完整藏文原文 · 德格版页 当前仅加载第 68 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་ཚེ་རབས་བརྒྱ་ཕྲག་དུ་མར་{ཡི་དགས་,ཡི་དྭགས་}དང་དུད་འགྲོ་དག་ཏུ་སྐྱེ་བར་འགྱུར་ཏེ། {ཡི་དགས་,ཡི་དྭགས་}རྣམས་སུ་བཀྲེས་པ་དང་སྐོམ་པས་གདུངས་པའི་ལུས་ཅན་དག་གཅིག་ལ་གཅིག་ལྟ་བ་ཁོ་ནར་ཟད་དོ། །
D287.068.0235b01.01དུད་འགྲོ་རྣམས་སུ་གཅིག་ལ་གཅིག་ཟ་བ་ལུས་ལན་བརྒྱར་འཆི་བར་འགྱུར་རོ། །དེ་དེ་ལས་ཐར་ནས་གལ་ཏེ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན་དེའི་ལས་ཀྱི་མཐུས་རྟག་ཏུ་རིམས་ནད་ཀྱིས་འདེབས་ཤིང་དབུལ་བ་དང་།
D287.068.0235b02.01ནད་བུ་ཅན་དང་། ཡན་ལག་མ་ཚང་བར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས། སེམས་ཅན་དམྱལ་བ་ཨ་
D287.068.0235b03.01ལ་ལ་ཟེར་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། {བརྫུན་,རྫུན་}སྨྲ་བ་དང་། ལོག་
D287.068.0235b04.01པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། །དེས་འདི་ལྟར་བསླབ་པའི་གཞི་གཅིག་གམ། གཉིས་སམ། གསུམ་མམ། བཞིའམ། ལྔ་ལས་གཞན་པ་བླངས་པ་དང་། བུ་སྲིང་ངམ། བུ་སྲིང་དང་འདྲ་བའམ། གྲོགས་ཀྱི་
D287.068.0235b05.01ཆུང་མ་འོས་པ་མ་ཡིན་པ་དག་ལ་དེས་འདི་ལྟར་བརྡ་བྱས་ནས་སླུ་བར་བྱེད་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཨ་ལ་ལ་ཟེར་བར་སྐྱེ་བར་འགྱུར་རོ། །དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་
D287.068.0235b06.01པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟར་རླུང་ཤིན་ཏུ་དྲག་ཅིང་ཤིན་ཏུ་རྩུབ་ལ་ཤིན་ཏུ་མི་བཟད་པ་ཤུགས་ཀྱིས་མགྱོགས་པ་དང་ལྡན་པ་ལྡང་ལ། གང་གིས་སེམས་ཅན་དམྱལ་བ་དེ་དག་གི་ལུས་སོ་སོར་ཁྱེར་བར་བྱེད་དེ། ཇི་ལྟར་རླུང་ཆེན་པོ་
D287.068.0235b07.01