང་བ་དག་མྱོང་ངོ་། །
D287.068.0223b07.01