完整藏文原文 · 德格版页 当前仅加载第 68 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །དེ་ནས་གཞན་ཡང་དགེ་སློང་དེས། སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་ལ་རྟོག་པར་བྱེད་དེ། སེམས་ཅན་དམྱལ་བ་ཆེན་པོ་བསྡུས་གཞོམ་གྱི་འཁོར་གཞན་གང་ཞིག་ཡིན་སྙམ་མོ། །
D287.068.0164a01.01དེ་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གནོད་པ་མི་བཟད་པ་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་
D287.068.0164a02.01པས་ལོག་པར་གཡེམ་པ་ཀུན་དུ་བསྟེན་ཅིང་བསྒོམས་ཏེ། མང་དུ་བྱས་པས་འགྱུར་ལ་དེ་ལ་སྲོག་གཅོད་པ་དང་། མ་བྱིན་པར་ལེན་པ་ནི་སྔ་མ་བཞིན་ནོ། །འདོད་པས་ལོག་པར་གཡེམ་པ་ནི། སྡེའི་ཚོགས་གཞན་གྱི་བུད་མེད་ཐོབ་ནས་སྐྱེས་
D287.068.0164a03.01པ་མང་པོ་དག་ལ་བྱིན་ཞིང་། བདག་ཉིད་ཀྱང་མངལ་ལམ་མངལ་མ་ཡིན་པར་འཇུག་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་གནོད་པ་མི་བཟད་པར་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་
D287.068.0164a04.01ཏེ། འདི་ལྟ་སྟེ། གཤིན་རྗེའི་མི་རྣམས་ཀྱིས་རྐང་པ་གྱེན་དུ་ཤིང་ཁར་བཏགས་ཤིང་། དེ་གྱེན་དུ་བཏགས་པ་ལ་མེས་སྲེག་སྟེ། གང་གིས་དེའི་ཁ་ལ་སོགས་པ་ལུས་ཐམས་ཅད་སྲེག་ཅིང་། དེའི་ཚེ་དེའི་མིག་ཤིན་ཏུ་སྡུག་གུ་བྱུང་ཞིང་
D287.068.0164a05.01སྐྱེས་པ་དག་མེས་སྲེག་གོ། །དེ་ལྟར་ན་སེམས་ཅན་དམྱལ་བ་དེའི་ཚོར་བ་དྲག་པ་ཚ་བ་རྩུབ་པ་བཟོད་པར་དཀའ་བ་ཡིན་ནོ། །དེ་ཚོར་བ་དེས་ཉམ་ཐག་པ་ན་འབོད་ཅིང་། ངུ་སྐད་འབྱིན་ལ་ངུ་ཞིང་ཁྲོའོ། །སེམས་ཅན་དམྱལ་བ་དེ་
D287.068.0164a06.01སྐད་འབྱིན་པ་དེའི་ཁར་མེ་བཅུག་སྟེ། ཁའི་ནང་དུ་མེ་བཅུག་པས་གློ་བ་དང་། མཆེར་བ་དང་། ཕོ་བ་དང་། ལོང་ཀ་དང་། མདོམས་དང་། གཞང་བསྲེགས་པ་ནས་རྐང་པའི་བར་དུ་བསྲེགས་སོ། །དེ་སྲེག་པ་ན་
D287.068.0164a07.01