完整藏文原文 · 德格版页 当前仅加载第 68 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་རི་གཉིས་པས་བཏེག་སྟེ་དེ་རི་གཉིས་ཀྱི་བར་དུ་རང་གི་ངོ་བོའི་ལུས་ཀྱི་ཚད་དཔག་ཚད་ཙམ་ལ་ལེབ་ལེབ་པོར་བྱས་ཤིང་བཀྲེས་པ་དང་། སྐོམ་པས་ཤིན་ཏུ་གདུངས་སོ། །ཚེའི་ཚད་ཀྱི་མཐའ་ནི་ཚེ་རབས་ལྔ་བརྒྱ་ཡིན་ཏེ། མིའི་ལོ་བཅུ་ལ་{ཡི་དགས་,ཡི་དྭགས་}ཀྱི་
D287.068.0288a01.01བགྲང་བའི་ཚུལ་གྱིས་ཉིན་ཞག་གཅིག་སྟེ་བར་དུ་འཆི་བའི་དུས་བྱེད་པ་ནི་ཡོད་དོ། །མི་དགེ་བའི་ལས་གཞན་གཉིས་པ་བྱས་པ་ནི་འདི་ལྟ་སྟེ། སྐྱེས་པའམ། བུད་མེད་ལ་ནོར་རྫས་བཅོལ་བ་བཅབས་ནས་འདི་ལྟར་བདག་ལ་བདག་མེད་དོ་ཞེས་སྨྲ་ན་ལས་དེའི་རྣམ་པར་སྨིན་པས་
D287.068.0288a02.01དེར་སྐྱེ་བར་འགྱུར་ལ་ཟང་ཟིང་གི་སྦྱིན་པ་ཡང་མ་བྱིན། ཆོས་ཀྱི་སྦྱིན་པ་ཡང་མ་བྱིན། མི་འཇིགས་པའི་སྦྱིན་པ་ཡང་མ་བྱིན་ཏེ། སྦྱིན་པ་གསུམ་པོ་དེ་དག་དང་བྲལ་ལ་སེར་སྣ་དང་ཕྲག་དོག་གིས་སེམས་རྟག་ཏུ་ཟིལ་གྱིས་ནོན་པ་ནི་དེར་སྐྱེ་བར་འགྱུར་རོ། །དེ་ནས་ཡང་
D287.068.0288a03.01དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་{ཡི་དགས་,ཡི་དྭགས་}རྣམས་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་{ཡི་དགས་,ཡི་དྭགས་}ཁ་ཁབ་ལྟར་ཕྲ་བ་ཞེས་བྱ་བ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་
D287.068.0288a04.01པ་ལས་བྱུང་བའི་ཤེས་པས་བརྟགས་ན། ནོར་རྫས་ཀྱི་ཕྱིར་མི་རྣམས་གསོད་པའི་གཤེད་མ་གང་ཕ་རོལ་ལ་ཕྲག་དོག་དང་སེར་སྣ་ཡང་དག་པར་བླངས་ཤིང་རྟག་ཏུ་མངོན་པར་བརྩོན་ལ་བཀྲེན་པ་བཀྲེན་པའི་རང་བཞིན་ཅན་འདི་ལྟ་སྟེ། ཟང་ཟིང་གི་སྦྱིན་པ་དང་། ཆོས་ཀྱི་སྦྱིན་
D287.068.0288a05.01པ་དང་། མི་འཇིགས་པ་སྦྱིན་པ་སྟེ། སྦྱིན་པ་རྣམས་སྤངས་པ་ནི་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་{ཡི་དགས་,ཡི་དྭགས་}ཁ་ཁབ་ལྟར་ཕྲ་བ་རྣམས་ཀྱི་ནང་དུ་སྐྱེ་བར་འགྱུར་རོ། །རང་གི་ལས་ཀྱི་འབྲས་བུས་བསླུས་པ་དེར་སྐྱེས་པ་དེ་དག་གི་ཁའི་སྒོ་ཁབ་ལྟར་ཕྲ་ཞིང་ལྟོ་རི་ཙམ་
D287.068.0288a06.01དུ་ཆེ་བར་འགྱུར་ལ་རྟག་ཏུ་བཀྲེས་པ་དང་སྐོམ་པའི་ཉོན་མོངས་པས་གདུངས་པར་འགྱུར། ལུས་ཀྱི་མེས་ཀྱང་བཀྲེས་པ་དང་སྐོམ་པས་དཀྲུགས་ལ་ཕྱི་རོལ་དུ་ཡང་ཚལ་ཤིང་གི་མེ་མཆེད་པས་དཀྲུགས་པར་འགྱུར། གྲང་བ་དང་། ཚ་བ་དང་། ཤ་སྦྲང་དང་། སྦྲང་བུ་དང་།
D287.068.0288a07.01