'phags pa dam pa'i chos dran pa nye bar gzhag pa/
当前为德格木刻版 270a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 270a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 68 函 · 德格 270a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཅན་དག་ལམ་བཟང་པོ་ལས་སྐྱོད་པར་བྱེད་ཅིང་སྨྲ་བ་དེ་དེ་རྣམས་ཀྱིས་བཟུང་སྟེ་ཁ་གདངས་ནས་དེའི་ལྕེ་ཕྱུང་ངོ་། །དེ་ཡང་འཇམ་ཞིང་ཟངས་ཀྱི་མདོག་ལྟར་དམར་བ་རྒྱང་གྲགས་ཙམ་དུ་སྐྱེས་ཏེ། དེ་ཡང་ལྕགས་ཀྱི་ས་གཞི་རབ་ཏུ་འབར་བ་ལ་ལྡག་ཏུ་འཇུག་གོ། །ལྡག་ཏུ་བཅུག་ནས་ཐོང་གཤོལ་གྱི་སོ་རྣོ་ཞིང་འབར་ལ་རབ་ཏུ་འབར་བ་བརྒྱ་དང་། རྨོན་གླང་རྨིག་པ་འདོར་བ་རྣོ་ཞིང་རབ་ཏུ་འབར་བ་ཐོང་མཁན་དང་ལྡན་པ་རྣམས་ཀྱིས་དོན་མ་ཡིན་པ་བྱེད་པ་འཇིག་རྟེན་ཕ་རོལ་ཏུ་འགྲོ་བའི་དབང་དུ་གྱུར་ཅིང་དོན་
མ་ཡིན་པའི་སྐྱེ་གནས་ལྕེར་མིང་བཏགས་པ་དེ་ལ་རྨེད་པར་བྱེད་དེ། དེ་ལྟར་དེ་ཡུན་རིང་དུ་འཚེད་ཅིང་སྲེག་གོ། །དེའི་ལྕེ་གནོད་པ་དང་ཕྲད་པ་དེ་ངུ་བར་བྱེད། འཁུན་པར་བྱེད། ཀུ་ཆོ་འདོན་པར་བྱེད། ངུ་སྐད་འབྱིན་པར་བྱེད། མིག་ཡོངས་སུ་འགྱུར་བར་བྱེད་དོ། །དེ་ལྟར་དེ་ངུ་སྐད་འབྱིན་པ་ན་འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ། སྡིག་ཚིག་ཡིད་ལ་བསམས་ནས་སུ། །འཕགས་ལ་སྨོད་གང་དམྱལ་བར་ནི། །བྱེ་བ་ལྔ་བཅུ་རྩ་དྲུག་དང་། །དེ་བཞིན་བྱེ་བ་ཕྲག་དྲུག་
གནས། །ཆོས་མ་ཡིན་པ་ཆོས་ཚུལ་དང་། །སྡིག་བྱེད་ལེགས་པའི་ཚུལ་དུ་ནི། །ཁྱོད་ཀྱིས་སྔོན་ནི་གང་སྨྲས་པ། །མེ་དེས་ཁྱོད་ལ་སྐྲག་པར་བྱེད། །ཇི་ལྟར་སེམས་ཅན་ཁྱད་པར་ཅན། །ཆོས་འདོད་དག་ལས་ཁྱོད་ཀྱིས་སུ། །ངེས་པར་ངན་འགྲོར་འགྲོ་བ་ཡིན། །བདེ་མེད་སྡིག་པ་རབ་ཏུ་སྨྲས། །གང་ཞིག་རྟག་ཏུ་{བརྫུན་,རྫུན་}སྨྲ་ཞིང་། །ཆོས་མ་ཡིན་སྨྲ་ཆོས་ལྡན་མིན། །དེ་ཡུལ་ཀུན་གྱི་རྐུན་མ་ཡིན། །རྐུན་མ་ཐ་མལ་རྐུན་མ་མིན། །ཆོས་སྨྲ་བ་ཡི་མི་དག་ག་གང་། །ཆོས་ཉིད་ལ་ནི་སྤྱོད་པ་སྟེ། །གང་དུ་འགྲོ་བ་
གནོད་མེད་པའི། །རྟག་པའི་གནས་སུ་དེ་འགྲོ་འོ། །འཁྲུག་མེད་མི་ཟད་ནོར་ཡིན་ཏེ། །སྐྱེ་བོ་ཀུན་གྱི་ཇོ་བོར་ཆེ། །བདེན་པ་མཐོ་རིས་སྐས་ཡིན་ཏེ། །དེ་ཉིད་མྱ་ངན་འདས་པའི་སྒོ། །དེ་ལྟར་བདེན་པ་མཆོག་བརྟགས་པ། །རྟག་ཏུ་ཆོས་ཤེས་དྲན་པ་ནི། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 270a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。