完整藏文原文 · 德格版页 当前仅加载第 68 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་དུ་ཟེར་བ་ཡིན་ནོ་ཞེས་སྐྱེ་བོ་གཞན་དག་གིས་བསམས་པར་འགྱུར་ཏེ། དེ་ལྟར་ན་ལས་དྲི་མ་ཅན་ལ་མངོན་པར་དགའ་བའི་མི་རྣམས་དང་འགྲོགས་པས་ལས་དྲི་མ་ཅན་དུ་གཞན་དག་སེམས་སོ། །དེ་ལྟ་བས་ན་སྡིག་པའི་གྲོགས་པོ་དང་འགྲོགས་
D287.068.0093a01.01པར་མི་བྱ་སྟེ། འདི་ལྟ་སྟེ། སྡིག་པའི་གྲོགས་པོ་དང་འགྲོགས་པ་ནི་འཁོར་བའི་འཆིང་བ་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོ་རྣམས་ཀྱི་གནས་ཡིན་ལ། དགེ་བའི་བཤེས་གཉེན་དང་འགྲོགས་པ་འདི་ནི་ཐར་པ་མཆོག་ཡིན་ཏེ། འདི་
D287.068.0093a02.01དག་ནི་{བརྫུན་,རྫུན་}དུ་སྨྲ་བ་མདོར་བཤད་པ་ཡིན་ནོ། །གཞན་ཡང་ཕྲ་མ་ཇི་ལྟ་བུ་ཡིན། རྣམ་པ་དུ་ཡོད་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ཕྲ་མ་ཞེས་བྱ་
D287.068.0093a03.01བ་ནི་འཐུན་ཞིང་འབྱོར་པ་དག་ལ་དབྱེ་བའི་བསམ་པས་ཚིག་བརྗོད་པ་ནི་ཕྲ་མ་ཡིན་ནོ། །དེ་རྣམ་པ་གཉིས་ཏེ། ཕ་རོལ་དང་སྦྱོར་བ་དང་། མི་སྦྱོར་བའོ། །དེ་ལ་ཁྱོད་ཀྱིས་མི་གཉིས་དང་དབྱེ་བའི་སྦྱོར་བ་གྱིས་ཤིག་ཅེས་དགྲའམ། དགྲ་ཆུང་ངུ་གཞན་དག་གིས་
D287.068.0093a04.01སྦྱོར་བ་བྱེད་པ་དང་། བདག་ཉིད་ཀྱིས་འབྱེད་པར་འདོད་པའོ། །གཞན་ཡང་ཚིག་རྩུབ་པོ་ཇི་ལྟ་བུ་ཡིན། རྣམ་པ་དུ་ཡོད་ཅེ་ན། རྣལ་འབྱོར་སྤྱོད་པ་ནང་གི་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་
D287.068.0093a05.01སྟེ། ཚིག་རྩུབ་པོ་ཞེས་བྱ་བ་ནི་བདག་དང་གཞན་ལ་གནོད་པ་བྱེད་པ། ཁྲོ་བའི་རྒྱུ་འཐུན་པར་གྱུར་པ། ཡིད་དུ་མི་འོང་བ། མི་སྡུག་པ། མི་དགའ་བའི་ཚིག་བརྗོད་པ་ཉན་པ་དང་། མི་འཐུན་པ། འདོད་ཆགས་དང་། ཞེ་སྡང་དང་། གཏི་མུག་དང་བཅས་
D287.068.0093a06.01པ། བྱིས་པ་སོ་སོའི་སྐྱེ་བོ་ཐམས་ཅད་དང་ལྷན་ཅིག་སྤྱོད་པའི་ཚིག་སྨྲ་བ་འདི་ནི་ཚིག་རྩུབ་པོ་ཞེས་བྱ་སྟེ། རྣམ་པ་དུ་མ། དམིགས་པ་དུ་མ། རྒྱུ་དུ་མ། སེམས་ཀྱི་ཀུན་ནས་ལྡང་བ་དུ་མ། རྣམ་པར་སྨིན་པ་དུ་མ། བདེ་འགྲོར་འགྲོ་བ་རྣམ་པར་འཇིག་པ་དུ་
D287.068.0093a07.01