完整藏文原文 · 德格版页 当前仅加载第 68 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ལ་མི་གནོད་པ་དང་། སྐྱེ་བོ་ཐམས་ཅད་དགའ་བ་ནི་ཁྱིམ་བདག་རིན་པོ་ཆེ་ཡིན་ནོ། །དེ་ལྟར་རྒྱལ་པོ་རིན་པོ་ཆེ་སྣ་བདུན་དང་ལྡན་པ་ནི། མིའི་གནས་བཞི་རྣམས་ལ་སྒོ་བར་བྱེད་ཅིང་ཀླུ་དང་། ལྷའི་རིས་གཉིས་དང་། རྒྱལ་ཆེན་བཞི་དང་། སུམ་
D287.068.0104a01.01ཅུ་རྩ་གསུམ་གྱི་ལྷ་རྣམས་ཀྱི་དབང་པོའི་སྟན་ཕྱེད་འཕྲོག་པ་ཡིན་ཏེ། དེ་ལྟར་འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་ལྡན་པ་ཡིན་ནོ། །དེའི་ཉེ་བའི་རིན་པོ་ཆེ་སྣ་བདུན་ནི་རིན་པོ་ཆེ་དེ་དག་ལས་{ཆུང་ཟད་,ཅུང་ཟད་}དམན་པ་ཡིན་ཏེ། འདི་ལྟ་སྟེ། རལ་གྲི་ཉེ་བའི་རིན་པོ་ཆེ་
D287.068.0104a02.01དང་། པགས་པ་ཉེ་བའི་རིན་པོ་ཆེ་དང་། མལ་ཆ་ཉེ་བའི་རིན་པོ་ཆེ་དང་། ཚལ་ཉེ་བའི་རིན་པོ་ཆེ་དང་། ཁྱིམ་ཉེ་བའི་རིན་པོ་ཆེ་དང་། གོས་ཉེ་བའི་རིན་པོ་ཆེ་དང་། ལྷམ་ཉེ་བའི་རིན་པོ་ཆེའོ། །དེ་ལ་འཁོར་ལོས་སྒྱུར་བའི་རྒྱལ་པོའི་རལ་གྲི་ཉེ་བའི་རིན་པོ་ཆེའི་ཡོན་
D287.068.0104a03.01ཏན་ནི་འདི་ལྟ་སྟེ། ཡུལ་འཁོར་གང་དག་རྒྱལ་པོའི་ཡིད་དང་། ཚིག་ལས་འགལ་བར་བྱེད་འདོད་པ་དེར་རལ་གྲི་ཉེ་བའི་རིན་པོ་ཆེ་འགྲོ་སྟེ། དེས་བཏབ་པ་མེད་ཅིང་རལ་གྲི་རིན་པོ་ཆེས་སུ་ལ་ཡང་བཏབ་པ་མེད་ཀྱིས་ཀྱང་ཡུལ་འཁོར་ཀུན་གྱིས་མཐོང་ནས་འདུད་པར་བྱེད་
D287.068.0104a04.01དོ། །ཉེ་བའི་རིན་པོ་ཆེ་དེའི་ཡོན་ཏན་ནི་འདི་ཡིན་ཏེ། བཟང་བ། མི་བཟད་པ། ཆད་པ་མེད་ཅིང་མཚོན་གྱིས་བདའ་བ་མེད་ཀྱང་ཡུལ་འཁོར་དེ་དག་ཐམས་ཅད་འདུད་པར་བྱེད་དེ། འདི་ནི་རལ་གྲི་ཉེ་བའི་རིན་པོ་ཆེའི་ཡོན་ཏན་ཡིན་ནོ། །པགས་པ་ཉེ་བའི་རིན་པོ་
D287.068.0104a05.01ཆེའི་ཡོན་ཏན་ཇི་ལྟ་བུ་ཡིན་ཞེ་ན། པགས་པ་རིན་པོ་ཆེ་ནི་རྒྱ་མཚོ་ནས་འབྱུང་སྟེ། དེ་བྱུང་བར་གྱུར་པ་དང་། ཚོང་པ་དག་གིས་རྒྱལ་པོ་ལ་འབུལ་བར་བྱེད་དེ། དེའི་ཡོན་ཏན་ནི་འདི་དག་ཡིན་ནོ། །དེ་རྒྱ་མཚོའི་ཀླུའི་པགས་པ་ཡིན་ཏེ། ཞེང་དུ་དཔག་ཚད་ལྔ་ལ་ཆུར་
D287.068.0104a06.01དཔག་ཚད་བཅུ་སྟེ། དེ་ཆར་གྱིས་མི་རླན། རླུང་གིས་མི་སྐྱོད། མེས་མི་འཚིག །གྲང་ན་དྲོ་བར་བྱེད་ཅིང་། དྲོ་ན་བདེ་བ་བསིལ་བར་བྱེད་ལ། འཁོར་ལོས་སྒྱུར་བའི་རྒྱལ་པོ་འཁོར་དང་བཅས་པ་གང་དུ་འགྲོ་བ་དེར་བློན་པོ་རིན་པོ་ཆེས་དེ་ཁྱེར་བར་བྱེད་དེ། ཇི་
D287.068.0104a07.01