完整藏文原文 · 德格版页 当前仅加载第 68 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་དང་བྲལ་ནས་ངན་འགྲོ་ལོག་པར་ལྟུང་བ། སེམས་ཅན་དམྱལ་བ་དབང་པོ་ཐམས་ཅད་ཀུན་དུ་འགགས་པ་ཞེས་བྱ་བར་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། འདི་ལྟ་སྟེ། ཁར་མེའི་ཁམས་ཀྱིས་གང་བར་བཀང་
D287.068.0168b01.01ཞིང་། ལྕགས་ཀྱི་སྣོད་ཀྱི་ནང་དུ་ཟངས་དམར་པོ་བཞུས་པ་བླུགས་ནས་བརྫང་བས་བརྫངས་ལ། འོག་ནས་ཀྱང་སྲོག་ཆགས་མར་ཀོ་ཏ་ཀའི་མཆུ་རབ་ཏུ་འབར་བས་ཟའོ། །མེ་འབར་བའི་ཕྲེང་བ་བཅུ་གཅིག་གིས་བསྐོར་བའི་དབུས་སུ་གདུངས་ཤིང་
D287.068.0168b02.01སྲེག་སྟེ། ཡང་སོས་ཤིང་ཡང་སྲེག་གོ། །གྲོག་སྦུར་རབ་ཏུ་འབར་བ་དག་གིས་ནི་མིག་ཟ་ལ་ཞ་ཉེས་ནི་རྣ་བ་གང་། རལ་གྲིས་ནི་སྣ་བཅད། སྤུ་གྲིས་ནི་ལྕེ་བཅད། སྤུ་གྲིའི་ཆར་གྱིས་ནི་ལུས་གཤེགས་ཏེ་དབང་པོ་ཐམས་ཅད་སྡུག་བསྔལ་ཆེན་པོ་མྱོང་བ་ནི།
D287.068.0168b03.01སེམས་ཅན་དམྱལ་བ་པའི་རྣམ་པར་སྨིན་པ་བདེ་བ་མེད་ཅིང་། སྡུག་བསྔལ་འབྱུང་བ་མི་བཟད་ལ་ཚ་བ་གཞན་དང་མཚུངས་པ་མེད་ཅིང་དཔེ་ཟླ་མེད་པ་དེའི་ཕྱོགས་འགའ་ཞིག་བརྗོད་ན། འདི་ལྟ་སྟེ། ཇི་ལྟར་ཉི་མའི་འོད་ལས་མར་མེའི་འོད་དེ་བས་ཆུང་བ། དེ་
D287.068.0168b04.01ལྟར་སེམས་ཅན་དམྱལ་བ་པའི་སྡུག་བསྔལ་རྗེས་སུ་དཔག་པར་བྱ་ཞིང་ལྷ་རྣམས་ཀྱི་བདེ་བ་དཔེ་ཟླ་མེད་པ་བཞིན་དུ། སེམས་ཅན་དམྱལ་བ་པ་རྣམས་ཀྱི་སེམས་ཅན་དམྱལ་བ་པའི་སྡུག་བསྔལ་ཡང་དཔེ་ཟླ་མེད་དོ། །དེ་ཅིའི་ཕྱིར་ཞེ་ན། ལྷའི་འཇིག་རྟེན་དང་།
D287.068.0168b05.01སེམས་ཅན་དམྱལ་བའི་བདེ་བ་དང་། སྡུག་བསྔལ་ནི་གཞན་དང་མཚུངས་པ་མེད་དེ། འདི་ནི་ཕྱོགས་འགའ་ཞིག་བརྗོད་པ་ཡིན་ནོ། །ཇི་སྲིད་དུ་དེའི་སྡིག་པའི་ལས་བྱས་ཤིང་། བསགས་པ་བྱང་ཞིང་ཞི་ལ། སྤངས་ཤིང་
D287.068.0168b06.01ཟད་པར་མ་བྱས་པ་དེ་སྲིད་དུ། དེར་ཚོར་བ་མི་བཟད་ཅིང་ཚ་ལ་དྲག་པ་དག་མྱོང་བར་འགྱུར་རོ། །དེ་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་{ཡི་དགས་,ཡི་དྭགས་}དང་དུད་འགྲོ་དག་ཏུ་མ་སྐྱེས་ལ།
D287.068.0168b07.01