完整藏文原文 · 德格版页 当前仅加载第 68 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་ལ་མངོན་པར་བསྙད་དོ། །དེ་དག་གིས་ཀྱང་རྒྱལ་ཆེན་བཞིའི་ལྷ་རྣམས་ལ་མངོན་པར་བསྙད་དོ། །དེ་དག་གིས་ཀྱང་ལྷ་རྣམས་ཀྱི་དབང་པོ་བརྒྱ་བྱིན་ཀཽ་ཤི་ཀ་ལ། གང་འཛམ་བུའི་གླིང་ན་རིགས་ཀྱི་བུ་དེ་སྐྲ་དང་ཁ་སྤུ་བྲེགས་ཏེ། དད་པས་
D287.068.0114a01.01ཁྱིམ་ནས་ཁྱིམ་མེད་པར་རབ་ཏུ་བྱུང་བ། ཡུལ་ཆེ་གེ་མོ་ཞིག་དང་། གྲོང་ཁྱེར་མང་གེ་མོ་ཞིག་ཏུ་རིགས་ཆེ་གེ་མོ་ཞིག་ལས་རིགས་ཀྱི་བུ་མིང་ཆེ་གེ་མོ་ཞིག་ཅེས་བྱ་བ་སྐྲ་དང་ཁ་སྤུ་བྲེགས་ཏེ། དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ཞིང་། དེ་ས་གཞན་
D287.068.0114a02.01གསུམ་པ་ལ་ཞུགས་ཏེ། བདུད་དང་ལྷན་ཅིག་གཡུལ་འགྱེད་པར་འདོད་པས་བདུད་ཀྱི་ཕྱོགས་ནི་དམས་པར་བྱེད་ལ། དམ་པའི་ཆོས་ཀྱི་ཕྱོགས་ནི་མངོན་པར་མཐོ་བར་བྱེད་དོ་ཞེས་མངོན་པར་བསྙད་དོ། །ལྷ་རྣམས་ཀྱི་དབང་པོ་བརྒྱ་བྱིན་ཀཽ་ཤི་ཀས། དེ་ཐོས་ནས་
D287.068.0114a03.01མཆོག་ཏུ་དགའ་ཞིང་། གླང་པོ་ཆེ་ས་སྲུང་གི་བུ་ལ་ཞོན་ཏེ། རྫུ་འཕྲུལ་ཆེ་བའི་ལྷའི་ཚོགས་ལ་སོགས་པས་བསྐོར་ནས། འཐབ་བྲལ་གྱི་ལྷ་རྣམས་ལ་འཛམ་བུའི་གླིང་ན་རིགས་ཀྱི་བུ་ཞེས་བྱ་བ་ནས་རྒྱ་ཆེར་སྦྱར་ཏེ། ས་གཞན་གསུམ་པ་ལ་ཞུགས་པའི་བར་དང་།
D287.068.0114a04.01བདུད་དང་ལྷན་ཅིག་གཡུལ་འགྱེད་པར་འདོད་པ། བདུད་ཀྱི་ཕྱོགས་དམའ་བར་བྱེད་ཅིང་། དམ་པའི་ཆོས་ཀྱི་ཕྱོགས་མངོན་པར་མཐོ་བར་བྱེད་དོ་ཞེས་བསྙད་དོ། །ལྷའི་དབང་པོ་བརྒྱ་བྱིན་ལས་དེ་ཐོས་ནས། འཐབ་བྲལ་གྱི་ལྷ་རྣམས་ཤིན་ཏུ་ཡིད་དགའ་བར་འགྱུར་རོ། །
D287.068.0114a05.01དེ་ནས་གཞན་ཡང་དགེ་སློང་དེ་ས་གཞན་གསུམ་པ་ལས་ས་གཞན་བཞི་པ་ལ་ཇི་ལྟར་འཇུག་ཅིག་གུ་སྙམ་ནས། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་བརྟགས་ན། དེས་གཞན་
D287.068.0114a06.01བཞི་པ་ལ་འཇུག་པ་ནི་རེག་པའི་རྐྱེན་གྱིས་བདེ་བ་མྱོང་བར་འགྱུར་བ་བདེ་བའི་རྒྱུ་དང་། བདེ་བའི་གཞི་དང་། བདེ་བའི་རྐྱེན་གྱིས་བདག་གི་ཚོར་བ་སྐྱེས་སོ། །དེ་འགགས་ཤིང་རྣམ་པར་ཞི་ལ་ནང་དུ་ནུབ་པ་དེ་མ་ཐག་ཏུ་སྡུག་བསྔལ་གྱི་རེག་པ་དང་། སྡུག་བསྔལ་གྱི་
D287.068.0114a07.01