'phags pa dam pa'i chos dran pa nye bar gzhag pa/
当前为德格木刻版 202a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 202a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 202a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། {བརྫུན་,རྫུན་}སྨྲ་བ་ཀུན་དུ་བསྟེན་ཅིང་བསྒོམས་ལ་མང་དུ་བྱས་པས་འགྱུར་ཏེ། དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཁྭ་མཆུ་རྡོ་རྗེ་ལྟ་བུའི་ནང་དུ་སྐྱེ་བར་འགྱུར་རོ། །དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་དེ་དག་ཐམས་ཅད་འབྱུང་བར་འགྱུར་རོ། །{བརྫུན་,རྫུན་}ནི་གང་ཞིག་དགེ་འདུན་གྱི་འཁོར་གྱི་ནང་དུ་སོང་ནས་ནད་ཀྱི་རྐྱེན་གྱིས་གསོས་
སྨན་སྦྱར་བར་ཁས་བླངས་པ་ལས་མ་བྱིན་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་ཁྭ་མཆུ་རྡོ་རྗེ་ལྟ་བུའི་ནང་དུ་སྐྱེ་བར་འགྱུར་རོ། །དེར་གནོད་པ་འདི་དག་འབྱུང་བར་འགྱུར་ཏེ། འདས་པའི་དུས་སུ་ལས་བྱས་པ་དེ་དག་ཁྭ་མཆུ་རྡོ་རྗེ་ལྟ་བུས་ཤ་བཅད་ཅིང་བཅད་ཅིང་ཟའོ། །གང་གི་ཚེ་ཤ་བཅད་པར་གྱུར་པའི་སྐད་ཅིག་དེ་ཉིད་དང་གནས་དེ་ཉིད་དུ་ཡང་ཆེས་ཤིན་ཏུ་གཞོན་ཤ་ཅན་པད་མ་ལྟར་འཇམ་པ་སྐྱེ་བར་འགྱུར་ཏེ། དེ་ཅི་ནས་ཀྱང་ཚོར་བ་ཆེས་དྲག་པར་བྱ་བའི་ཕྱིར་དེ་ཉིད་ཕྱུང་ཞིང་བཏོགས་པ་དང་། དེ་ནས་ཡང་ཆེས་ཤིན་ཏུ་གཞོན་
ཤ་ཅན་སར་པ་གཞན་དག་སྐྱེ་བར་འགྱུར་རོ། །དེ་ལྟར་སེམས་ཅན་དམྱལ་བ་པ་དེ་དག་ལོ་འབུམ་ཕྲག་དུ་མར་ཁྭའི་མཆུ་རྡོ་རྗེ་ལྟ་བུས་ཟ་བར་བྱེད་དོ། །དེ་ནས་ཐར་བ་དང་བྱེ་མའི་ནང་ནས་ལྕགས་རབ་ཏུ་འབར་བ་འབྱུང་ལ་དེ་བྱེ་མ་དེ་དག་ལ་རྐང་པས་འགྲོ་སྟེ། དེ་ཇི་ལྟར་ཐལ་བ་ཡང་མི་མངོན་པ་དེ་ལྟར་དེས་སྲེག་པར་བྱེད་དོ། །དེ་ནས་ལངས་པ་དང་ཡང་ཐམས་ཅད་འབྱུང་བར་འགྱུར་ཏེ། གང་གིས་{བརྫུན་,རྫུན་}དེ་སྨྲས་ཤིང་སྡིག་པའི་རྗེས་སུ་སྨྲས་པ་{བརྫུན་,རྫུན་}སྨྲ་བས་{བརྫུན་,རྫུན་}ཟེར་བ་སྨྲས་པ་དེ་ཡང་འབྱུང་ཞིང་འབྱུང་ཞིང་བདག་ཉིད་ཀྱི་ལྕེ་ཡང་བདག་ཉིད་ཟའོ། །འདིར་ཚིགས་
སུ་བཅད་པ། བདུད་རྩི་དང་ནི་དུག་ཉིད་དག །མི་རྣམས་ཀྱི་ནི་ལྕེ་ལ་གནས། །བདེན་པར་སྨྲ་བ་བདུད་རྩི་ཡིན། །{བརྫུན་,རྫུན་}གྱི་ཚིག་ནི་དུག་དང་འདྲ། །གང་ཞིག་བདུད་རྩི་མངོན་འདོད་པ། །དེ་ནི་རྟག་ཏུ་བདེན་ལ་གནས། །གང་ཞིག་དུག་ལ་མངོན་དགའ་བ། །དེ་ནི་{བརྫུན་,རྫུན་}
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 202a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。