完整藏文原文 · 德格版页 当前仅加载第 68 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་གྱིས་ཉེན་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཐམས་ཅད་མཁྱེན་པའི་གསུང་རབ་གླེགས་བམ་ལ་བྲིས་པ་སྡང་བའི་སེམས་དང་ལོག་པར་ལྟ་བ་དང་། ལོག་
D287.068.0279b01.01པར་འཁུ་བའི་སེམས་ཀྱིས་འདི་ལྟར་སངས་རྒྱས་ལ་སྲོག་ཆགས་དག་ཆོས་དེ་ཉན་པ་དད་པ་མེད་པར་བྱ་བའི་ཕྱིར་ཆོས་ཀྱི་གཞི་བཤིག་སྟེ་བཏང་ངོ་སྙམ་ནས་བོར་ན་དེ་ལོག་པར་ལྟ་བ་བྱས་ཤིང་བསགས་པའི་ལས་ཀྱིས་སེམས་རྙོག་པར་བྱས་ཤིང་གཞན་དག་ཀྱང་དེ་ལ་རབ་ཏུ་འཇོག་
D287.068.0279b02.01པར་བྱེད། ཡང་དག་པར་རབ་ཏུ་དགའ་བར་བྱེད་ལ་དེ་ནས་ཡང་ཆོས་ཀྱི་གླེགས་བམ་དུ་གཏོགས་པ་སྡང་བའི་སེམས་ཀྱིས་འདོར་བར་བྱེད་དེ། ལས་དང་ལས་ཀྱི་ཉེར་བསྡོགས་དང་ལས་ཀྱི་མཇུག་ལ་ཕྱི་ཕྱིར་ཞིང་དེ་ཉིད་ལ་དགའ་བར་བྱེད་ན། དེ་ལུས་དང་བྲལ་ནས་ངན་
D287.068.0279b03.01འགྲོ་ལོག་པར་ལྟུང་བ་སེམས་ཅན་དམྱལ་བ་སྡུག་བསྔལ་བ་ཀུན་གྱིས་ཉེན་པར་སྐྱེ་བར་འགྱུར་རོ། །དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པ་བདུན་གྱིས་གནོད་པ་བསྡུས་པ་དེ་དག་ཐམས་ཅད་འབྱུང་ངོ་། །ཁྱད་པར་དུ་འབྱུང་བ་ནི། འདི་ལྟར་
D287.068.0279b04.01དམྱལ་བ་པའི་མིག་ལ་ཟངས་དམར་པོ་རབ་ཏུ་བཞུས་ཏེ་ཆག་ཆག་བཏབ་པས་རབ་ཏུ་ཞུ་བ་དང་། དེ་བཞིན་དུ་བྱེ་མ་རབ་ཏུ་འབར་བ་རེག་ན། རྡོ་རྗེ་ལྟར་སྲ་བ་རྣམས་ཀྱིས་མིག་དེ་ལ་བཏབ་ནས་ལག་པས་བཟུང་སྟེ་མི་བཟད་པས་མཉེས་སོ། །དེ་ལྟར་མིག་ལ་མཉེས་པ་
D287.068.0279b05.01གང་ཡིན་པ་དེ་བྱེ་མ་རེག་པས་རབ་ཏུ་ཞུའོ། །དེ་ནས་ཡང་སླར་སྐྱེ་བར་འགྱུར་ཏེ། ཡང་མཉེས་སོ། །སོག་ལེ་རབ་ཏུ་འབར་བ་ཡང་། བླངས་ནས་ལག་པ་གཉིས་བཅད་དོ། །དེ་ནས་ཡང་སླར་འབྱུང་བར་འགྱུར་ཏེ། ཕྱེད་རྫ་མ་རབ་ཏུ་འབར་བའི་ནང་དུ་ལྷུང་སྟེ་འཚེད་
D287.068.0279b06.01དོ། །དེའི་ཕྱེད་ཀྱང་མཚོན་གྱིས་བཞོག་པར་བྱེད་ཅིང་གཅོད་པར་བྱེད་དོ། །དེའི་མིག་གཉིས་ཀྱིས་དམ་པའི་ཆོས་མཐོང་ནས་བོར་བ་དེའི་རྣམ་པར་སྨིན་པ་ནི་དེ་ཡིན་ནོ། །གང་ལག་པས་བོར་བ་དེའི་རྣམ་པར་སྨིན་པ་ནི་དེའི་ལག་པ་བཅད་པ་ཡིན་ནོ། །གང་གིས་ཉེས་པར་
D287.068.0279b07.01