完整藏文原文 · 德格版页 当前仅加载第 68 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཕུན་སུམ་ཚོགས་མཐོང་ནས། །བདག་གིར་བྱ་སྙམ་བསམས་པ་ནི། །བརྣབ་སེམས་དེ་ཡིས་བསླངས་པ་ཡི། །དུག་གི་འབྲས་བུ་འདིར་འོངས་སོ། །དེ་ལྟར་དེ་གཤིན་རྗེའི་མི་དེ་རྣམས་ཀྱིས་སྤྱོ་སྤྱོ་བརྒྱད་བརྒྱད་ནས་ལོ་འབུམ་ཕྲག་མང་པོར་གནོད་པ་ཉིད་ཀྱིས་
D287.068.0263b01.01གནོད་པར་བྱེད་དེ། དེའི་སྡིག་པའི་ལས་ཀྱིས་འབྱང་བར་མི་འགྱུར་རོ། །དེ་ནས་ཡུན་རིང་མོ་ཞིག་འདས་ནས་སེམས་ཅན་དམྱལ་བ་པ་དེ་མེ་མདག་གི་ཆུ་བོའི་ནང་དུ་བྱིང་ཞིང་འབྲོས་པ་ན་གར་བབ་བབ་ཏུ་འབྲོས་པ་དང་། ལྕགས་ཀྱིས་གཞི་རབ་ཏུ་འབར་བའི་
D287.068.0263b02.01སྟེང་དུ་བབ་ནས་དེ་ནས་ཡང་དང་ཡང་དུ་འགྲེ་ལྡོག་སྟེ། ལངས་ནས་ཀུན་ཏུ་རྒྱུག་པ་ན། གཅིག་པུ་གཉིས་སུ་མེད་ཅིང་གྲོགས་མེད་པ་ལས་ཀྱི་དབང་གིས་གྱུར་པའི་སེམས་ཅན་དམྱལ་བ་པ་ལས་ཀྱིས་དགྲའི་ནང་དུ་སོང་ངོ་། །གལ་ཏེ་ཡང་གཤིན་རྗེའི་མི་དེ་དག་ལས་
D287.068.0263b03.01ཐར་ནས་གར་བབ་བབ་ཏུ་འབྲོས་སོ། །དེ་ནས་གནོད་སེམས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དེའི་འབྲས་བུ་ཉེ་བར་གནས་པ་ནི་མགོན་འདོད་པ། སྐྱབས་འདོད་པ། དཔུང་གཉེན་འདོད་པ་དེ་སྐྱབས་དང་དཔུང་གཉེན་འདོད་ཅིང་ལས་ཀྱིས་བྱས་པའི་
D287.068.0263b04.01སེང་གེ་དང་། སྟག་དང་། སྦྲུལ་ཤིན་ཏུ་ཁྲོས་པ་དག་མདུན་དུ་འདུག་པ་དང་། དེ་དེ་དག་ལ་འཇིགས་ནས་གར་བབ་བབ་ཏུ་འབྲོས་ཀྱང་དེ་མི་དགེ་བའི་ལས་ཀྱིས་འབྲོས་པར་ག་ལ་ནུས་ཏེ། དེ་དེ་དག་གིས་བཟུང་ངོ་། །བཟུང་ནས་ཀྱང་ཤིན་ཏུ་འཁྲུགས་པ་རྣམས་ཀྱིས་
D287.068.0263b05.01དང་པོར་རེ་ཞིག་{གླད་པ་,ཀླད་པ་}ལ་ཟའོ། །དེའི་{གླད་པ་,ཀླད་པ་}ལ་ཟ་བ་ན་ངུ་སྐད་འབྱིན་ཅིང་སྨྲེ་སྔགས་འདོན་ལ་འགྲེ་ལྡོག་པར་བྱེད་དོ། །དེའི་རྩིབ་ལོགས་ལ་ཡང་མཆེ་བ་དུག་ལྟར་རྣོ་བ་ཀུན་གྱིས་བྲད་བྲད་ནས་ཟ་ཞིང་སྟག་དག་གིས་ཀྱང་རྒྱབ་ཏུ་ཟོས། རྐང་པ་ནི་མེས་བསྲེགས་ཤིང་
D287.068.0263b06.01གཤིན་རྗེའི་མི་རྣམས་ཀྱིས་ཀྱང་རྒྱང་རིང་པོ་ལ་སོགས་པར་འཕངས་སོ། །དེ་ལྟར་སྙིང་རྗེ་ཆེན་པོའི་ཤུགས་ཐོབ་པ་དེ་ལ་འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། མི་ཡི་སྐྱེས་བུ་ཐ་མ་ལ། །གནོད་སེམས་མེ་འདྲ་ཡོད་པ་ནི། །
D287.068.0263b07.01