完整藏文原文 · 德格版页 当前仅加载第 68 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པ་དེ་དག་རྫ་མར་བཙོ་བ་དེ་དག་ལས་ཐར་ནས་གར་བབ་བབ་ཏུ་འབྲོས་སོ། །ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་པར་མ་གྱུར་པ་དེ་སྲིད་དུ་ལོ་འབུམ་ཕྲག་དུ་མར་དེ་དག་གི་མདུན་དུ་ལྕགས་ཀྱི་ཁྭ་རབ་ཏུ་འབར་བ་དེ་དག་གིས་བཟུང་ནས་དེ་དག་གི་
D287.068.0175a01.01ཡན་ལག་དང་ཡན་ལག །གནད་དང་གནད། ཚིགས་དང་ཚིགས་སུ་བརྒྱའམ་སྟོང་དུ་ཟའོ། །སྐྱབས་འདོད་པ། མགོན་འདོད་པ། དཔུང་གཉེན་འདོད་པ་དེ་དག་དེ་ལས་ཐར་ནས་ཀྱང་གར་བབ་བབ་ཏུ་འབྲོས་སོ། །བཀྲེས་པ་དང་། སྐོམ་པས་གདུངས་པ་
D287.068.0175a02.01དེ་དག་མཚོའི་ཆུ་རབ་ཏུ་དང་བ་ཞིག་རྒྱང་རིང་པོ་ནས་མཐོང་སྟེ། དེ་དག་དེར་བརྒྱུགས་པ་དང་། དེ་དག་ཀྱང་རོ་ཉེ་རབ་ཏུ་བསྐོལ་བས་གང་བ་ཡིན་ཏེ། དེར་ཁྲུས་བྱ་བའི་ཕྱིར་འཇུག་གོ། །གང་གི་ཚེ་ཞུགས་པར་གྱུར་པ་དང་། ས་ཕྱོགས་དེ་དག་ལས་ཀྱིས་བྱས་པའི་ཆུ་སྲིན་
D287.068.0175a03.01རྣམས་ཀྱིས་བཟུང་ནས་ཁ་བུབ་ཏུ་དྲངས་ཏེ། ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་ལོ་འབུམ་ཕྲག་དུ་མར་དེ་དག་རོ་ཉེ་དེའི་ནང་དུ་སྐོལ་ལོ། །ཕྱིས་ལས་ཀྱིས་བྱས་པའི་ཆུ་སྲིན་དེ་དག་ལས་ཐར་བར་འགྱུར་ཏེ། ཐར་ནས་ཀྱང་ཚོར་
D287.068.0175a04.01བས་ཉེན་པ་སྐྱབས་འདོད་པ། མགོན་འདོད་པ། དཔུང་གཉེན་འདོད་པ་དག་གར་བབ་བབ་ཏུ་འབྲོས་སོ། །གལ་ཏེ་མདུན་ན་འཁོད་པའི་གཤིན་རྗེའི་མི་རྣམས་ཀྱིས་མཐོང་ན་དེ་དག་དེར་འཛིན་ཏེ། བཟུང་ནས་ཀྱང་མདུང་རྩེ་རབ་ཏུ་འབར་བ་དག་གིས་འབིགས་པར་བྱེད་དོ། །
D287.068.0175a05.01དེ་དག་ལ་མདུང་རྩེ་དེ་དག་བར་འགའ་རྒྱབ་ཏུ་ཕྱུང་ནས་འབྱུང་། བར་འགའ་གློར་ཕུག་ནས་འབྱུང་། བར་འགའ་མགྲིན་པར་ཕུག་ནས་འབྱུང་སྟེ། སེམས་ཅན་དམྱལ་བ་པ་ཚོར་བས་ཉེན་པ་དེ་དག་གི་སྒྲ་དེ་སེམས་ཅན་དམྱལ་བ་པ་གཞན་དག་གིས་ཕྱོགས་དེ་ནས་གླུ་དབྱངས་
D287.068.0175a06.01ཀྱི་སྒྲར་ཐོས་སོ། །དེ་ཡང་ངུ་བའི་སྒྲ་ཡིན་ན་ལས་ཀྱི་དབང་གིས་སྙན་པར་ཐོས་ཏེ། སྐྱབས་འདོད་པ། མགོན་འདོད་པ། དཔུང་གཉེན་འདོད་པ་དེ་དག་གནས་དེར་འགྲོའོ། །ཇི་སྲིད་དུ་དེའི་སྡིག་པའི་ལས་བྱས་ཤིང་བསགས་པ་བཅོམ་ཞིང་སྤངས་ལ་ཟད་པར་མ་
D287.068.0175a07.01