完整藏文原文 · 德格版页 当前仅加载第 68 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིག་སྟེ། དེའི་ལུས་སྲིན་བུ་མེ་ཁྱེར་ལྟ་བུར་བྱེད་དོ། །རོ་བྲོ་བ་ལྕགས་ཀྱི་ཐུ་ལུམ་བསྲེགས་པ་ལྟ་བུས་ལྕེ་སྲེག་གོ། །དེ་བསྲེགས་ནས་ཡང་མིད་པ་དང་། སྙིང་དང་། མཆིན་པ་དང་། གཉེ་མ་དང་། རྒྱུ་མ་དང་། ཕོ་བ་དང་། ལོང་ཀ་ནས་རོ་སྨད་ཀྱི་བར་
D287.068.0196b01.01དུ་བསྲེགས་ནས་འབྱུང་ངོ་། །ཡང་གང་གིས་མལ་ཆ་དང་། ཁྱིམ་སྦྱིན་པར་ཁས་བླངས་པ་ལས་{བརྫུན་,རྫུན་}སྨྲས་པ་དེ་གྲང་བ་དང་ཚ་བས་གདུངས་ཤིང་རེ་བ་མེད་པར་བྱས་སོ། །སེམས་ཅན་དམྱལ་བ་པ་དེ་ས་གཞི་ཟངས་ཀྱི་གླེགས་མ་རབ་ཏུ་བཞུས་པར་བཞག་སྟེ། དེས་
D287.068.0196b02.01ཡན་ལག་དང་ཉིང་ལག་ཐམས་ཅད་རྣམ་པར་འཇུ་ཞིང་སྲེག་གོ། །དེས་ཁྱིམ་སྦྱིན་པར་བྱས་པ་ལས་མ་བྱིན་པ་དེ་ཡང་འབྱུང་བར་འགྱུར་ཏེ། ཁྱིམ་གྱི་{བརྫུན་,རྫུན་}སྨྲ་བ་དེ་ལྕགས་ཀྱི་ཁྱིམ་དགའ་བ་དང་། ཉེ་བར་དགའ་བ་ཚད་དཔག་ཚད་ལྔ་བཅུ་པར་ལྕགས་ཁུ་རབ་ཏུ་
D287.068.0196b03.01བསྐོལ་བའི་ནང་དུ་འཇུག་གོ། །དེ་དེར་འོག་ནས་སྟེང་དུ། སྟེང་ནས་འོག་ཏུ་བསྐོལ་བ་ན། སྟེང་ནས་སྟེང་དུ་འབྱུང་ཞིང་། འོག་ནས་འོག་ཏུ་འབྱུང་བར་བསྐོལ་བ་དང་། རབ་ཏུ་ཚོས་ཏེ་ཡན་ལག་དང་ཉིང་ལག་ཐམས་ཅད་རྣམ་པར་ཞིགས་ཤིང་ཤ་དང་། རྒྱུས་པ་དང་།
D287.068.0196b04.01པགས་པ་དང་། རུས་པ་དང་། ཚིགས་ལྷག་མ་ལུས་པ་ཐམས་ཅད་ཀྱང་རྣམ་པར་ཞིགས་ནས་རབ་ཏུ་བསྐོལ་བས་གང་བའི་རྫ་མ་མུན་པ་མུན་ནག་དེ་གཉིས་ཀྱི་ནང་དུ་འབྱུང་སྟེ། གདུངས་ཤིང་རྣམ་པར་ཁྲོ་ལ་སྨྲེ་སྔགས་འདོན་ཏོ། །གང་རྫ་མ་གོང་མ་དེར་བཙོས་པ་དང་།
D287.068.0196b05.01དེའི་འོག་ཏུ་ལྕགས་ཀྱི་རྫ་མ་འོག་མ་དེར་རབ་ཏུ་འཚེད་དེ། འདི་ལྟར་འོག་ཏུ་འབྱུང་ཞིང་དེ་དག་གི་ཤུགས་ཀྱིས་གཅིག་ལ་གཅིག་ཕོག་སྟེ། ལུས་དུམ་བུ་བརྒྱའམ་གལ་ཏེ་སྟོང་དུ་གྱེས་སོ། །དེ་ནས་ཡང་འབྱུང་སྟེ། སེམས་ཅན་དམྱལ་བ་པ་གཞན་དག་ལ་ཕོག་སྟེ། ཇི་
D287.068.0196b06.01སྲིད་དུ་{བརྫུན་,རྫུན་}སྨྲ་བ་དེའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལས་ཀྱི་ཞགས་པས་བཅིངས་པ་དག་ཡང་ལན་འབུམ་སྙེད་དུ་རྣམ་པར་ཞིགས་སོ། །དེ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་
D287.068.0196b07.01