完整藏文原文 · 德格版页 当前仅加载第 68 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་འདྲེན་ཏོ། །མིག་འདྲེན་པ་དག་གིས་དྲངས་པ་དང་། དེ་ནས་ཡང་ཤིན་ཏུ་གཞོན་ཤ་ཅན་སྡུག་པར་སྐྱེས་ཏེ། གནོད་པ་ཆེས་མང་བ་དག་གིས་དེ་འབྱིན་པར་བྱེད་དོ། །དེ་དག་གི་རྣ་བ་ཡང་རོ་ཉེ་རབ་ཏུ་བསྐོལ་བས་བཀང་ལ་གཤིན་རྗེའི་མི་རྣམས་ཀྱིས་ཡན་ལག་དང་ཉིང་ལག་
D287.068.0200b01.01ཐམས་ཅད་སྤུ་གྲི། དག་གིས་འཇོག་པར་བྱེད་དོ། །སྲིན་བུ་ཏཱ་ལ་ལ་ལྭ་ལ་ཀ་ཞེས་བྱ་བས་དེའི་གཉེ་མ་དང་རྒྱུ་མའི་ནང་དུ་ཞུགས་ནས་རབ་ཏུ་ཟའོ། །ཕྱི་རོལ་དུ་ནི་མུན་པ་ཀུན་ནས་ཤིན་ཏུ་གནག་པ་དེར་འཇུག་ལ་ཕྱི་ནང་དེ་དག་ཐམས་ཅད་དུ་ཡང་ལས་ཀྱིས་བྱས་པའི་ཆུ་
D287.068.0200b02.01སྲིན་རབ་ཏུ་འབར་བ་དག་འབྱུང་སྟེ། དེ་དག་གིས་ཟ་བར་བྱེད། ཁ་དང་སེན་མོ་དང་སོ་རྡོ་རྗེ་ལྟར་རྣོ་ཞིང་འབར་བ་དག་གིས་ཡན་ལག་དང་ཉིང་ལག་ཐམས་ཅད་འབྱེད་པར་བྱེད། ཕྱེ་མར་རློག་པར་བྱེད་དེ། བྱེ་མ་ཆང་པ་ནས་གཏོར་བ་བཞིན་བྱེད་དོ། །དེ་སོའི་བར་དེ་ནས་ཐར་
D287.068.0200b03.01ནས་ཆུ་སྲིན་རབ་ཏུ་འབར་བ་དེ་དག་གི་ལྟོའི་ནང་དུ་འཇུག་པར་བྱེད་དོ། །དེ་ལྟར་དེ་དག་ཆུ་སྲིན་གྱི་ལྟོ་དེར་ལོ་འབུམ་ཕྲག་དུ་མར་ལོ་བྱེ་བ་ཕྲག་དུ་མར་ཆུ་སྲིན་དེ་དག་གི་ལྟོ་རབ་ཏུ་འབར་བར་དབུགས་མེད་པའམ། དབུགས་ཆུང་བར་སྲེག་ཅིང་འཚེད་དོ། །{བརྫུན་,རྫུན་}སྨྲས་པ་དག་
D287.068.0200b04.01ཚོར་བ་དྲག་པ་ཚ་བ་རྩུབ་པ་མྱོང་ཞིང་ལས་ཀྱི་རྒྱུ་{བརྫུན་,རྫུན་}སྨྲ་བ་རང་གི་ལྕེས་ཀུན་ནས་བསླང་བས་སྲེག་ལ་ཕྱིས་སེམས་ཅན་དམྱལ་བ་པའི་མེས་ཀུན་དུ་སྲེག་གོ། །འདི་ལྟར་ཆུ་སྲིན་དེ་དག་གིས་ཡན་ལག་དང་ཉིང་ལག་ཐམས་ཅད་དཀྲིས་ནས་ལུས་ཕྱེ་མར་བྱས་པ་ཁ་ནས་འབྱིན་ཏེ།
D287.068.0200b05.01དེ་ནས་ཡང་ཕྱི་རོལ་དུ་མེ་མདག་སྔོན་པོས་སྲེག་གོ། །བསྲེག་པ་ན་གཤིན་རྗེའི་མི་རྣམས་ཀྱིས་ཚིགས་སུ་བཅད་དེ་བསྟན་པ། སེམས་ཅན་དམྱལ་བའི་རྒྱུར་གྱུར་པ། །{བརྫུན་,རྫུན་}དུ་སྨྲ་བ་སྟོན་པ་ཡིན། །སྔོན་ཆད་རྒྱུ་ནི་བསྟེན་བྱས་པ། །དོན་མེད་སྨྲེ་སྔགས་ཡོངས་སུ་
D287.068.0200b06.01འདོན། །མེ་ཡི་ནང་ན་མེ་མཆོག་སྟེ། །རྒྱ་མཚོ་དག་ཀྱང་སྲེག་བྱེད་ན། །གང་དག་{བརྫུན་,རྫུན་}སྨྲ་ཤིང་དང་རྡོ། །རང་བཞིན་འདྲ་བ་སྨོས་ཅི་དགོས། །མི་གང་བདེན་པ་སྤངས་ནས་སུ། །{བརྫུན་,རྫུན་}དུ་སྨྲ་བ་སྒྲུབ་བྱེད་པ། །དེ་ནི་རིན་ཆེན་སྤངས་ནས་སུ། །སྡིག་པའི་
D287.068.0200b07.01