完整藏文原文 · 德格版页 当前仅加载第 68 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་བགྲང་གིས་མི་ལང་བར་སྡུག་བསྔལ་མྱོང་ངོ་། །སྤུ་ཟིང་ཞེས་བྱེད་པ་བརྒྱ་ཕྲག་ཁྲི་དང་ལྡན་པ་དེ་མངོན་པར་བརྗོད་པ་དེས་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་སྡུག་བསྔལ་ཚ་བ་མི་བདེ་བ་རྩུབ་པ་དག་མྱོང་བར་འགྱུར་
D287.068.0276a01.01རོ། །གང་གི་ཚེ་ལས་དེ་ཟད་ན་སེམས་ཅན་དམྱལ་བ་དེ་ལས་ཐར་བར་འགྱུར་ལ་ཐར་ནས་ཀྱང་དེ་ལས་དེ་དང་རྒྱུ་འཐུན་པར་{ཡི་དགས་,ཡི་དྭགས་}མེ་མདག་དང་དུད་པ་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། ལུས་བཀྲེས་པ་དང་སྐོམ་པས་གདུངས་ཤིང་ལུས་ཚལ་ཤིང་བསྲེགས་པ་ལྟ་བུར་
D287.068.0276a02.01འགྱུར། {ཡི་དགས་,ཡི་དྭགས་}ཀྱི་འཇིག་རྟེན་དེ་ལས་ཐར་ནས་ཀྱང་ཚེ་རབས་ལྔ་བརྒྱར་དུད་འགྲོ་མེ་མདག་ཆར་ལྟར་འབབ་པ་དང་བྱེ་མ་ཆར་ལྟར་འབབ་པས་སྲེག་ཅིང་འཚེད་དོ། །དུད་འགྲོའི་འཇིག་རྟེན་དེ་ལས་ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན་འདུ་བའི་
D287.068.0276a03.01གཞིར་གནས་ཤིང་རྡོ་ལ་ཟ་སྟེ། སྐྱེས་ནས་ཤིན་ཏུ་སྡུག་བསྔལ་ལ་ནམས་ཀྱང་ལྟོ་འགྲངས་པར་མི་འགྱུར་ལྕེའི་རྩེ་མོས་ཀྱང་ཟས་ཞིམ་པོ་མྱོང་བར་མི་འགྱུར་ཏེ་ཐོས་པ་ཙམ་འབའ་ཞིག་ཏུ་ཟད་དོ། །གཞན་གྱིས་བཀོལ་ཞིང་དབུལ་བ་དང་། ནད་བུ་ཅན་དང་སྨད་པར་འགྱུར་བ་
D287.068.0276a04.01མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་རི་བརྩེགས་ཆར་ལྟར་འབབ་པ་ཞེས་བྱ་བ་མཐོང་ངོ་། །
D287.068.0276a05.01དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་རང་སངས་རྒྱས་བཀྲེས། པའི་ཟས་ཕྲོགས་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རི་བརྩེགས་ཆར་ལྟར་འབབ་པ་ཞེས་བྱ་
D287.068.0276a06.01བར་སྐྱེ་བར་འགྱུར་རོ། །དེར་སྐྱེས་ནས་ཀྱང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་བརྒྱ་འགྱུར་དུ་འབྱུང་ངོ་། །ཁྱད་པར་དུ་འབྱུང་བ་ནི་འདི་ལྟར། ཐོ་བ་དང་། མདུང་ཐུང་དང་། རྫ་མ་དང་། ལུང་པའི་སྡུག་བསྔལ་དང་།
D287.068.0276a07.01