完整藏文原文 · 德格版页 当前仅加载第 68 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་བདག་ཡིན་ནམ། རླུང་གི་ཁམས་བདག་ཡིན་ནམ་སྙམ་མོ། །དེ་དོན་དམ་པར་ན་བདག་གི་ཁམས་མ་མཐོང་ཞིང་བདག་གི་ཁམས་མཐོང་བ་མེད་པ་ན་དོན་གཞན་དུ་གྱུར་པ་མ་མཐོང་སྟེ། དཔེར་ན་ཤིང་ལྗོན་པ་དུ་མ་འདུས་པ་ལ་ཚལ་དུ་མཐོང་ལ་ཤིང་ལྗོན་པ་རེ་རེ་ལ་ཚལ་
D287.068.0141b01.01མེད་དོ། །དོན་དམ་པར་ན་ཚལ་ཞེས་བྱ་བ་ཤིང་ལྗོན་པ་མ་གཏོགས་པར་ཚལ་མེད་ལ་ཡང་དག་པར་ན་ཤིང་ལྗོན་པ་ཡང་ཤུན་པ་དང་། རྩ་བ་དང་། ཡལ་ག་དང་། ལོ་མ་དང་། ལྕུག་མ་མ་གཏོགས་པར་དོན་གཞན་དུ་གྱུར་པ་མེད་དེ། ཀུན་རྫོབ་ཏུ་ནི་ཚལ་ཡོད་དོ། །དེ་ལྟར་
D287.068.0141b02.01ལུས་འདི་ཡང་ལག་པ་ལ་སོགས་པ་འདུས་པ་ཙམ་འདི་ལ་ཀུན་རྫོབ་ཏུ་འདི་ནི་ལུས་ཡིན་ནོ། །ཞེས་འདུ་ཤེས་འཇུག་གོ་སྙམ་ནས་དེ་ལུས་དེའི་ཆོས་ཀྱི་དེ་ཁོ་ན་ཉིད་ཤེས་ནས་ལུས་ལ་འདོད་ཆགས་དང་བྲལ་ཞིང་ལུས་ཀྱི་ཡན་ལག་དང་ཉིང་ལག་དག་ལ་འདོད་ཆགས་དང་བྲལ་
D287.068.0141b03.01བར་འགྱུར་རོ། །དེ་འདོད་ཆགས་དང་བྲལ་ན་དགའ་བའི་འདོད་ཆགས་ཀྱི་མོད་ལས་སྐྱེས་པ་ཡང་འབྱུང་བའི་སྲེད་པས་གནོད་པ་མེད་དེ། དེ་ལྟར་འདོད་ཆགས་ཀྱི་གཉེན་པོ་ལ་རབ་ཏུ་བརྩོན་ནོ། །ཇི་ལྟར་ན་ཞེ་སྡང་གི་གཉེན་པོ་ལ་རབ་ཏུ་བརྩོན་ཞེ་ན། དེ་བྱམས་པ་ལ་གནས་པར་
D287.068.0141b04.01འགྱུར་ཏེ། ཀྱེ་མ་སེམས་ཅན་འདི་དག་ནི་ཉམ་ང་བར་ཞུགས་པ་ཡིན་ཏེ། འདི་ལྟ་སྟེ། འགྲོ་བ་ལྔ་རྣམས་སུ་སྐྱེ་བ་དང་། འཆི་བ་དང་། འཆི་འཕོ་དང་། འབྱུང་བ་དག་འཇིགས་པ་ལྔར་ཞུགས་ཤིང་ཤི་བའི་ལུས་རུས་པ་ལྟ་བུ་དེ་དག་ལ་མ་ལྟ་བུར་སྙིང་རྗེ་སྐྱེའོ། །རྨ་ལ་བ་ཚྭས་
D287.068.0141b05.01བྱུགས་པ་ལྟ་བུའི་སེམས་ཅན་སྡུག་བསྔལ་བ་འདི་དག་ལ་ཇི་ལྟར་ཁྲོ་བ་སྐྱེད་དེ་སེམས་ཅན་དེ་དག་ནི་རང་བཞིན་གྱིས་སྡུག་བསྔལ་བ་ཡིན་ནོ་སྙམ་སྟེ། དེ་ཉོན་མོངས་པའི་རྣམ་པ་ཆེན་པོ་གཉིས་པ་ལ་གནས་སོ། །ཡང་དགེ་སློང་དེ་ཇི་ལྟར་ན་ཉོན་མོངས་པ་ཆེན་པོ་གསུམ་པ་སོ་སོར་
D287.068.0141b06.01འཇིག་པ་ལ་རབ་ཏུ་བརྩོན་ཞེ་ན། གཏི་མུག་གིས་བསྒྲིབས་པའི་སེམས་ཅན་ནི་ལུས་ཀྱིས་ཉེས་པར་སྤྱད་པ་སྤྱོད་པ་དང་། ངག་གིས་ཉེས་པར་སྤྱད་པ་སྤྱོད་པ་དང་། ཡིད་ཀྱིས་ཉེས་པར་སྤྱད་པ་སྤྱོད་པ་ཡིན་ཏེ། ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་
D287.068.0141b07.01