完整藏文原文 · 德格版页 当前仅加载第 68 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
ཆད་པ་བཞི་པ་ཡིན་ནོ། །གཞན་ཡང་ཡིད་ཀྱི་ཆད་པ་ཇི་ལྟ་བུ་ཡིན། རྣམ་པ་ནི་དུ་ཞིག་ཡོད་ཅེ་ན། རྣལ་འབྱོར་སྤྱོད་པ་ལས་དང་ཆོས་དང་རྣམ་པར་སྨིན་པ་ལ་རྗེས་སུ་ལྟ་བ་དེས་ཐོས་པ་ལས་བྱུང་བའི་ཤེས་པས་ཡིད་ཀྱི་ཆད་པ་རྣམ་པ་གསུམ་མཐོང་སྟེ། འདི་
D287.068.0087a01.01ལྟ་སྟེ། བརྣབ་སེམས་ནི་གཞན་གྱི་འབྱོར་པ་མཐོང་ནས་ཤིན་ཏུ་རྟོག་པར་བྱེད། སེམས་ཀྱིས་འདོད་པར་བྱེད། རྫས་འདི་ནི་བདག་གིར་བྱའོ་སྙམ་སྟེ། བརྣབ་སེམས་འདི་ནི་ཡིད་ཀྱི་ཆད་པ་དང་པོ་ཡིན་ནོ། །གཞན་ཡང་ཡིད་ཀྱི་ཆད་པར་འགྱུར་བ་ནི་ཕ་རོལ་གྱི་ཕུན་སུམ་
D287.068.0087a02.01ཚོགས་པ་མཐོང་ནས་ཡིད་རབ་ཏུ་སྡང་བ་གནོད་སེམས་ཏེ། ཡིད་ཀྱི་ཆད་པ་གཉིས་པ་ཡིན་ནོ། །གཞན་ཡང་ཡིད་ཀྱི་ཆད་པ་གསུམ་པ་ནི་ལོག་པར་ལྟ་བས་ཕྱིན་ཅི་ལོག་ཏུ་མཐོང་བ་ལོག་པར་ལྟ་བའི་ཆད་པའོ། །དེ་ཡང་རྣམ་པ་གཉིས་ཏེ། ཡོད་པ་འཇིག་པ་དང་། ལོག་
D287.068.0087a03.01པར་ཤེས་པའོ། །དེ་ལ་ཡོད་པ་འཇིག་པ་ནི་འདི་ལྟར་སྦྱིན་པ་མེད། སྦྱིན་སྲེག་མེད། མཆོད་སྦྱིན་མེད། ལེགས་པར་བྱས་པ་དང་། ཉེས་པར་བྱས་པ་དག་གི་ལས་ཀྱི་འབྲས་བུ་རྣམ་པར་སྨིན་པ་མེད་དོ་ཞེས་བྱ་བ་རྒྱ་ཆེར་སྦྱར་རོ། །ལོག་པར་ཤེས་པ་ཞེས་བྱ་བ་ནི།
D287.068.0087a04.01བདེ་བ་དང་སྡུག་བསྔལ་གང་ཡིན་པ་དེ་ནི་ལྷས་བྱས་ཀྱི་ལས་ཀྱི་འབྲས་བུས་ནི་མ་བྱས་སོ་ཞེས་ཟེར་བ་སྟེ། འདི་ནི་ལོག་པར་ལྟ་བ་རྣམ་པ་གཉིས་པ་ཡིན་ནོ། །གཞན་ཡང་ཇི་ལྟར་ན་ལུས་དང་ངག་དང་ཡིད་རྣམ་པ་གསུམ་གྱི་ཆད་པ་རྣམ་པ་བཅུ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་
D287.068.0087a05.01ན། ཚེ་འདི་ཉིད་ལ་ལས་ཀྱི་འབྲས་བུ་མྱོང་བར་འགྱུར་བར་ངེས་པ་དང་། ཤི་ནས་གཞན་དུ་སྐྱེས་ན་དེའི་རྒྱུ་ཅན་གྱི་ལས་ཀྱི་འབྲས་བུ་གང་ཡིན་པ་དང་རྒྱུ་འཐུན་པའི་འབྲས་བུ་ཇི་ལྟ་བུ་ཡིན་པ་དང་། ཡང་འཇིག་རྟེན་འདིར་སྐྱེས་ན་ཡང་དེ་དག་ཅི་འདྲ་བར་འགྱུར་ཞེ་ན།
D287.068.0087a06.01རྣལ་འབྱོར་སྤྱོད་པ་ལས་དང་ཆོས་དང་རྣམ་པར་སྨིན་པ་ལ་རྗེས་སུ་ལྟ་བ་དེས་ཐོས་པ་ལས་བྱུང་བའི་ཤེས་པའམ། ལྷའི་མིག་གིས་མཐོང་སྟེ། ལུས་ཀྱི་སྲོག་གཅོད་པ་དང་པོའོ། །སྲོག་གཅོད་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་སེམས་ཅན་དམྱལ་
D287.068.0087a07.01