完整藏文原文 · 德格版页 当前仅加载第 68 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །དེ་ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་དོ། །དེ་གལ་ཏེ་{ཡི་དགས་,ཡི་དྭགས་}དང་། དུད་འགྲོ་དག་ཏུ་མ་སྐྱེས་ལ་གཉའ་ཤིང་གི་བུ་གར་རུས་སྦལ་འཇུག་པ་ལྟ་བུར་མི་རྣམས་དང་སྐལ་བ་
D287.068.0239a01.01མཉམ་པར་མིར་སྐྱེས་ན། ལས་དེ་དང་རྒྱུ་འཐུན་པའི་འབྲས་བུས་དེ་མདོག་ངན་ཅིང་རྐང་ལག་རྡོལ་བ་དང་། ཚོང་པ་མོའི་བྲན་ཕོ་དང་། བྲན་མོ་བུམ་པ་ཐོགས་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་
D287.068.0239a02.01དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་གནོད་པའི་རྒྱུད་ཅེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་བརྟགས་ན། གང་གིས་སྲོག་གཅོད་པ་དང་།
D287.068.0239a03.01མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། {བརྫུན་,རྫུན་}སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་འགྱུར་རོ། །ཚུལ་ཁྲིམས་དང་ལྡན་པ་ཆོས་ཀྱི་ལམ་ལས་ཉམས་པ་མེད་པའི་དགེ་སློང་བག་ཚ་
D287.068.0239a04.01བ་མེད་པའི་སར་སོང་བ་ལས། བུད་མེད་སྦྱར་མ་ཞིག་ན་རེ་བདག་ལ་ཅི་དགའ་བ་མཛོད་ཅིག །གལ་ཏེ་དགེ་སློང་ཁྱོད་བདག་དང་ལྷན་ཅིག་མཇལ་བར་མི་མཛད་ན་དེ་བདག་གིས་དགེ་སློང་འདི་བདག་ལ་འདོད་པར་བྱེད་པ་ལས་དེ་ཁོ་མོས་མ་འདོད་དོ་ཞེས་སྨྲ་བར་བྱའོ། །དེས་ན་
D287.068.0239a05.01ཁྱོད་ལ་ཆད་པ་ཆེན་པོས་གཅོད་པར་འགྱུར་ཏེ། གལ་ཏེ་རྒྱལ་པོའི་འཁོར་ནས་སམ། གལ་ཏེ་བདག་གི་ཁྱིམ་ཐབ་ཀྱིས་གཅོད་པར་བྱེད་དོ། །གལ་ཏེ་མཛད་ན་དེ་བདག་གིས་ཁྱོད་ལ་བཟའ་བ་དང་བཅའ་བ་མང་པོ་དབུལ་བར་བྱ་སྟེ། དེ་ལྟར་འོ་སྐོལ་ཤིན་ཏུ་དགྱེས་པར་
D287.068.0239a06.01འགྱུར་ཞིང་གཞན་གྱིས་ཀྱང་མི་ཚོར་བར་འགྱུར་རོ། །འཇིག་རྟེན་པ་དག་ལ་ཡང་དགེ་སློང་འདི་ནི་ཤིན་ཏུ་ཚུལ་ཁྲིམས་དང་ལྡན་པ་ཡིན་ཏེ། འདི་ལ་མལ་ཆ་དང་། ན་བའི་རྐྱེན་གསོས་སྨན་གྱི་ཡོ་བྱད་མང་པོ་དག་ཕུལ་ཅིག་ཅེས་སྨྲ་བར་བགྱི་སྟེ། སྦྱིན་པ་པོ་དང་། སྦྱིན་བདག་
D287.068.0239a07.01