完整藏文原文 · 德格版页 当前仅加载第 68 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
རྩོམ་པ་ནི་ལག་པ་ལྟ་བུ་ཡིན་ནོ། །ལས་ཀྱི་འབྲས་བུ་རྣམ་པར་སྨིན་པས་བྱས་པའི་གཟུགས་མང་པོ་དག་ནི། རི་མོའི་གཟུགས་ཆ་བྱད་དང་། དབྱིབས་དང་། མདོག་དང་། འབྱོར་པར་གྱུར་པ་མང་པོ་དག་ལྟ་བུ་ཡིན་ནོ། །ཡང་དགེ་སློང་བསམ་
D287.068.0139b01.01གཏན་ལ་ཞུགས་པ་དེ། སེམས་རི་མོ་མཁན་ལྟ་བུ་དེ་ཉིད་རྣམ་པ་གཞན་གྱིས་མཐོང་སྟེ། དཔེར་ན། གང་རི་མོ་མཁན་དེ་མགུ་ན། ཚོན་རྩིའི་རྣམ་པ་ལེགས་པར་སྦྱང་བ་བྱས་པ་གསལ་བར་འགྱུར་ཞིང་། པིར་གྱིས་ཡང་དང་ཡང་དུ་ལེགས་པར་
D287.068.0139b02.01འདྲི་ན་དེའི་ཚེ། གཟུགས་ལེགས་པར་འདྲི་བ་དེ་བཞིན་དུ། གང་སེམས་རི་མོ་མཁན་ལྟ་བུ་འདི་མགུ་ན་བསམ་གཏན་གྱི་བྱ་བ་ལ། ཚོན་རྩི་ལྟ་བུའི་བསམ་གཏན་གྱི་རྣམ་པ་ཡོངས་སུ་སྦྱང་བ་བྱས་པ། ཚོན་རྩི་ལྟ་བུ་གསལ་བར་འགྱུར་ཞིང་།
D287.068.0139b03.01པིར་གྱིས་ཡང་དང་ཡང་དུ་ལེགས་པར་འདྲི་བ་ལྟ་བུའི་དམིགས་པ་ལུང་ཕོག་པ་ཡོངས་སུ་སྦྱང་བ་བྱས་པས། འོག་དང་། སྟེང་དུ་མཉམ་པར་འཇོག་པ་དང་། ལྡང་བ་ལ་སྐྱོ་བ་མེད་ན། སེམས་རི་མོ་མཁན་ལྟ་བུ་དེ། བསམ་གཏན་གྱི་སར་
D287.068.0139b04.01གཟུགས་ལེགས་པར་འདྲིའོ། །གལ་ཏེ་མི་དགའ་ན། སེམས་རི་མོ་མཁན་ལྟ་བུ་དེ། སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ས་ངན་པ་དེར་འགྲོ་བའི་རིས་དང་། གནོད་པ་དང་། ལྕགས་ཀྱི་གཏུན་ཤིང་པིར་ལྟ་བུས་མི་
D287.068.0139b05.01དགེ་བའི་ཚོན་རྩི་བླངས་ནས་སྣོད་ལྟ་བུར་གྱུར་པའི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ཀྱི་གཟུགས་དེ་དུད་འགྲོའི་འགྲོ་བའི་གཟུགས་མ་ལེགས་པ་འདྲི་སྟེ། རྒྱ་ཆེར་སྔ་མ་བཞིན་དུ་སྦྱར་རོ། །ཡང་དགེ་སློང་དེ་སེམས་སྤྲེའུ་ལྟ་བུར་མཐོང་
D287.068.0139b06.01སྟེ། ཇི་ལྟར་སྤྲེའུ་ནི་འཕྱར་བ་ཡིན་ཏེ། ཤིང་དང་། ལྕུག་མ་དང་། མེ་ཏོག་དང་། འབྲས་བུ་དང་། རི་བྲགས་ཀྱི་བུ་ག་དང་། སྨན་ལྗོངས་ཐ་དད་པ་ཐོགས་པ་མེད་པར་འགྲོ་བ་དེ་བཞིན་དུ། སེམས་སྤྲེའུ་ལྟར་འཕྱར་བ་འདི་ཡང་ཐ་དད་པ་
D287.068.0139b07.01