完整藏文原文 · 德格版页 当前仅加载第 68 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟར་སེམས་ཅན་དམྱལ་བ་དེ་ཆུ་བོ་སྒྲ་ཆེན་ཞེས་བྱ་བ་དེའི་ནང་དུ་འཇུག་པར་བྱེད་དོ། །དེར་སེམས་ཅན་དམྱལ་བ་པ་བརྒྱ་སྟོང་དུ་མ་དག་ཀྱང་འཇུག་པར་བྱེད་དོ། །སེམས་ཅན་དམྱལ་བ་པ་དེ་
D287.068.0244b01.01དག་གི་ནང་དུ་འཇུག་པར་བྱེད་དོ། །དེ་དེ་ལྟར་དེ་དག་གི་ནང་དུ་ཞུགས་ཤིང་ཤུགས་དྲག་པོས་བདས་པ་རྣམས་ཀྱི་འོག་ཏུ་བཅུག་ནས་དེ་ཇི་ལྟར་སྐྲའི་རྩེ་མོ་ཙམ་ཡང་མི་མངོན་པ་དེ་ལྟར་དེ་དག་གིས་སྟེང་ནས་སྟེང་དུ་འདུག་ནས་གནོད་པར་བྱེད་དེ། དེའི་སྟེང་ན་སེམས་ཅན་དམྱལ་བ་པ་
D287.068.0244b02.01རྣམས་འཁོད་དོ། །འོག་ཏུ་ནི་ཞ་ཉེ་རབ་ཏུ་བསྐོལ་བས་འཚེད་ཅིང་སྲེག་ལ་གསོད་དོ། །ཆོ་ངེས་འདེབས་ཤིང་རྟག་ཏུ་སྡུག་བསྔལ་བས་ཉམ་ཐག་སྟེ། དེ་ལྟར་སྡུག་བསྔལ་བས་ཉམ་ཐག་པ་ཕྱིར་ཞིང་ལས་ཀྱིས་བྱས་པའི་ཆུ་སྲིན་དག་ཉེ་བར་འོང་སྟེ། གང་དག་གིས་སེམས་
D287.068.0244b03.01ཅན་དམྱལ་བ་པ་དེ་ཡན་ལག་དང་ཉིང་ལག་ཐམས་ཅད་ཟ་ཞིང་འབྱུང་ངོ་། །དེ་ཤིང་སྐམ་ལྟར་བསྡུས་པའི་སྡུག་བསྔལ་མྱོང་བ་ན་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ཡུན་རིང་པོར་ལས་ཀྱིས་བྱས་པའི་ཚོར་བ་ཤིན་ཏུ་མི་བཟད་པའི་སྡུག་
D287.068.0244b04.01བསྔལ་མྱོང་བར་འགྱུར་རོ། །དེ་ཕྱིས་སེམས་ཅན་དམྱལ་བ་དེ་ལས་ཐར་བར་འགྱུར་ཏེ། ཐར་ནས་ཀྱང་ལས་དེ་དང་རྒྱུ་འཐུན་པའི་འབྲས་བུས་ཚེ་རབས་ལྔ་བརྒྱར་{ཡི་དགས་,ཡི་དྭགས་}དང་དུད་འགྲོ་དག་ཏུ་སྐྱེ་བར་འགྱུར་རོ། །དེ་དེ་ལས་ཐར་ནས་ཀྱང་གལ་ཏེ་མི་རྣམས་དང་སྐལ་བ་མཉམ་
D287.068.0244b05.01པར་མིར་སྐྱེས་ན། དེ་བུད་མེད་ཀུན་གྱི་ཡིད་ཆགས་པར་མི་འགྱུར་ཏེ། དེ་ཇི་ལྟར་བུའི་ངོ་བོ་དང་ཕའི་ངོ་བོ་དང་། མིང་པོའི་ངོ་བོ་ལྟ་བུ་དང་། ཚེ་རབས་ལྔ་བརྒྱར་ཕོ་མཚན་དང་བྲལ་བར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་
D287.068.0244b06.01ཤེས་པ་དེས་སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་འཁོར་བཅུ་དྲུག་པ་དག་ལས་བཅུ་བདུན་པ་མ་མཐོང་སྟེ། སེམས་ཅན་དམྱལ་བ་ཆེན་པོ་རབ་ཏུ་ཚ་བ་ནི་འཁོར་བཅུ་དྲུག་དག་གིས་ཡོངས་སུ་བསྐོར་ཏོ། །སེམས་ཅན་དམྱལ་བ་ཆེན་པོ་
D287.068.0244b07.01