'phags pa dam pa'i chos dran pa nye bar gzhag pa/
当前为德格木刻版 295a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 295a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 295a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནི་མ་ཡིན་གྱི། གཙང་བ་འདོད་པའི་ཕྱིར་སངས་རྒྱས་ལ་ཕྲེང་བ་ཕུལ་བ་རྐུ་བ་དང་། དེ་བཞིན་དུ་བླ་མ་དག་གི་ཕྲེང་བ་ཡང་རྐུ་བར་བྱེད་ན། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་{ཡི་དགས་,ཡི་དྭགས་}ཕྲེང་བ་ཟ་བ་རྣམས་ཀྱི་ནང་དུ་སྐྱེ་བར་འགྱུར་ཏེ། དེ་མཆོད་རྟེན་ནམ་གནོད་སྦྱིན་གྱི་གནས་སུ་སྐྱེ་བར་འགྱུར་ཞིང་དེ་མཐུ་ཆེ་བ་དང་དབང་ཆེ་བར་ཡང་འགྱུར་རོ། །དེ་ལེགས་པར་བྱས་པ་དང་ཉེས་པར་བྱས་པའི་རྨི་ལམ་དག་སྟོན་པར་ནུས་སོ། །གལ་ཏེ་མི་གང་ལ་རང་བཞིན་གྱི་མི་དགེ་བ་ཞིག་བྱུང་ལ་{ཡི་དགས་,ཡི་དྭགས་}དེ་ལ་ཁ་ཟེར་ན། དེ་གཞི་དེས་མི་དེ་ལ་
འཚེ་བར་བྱེད་པ་དང་། འཇིག་རྟེན་པ་དེ་དག་གནོད་སྦྱིན་འདི་ནི་རྫུ་འཕྲུལ་ཆེ་བ་མཐུ་ཆེ་བ་ཞིག་གོ་ཞེས་བརྗོད་དོ། །དེ་ཕྲེང་བ་མང་པོ་ཐོབ་སྟེ། དེ་དེས་ཤིན་ཏུ་ཚིམ་པར་འགྱུར་ཞིང་ལུས་བཀྲེས་པ་དང་སྐོམ་པས་གདུངས་པར་ཡང་མི་འགྱུར། འཇིག་རྟེན་གྱིས་ཀྱང་མངོན་པར་བསྟོད་པར་འགྱུར་ཏེ། དེ་དེས་རྟག་ཏུ་རབ་ཏུ་དགའ་བར་འགྱུར་རོ། །དེར་{ཡི་དགས་,ཡི་དྭགས་}ཕྲེང་བ་ཟ་བ་དེ་སྲིད་དུ་སྡིག་པའི་ལས་སྡིག་པ་ཆུང་བ་དེ་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚོ་བར་འགྱུར་རོ། །དེ་ཕྱིས་{ཡི་དགས་,ཡི་དྭགས་}ཀྱི་འཇིག་རྟེན་དེ་ལས་ཐར་བར་འགྱུར་ཏེ། ཐར་ནས་ཀྱང་
ལས་དེ་དང་རྒྱུ་འཐུན་པར་བྱས་པ་ཉེ་བར་འགྲོ་བ་ཇི་ལྟ་བ་བཞིན་དེ་ལ་སྤྱོད་ཅིང་འཁོར་བ་ན་ཡོངས་སུ་འཁྱམ་མོ། །དེ་གལ་ཏེ་བརྒྱ་ལ་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་ཕྲེང་བ་མཁན་དུ་འགྱུར་ཏེ་མུ་དང་མཐའ་དང་། མཇུག་དེས་དེའི་འཚོ་བ་ཉེ་བར་འགྲུབ་པ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་{ཡི་དགས་,ཡི་དྭགས་}ཀྱི་འཇིག་རྟེན་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་{ཡི་དགས་,ཡི་དྭགས་}ཀྱི་འཇིག་རྟེན་ན་{ཡི་དགས་,ཡི་དྭགས་}ཁྲག་ཟ་བ་ཞེས་བྱ་བ་ཁྲག་གིས་སྲོག་འཚོ་བར་བྱེད་པ་ཇི་ལྟར་འདུག་པ་མཐོང་ངོ་། །དེར་སེམས་ཅན་
དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། མི་གང་ལ་ལ་དེའི་ལུས་བརྟན་པར་བྱ་བའི་ཕྱིར་ཤའི་ཁྲག་འཐུང་ལ་དེ་ལ་དགའ་ཞིང་གཏུམ་པ་དང་། ཕྲག་དོག་དང་སེར་སྣས་མངོན་པར་ཉམས་པ། བུ་དང་ཆུང་མ་ལ་སླུ་བར་བྱེད་ཅིང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 295a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。