完整藏文原文 · 德格版页 当前仅加载第 68 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་དང་ངེད་ཀྱི་ཐ་དད་དུ་བྱ་བ་ཅི་ཡོད། བསམ་པ་ནི་ཅི་ཡོད། ཁྱད་པར་ནི་ཅི་ཡོད། གང་གིས་ན་དགེ་སྦྱོང་གཽ་ཏ་མའི་ཆོས་འདུལ་བ་ནི་ངེད་ཀྱི་ལས་ཁྱད་པར་དུ་འཕགས། དགེ་སྦྱོང་གཽ་ཏ་མ་དེ་ནི་ཐམས་ཅད་མཁྱེན་པ་ཡིན་ནོ་ཞེས་བདག་ཉིད་
D287.068.0083a01.01སྒྲོགས། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་དག་གིས་དེ་སྐད་དྲིས་པ་དང་། དགེ་སློང་གསར་དུ་རབ་ཏུ་བྱུང་བ་དག་ཚེ་དང་ལྡན་པ་ཤ་ར་དྭ་ཏིའི་བུ་དང་བྲལ་བས་རྗེས་སུ་ཡི་རང་བར་ཡང་མི་བྱེད་ལན་ཡང་མ་བཏབ་བོ། །དེ་ནས་དགེ་སློང་རབ་ཏུ་མང་པོ་ཚེ་དང་
D287.068.0083a02.01ལྡན་པ་ཤ་ར་དྭ་ཏིའི་བུ་དང་བྲལ་བ་དག་བསོད་སྙོམས་ཀྱི་བྱ་བ་བྱས་ནས་ན་ལ་ཏིའི་གྲོང་ག་ལ་བ་དེར་དོང་སྟེ་ཕྱིན་ནས། དགེ་སློང་རབ་ཏུ་མང་པོ་དག་ཟས་ཀྱི་བྱ་བ་བྱས་ནས་འཁོད་དོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུ་ཕྱི་ཞིག་ན་བསོད་སྙོམས་བླངས་ཏེ། ན་ལ་ཏིའི་
D287.068.0083a03.01གྲོང་ག་ལ་བ་དེར་སོང་ངོ་། །དེ་ནས་དགེ་སློང་རབ་ཏུ་མང་པོ་ཚེ་དང་ལྡན་པ་ཤ་ར་དྭ་ཏིའི་བུ་ག་ལ་བ་དེར་དོང་སྟེ་ཕྱིན་ནས། དགེ་སློང་རབ་ཏུ་མང་པོ་དག་གིས་ཚེ་དང་ལྡན་པ་ཤ་ར་དྭ་ཏིའི་བུ་ལ་བསྙད་དོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་དགེ་སློང་རབ་ཏུ་མང་པོ་དག་
D287.068.0083a04.01ལ་འདི་སྐད་ཅེས་སྨྲས་སོ། །གལ་ཏེ་བདག་ཚེ་དང་ལྡན་པ་ཁྱེད་དང་ལྷན་ཅིག་རྒྱལ་པོའི་ཁབ་ཀྱི་ལམ་སྲང་དང་། བཞི་མདོ་དང་། སུམ་མདོ་གཅིག་ཏུ་རིམ་གྱིས་དོང་བ་ལས། གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་རྣམས་དང་ཕྲད་པར་གྱུར་ན་ནི་དེས་ན་བདག་
D287.068.0083a05.01གིས་གཞན་མུ་སྟེགས་ཅན་སྤྱོད་པ་པ་ཀུན་ཏུ་རྒྱུ་བ་དེ་དག་ཆོས་དང་འཐུན་པས་ཚར་བཅད་ཟིན་པ་ཞིག་ན། ཀྱེ་མ་བདག་ཀྱང་ལམ་སྲང་དང་། བཞི་མདོ་དང་། སུམ་མདོ་གཞན་ནས་བསོད་སྙོམས་ལ་རྒྱུ་རྒྱུ་ནས་འདིར་ཕྱིན་ཏེ། གང་ཚེ་དང་ལྡན་པ་དག་གཞན་མུ་སྟེགས་
D287.068.0083a06.01ཅན་སྤྱོད་པ་པ་ཀུན་ཏུ་རྒྱུ་བ་རྣམས་དང་ལྷན་ཅིག་གཏམ་བྱས་པའི་འདྲི་བའི་ཚུལ་དེ་ནི་བདག་གིས་ཚོར་ཡང་མ་ཚོར་རོ། །ཚེ་དང་ལྡན་པ་དག་བཅོམ་ལྡན་འདས་ཀུན་ཏུ་སྤྱན་མངའ་བ་ཐམས་ཅད་མངོན་སུམ་པ། ལས་དང་འབྲས་བུ་དང་རྣམ་པར་སྨིན་པ་མཁྱེན་པ་དེ་ཧ་ཅང་མི་རིང་
D287.068.0083a07.01