完整藏文原文 · 德格版页 当前仅加载第 68 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་དམྱལ་བ་ལུས་ཆེན་པོ་ཤིན་ཏུ་སྒྲ་འབྱིན་འཇིགས་འཇིགས་ལྟར་འདུག་པར་སྐྱེ་བར་འགྱུར་རོ། །དེར་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་འབྱུང་བ་བསྡུས་པ་དེ་དག་ཐམས་ཅད་སེམས་ཅན་དམྱལ་བ་ལུས་ཆེན་པོ་ཤིན་ཏུ་སྒྲ་འབྱིན་འཇིགས་འཇིགས་
D287.068.0231b01.01ལྟར་འདུག་པར་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་འདི་ལྟར་གང་གི་ལུས་དཔག་ཚད་ཙམ་ལ་མར་སར་ལྟར་ཤིན་ཏུ་སྙི་བའི་ལུས་དེ་དེ་དག་གིས་བཟུང་ནས་སྤུ་འབྱིན་པའི་ཕྲ་སྐམ་གྱིས་ཇི་ལྟར་ཡུངས་ཀར་གྱི་འབྲུ་ཙམ་དུ་དེ་ལྟར་སེན་མོ་ལ་སོགས་པ་ནས་རྐང་པའི་བར་དག་
D287.068.0231b02.01གཅོད་པར་བྱེད་དོ། །སྡུག་བསྔལ་གྱིས་ཉམ་ཐག་པ་དེ་ཇི་ལྟར་སྒྲ་སེམས་ཅན་དམྱལ་བ་པ་གཞན་དག་གི་ཐོས་ནས་ཀྱང་སྙིང་ཟགས་ཤིང་རྡོལ་བ་དེ་ལྟར་སྒྲ་སྐད་འབྱིན་ཏོ། །ཐོག་མ་མེད་པའི་དུས་ནས་དེའི་ལས་ཀྱི་འབྲས་བུས་བསླུས་ཤིང་སེམས་ཀྱི་དགྲས་ཡོངས་སུ་བསླུས་
D287.068.0231b03.01པའི་སེམས་ཅན་དམྱལ་བ་པ་ཤིན་ཏུ་སྡུག་བསྔལ་བས་ཉམ་ཐག་པ་དེ་དག་ཉིད་མཐོང་ནས་འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པའི་ཚིགས་སུ་བཅད་པ་སྨྲས་པ། འདོད་པ་ཡང་དག་སྟོན་པའི་ཚིག །སྙན་ཅིང་ཡིད་འོང་སྣ་ཚོགས་དག །སྨྲས་པ་སྡིག་པ་
D287.068.0231b04.01ཆེན་པོ་ཡིན། །དེ་ཡི་འབྲས་བུ་འདིར་འོངས་སོ། །འདོད་པར་གྱུར་པའི་ཚིག་སྨྲ་བས། །སྤུ་གྲི་རྣོན་པོར་བརྡར་བ་ཡི། །སོ་ཡིས་བདག་རང་བདག་ཉིད་ཀྱི། །ལྕེ་ནི་ཡང་དག་བཅད་ཀྱང་སླ། །སེམས་ཅན་འདོད་ཆགས་ཀྱིས་བསླུས་ཤིང་། །ཞེ་སྡང་གིས་ནི་ཡོངས་
D287.068.0231b05.01གདུངས་ལ། །གཏི་མུག་དབང་དུ་སོང་བ་དག །ཚིག་མི་སྙན་པར་སྨྲ་བར་བྱེད། །འདོད་ཆགས་ཆུང་བས་ཟིན་པ་གང་། །ཉེས་པར་བྱེད་པ་མང་དུ་བྱེད། །རྨོངས་པ་གཏི་མུག་དབང་སོང་སྟེ། །སྡུག་བསྔལ་ལས་ནི་སྡུག་བསྔལ་འཐོབ། །འདོད་པའི་དགའ་བ་ཡུད་
D287.068.0231b06.01ཙམ་སྟེ། །དེ་ནི་བདེན་མེད་བརྟག་པའང་མིན། །འགྱུར་བ་ཤིན་ཏུ་མི་བཟད་དེ། །དེ་ལྟས་དེ་ནི་ཡོངས་སུ་སྤོངས། །འདོད་ཆགས་ཟིལ་གྱིས་ནོན་པའི་མི། །སེམས་ཅན་དམྱལ་བའི་གནས་སུ་གནས། །གང་དག་འདོད་ཆགས་དབང་མི་འགྲོ། །དེ་དག་དམྱལ་
D287.068.0231b07.01