完整藏文原文 · 德格版页 当前仅加载第 68 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་སྤྲོ་བ་མ་བྲི་བ་དེ་ལ་ས་བླའི་གནོད་སྦྱིན་དག་དགའ་ནས་བར་སྣང་ལ་སྤྱོད་པའི་གནོད་སྦྱིན་དག་ལ་མངོན་པར་བསྙད་དོ། །དེ་དག་གིས་ཀྱང་རྒྱལ་ཆེན་བཞི་པ་དག་ལ་མངོན་པར་བསྙད་པ་ནས་སྔ་མ་བཞིན་དུ་སྦྱར་ཏེ། ཚངས་རིས་ཀྱི་ལྷའི་བར་དག་ལ་འདི་ལྟར་འཛམ་བུའི་
D287.068.0245b01.01གླིང་དུ་རིགས་ཆེ་གེ་མོ་ཞིག་ལས་རིགས་ཀྱི་བུ་ཞིག་གྲོང་ཆེ་གེ་མོ་ཞིག་དང་། གྲོང་རྡལ་མང་གེ་མོ་ཞིག་དང་། མིང་ག་གེ་མོ་ཞིག་ཅེས་བྱ་བ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ་བདུད་ཀྱི་ཡུལ་གྱི་དངོས་པོ་མི་
D287.068.0245b02.01འདོད་ཅིང་འདོད་ཆགས་ཀྱི་དགའ་བའི་མོད་ལས་སྐྱེས་པའི་སྲེད་པའི་དངོས་པོ་དང་ལྷན་ཅིག་གནས་པར་མི་འདོད། ཉོན་མོངས་པ་སྦྲུལ་ལྟ་བུ་དང་ལྷན་ཅིག་དགའ་བར་མི་བྱེད་ལ། གཞན་གྱི་ཉོན་མོངས་པ་དག་མཐོང་ནས་འཁོར་བ་ཐམས་ཅད་ལས་ཡིད་བྱུང་
D287.068.0245b03.01ངོ་ཞེས་མངོན་པར་བསྙད་དོ། །དེ་ཐོས་ནས་ཚངས་ཆེན་གྱི་རིས་ཀྱི་ལྷ་རྣམས་བདུད་ཀྱི་ཕྱོགས་ནི་དམའ་བར་གྱུར་ཏོ། །དམ་པའི་ཆོས་ཀྱི་ཕྱོགས་ནི་མངོན་པར་མཐོའོ་ཞེས་དགའ་བ་སྐྱེས་སོ། །དེ་ལྟར་ས་གཞན་བཅུ་གཅིག་པ་ལ་ཞུགས་པ། རྣལ་འབྱོར་སྤྱོད་པའི་
D287.068.0245b04.01ལྷའི་མཐོང་བ་དང་ཡང་དག་པའི་ལམ་མཐོང་བ། ལས་ཀྱི་ཆོས་ཀྱི་རྣམ་པར་སྨིན་པ་ཤེས་པ། ལུས་ཀྱི་ཆད་པ་དང་། ངག་གི་ཆད་པ་དང་། ཡིད་ཀྱི་ཆད་པའི་དེ་ཁོ་ན་ཉིད་མཐོང་བ་དེ་འདི་སྙམ་དུ་སེམས་ཏེ། འདི་ལྟར་ལུས་ཀྱི་ཆད་པ་དང་། ངག་གི་ཆད་
D287.068.0245b05.01པ་དང་། ཡིད་ཀྱི་ཆད་པ་ཤིན་ཏུ་ཞིབ་མོར་རབ་ཏུ་རྣམ་པར་འབྱེད་པ་ན། དགེ་སློང་དག་ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་། །བྲམ་ཟེ་དང་། སྐྱེ་དགུར་བཅས་པ་དང་། ལྷ་དང་མིར་བཅས་
D287.068.0245b06.01པ་དག་གིས་དེ་ལྟར་རབ་ཏུ་རྣམ་པར་འབྱེད་པ་མི་ཤེས་ན། གཞན་མུ་སྟེགས་ཅན་ཀུན་ཏུ་རྒྱུ་བ་པ་དག་གིས་ཤེས་པ་ལྟ་སྨོས་ཀྱང་ཅི་དགོས་ཏེ། གནས་མེད་ཅིང་སྐབས་མེད་ལ། ངའི་སློབ་མ་དང་། གང་ང་ལས་ཐོས་པ་ནི་མ་གཏོགས་སོ་སྙམ་མོ། །དེ་ལྟར་
D287.068.0245b07.01