完整藏文原文 · 德格版页 当前仅加载第 68 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་དགའ་བ་མེད་གནས་སུ། །མི་མཆོག་འདི་ནི་འགྲོ་བར་འགྱུར། །ཁྱོད་ཀྱིས་ཆོས་ནི་རྣམ་སྤངས་པ། །མཁས་པ་རྣམས་ཀྱིས་སྨད་པ་ཡིན། །ཁྱོད་ཀྱིས་མི་བཟད་གང་བསྒྲགས་པ། །དེ་འདིར་ཁྱོད་ལ་རྣམ་པར་འཚེད། །དེ་ལྟར་འཕགས་པ་ལ་སྐུར་པ་འདེབས་
D287.068.0270b01.01པའི་མི་དེ་གཤིན་རྗེའི་མི་དེ་རྣམས་ཀྱིས་རྗེས་སུ་བསྟན་ནས་གནོད་པ་སྔ་མ་དག་པས་མང་བར་གནོད་པར་བྱེད་དེ། གང་དེའི་མིང་ཡང་ཤེས་པར་སླ་བ་མ་ཡིན་ནོ། །འཕགས་པ་ལ་ངན་དུ་བརྗོད་པ་དེ་ཉིད་ཀྱི་གནོད་པ་མི་བཟད་པ་གང་ཡིན་པ་རྒྱུ་དང་འཐུན་པར་འབྲས་བུ་
D287.068.0270b02.01འབྱུང་བ་ནི་དེ་བཞིན་གཤེགས་པས་གསུང་སྟེ། དེ་ལྟར་ཇི་སྲིད་དུ་དེའི་སྡིག་པའི་ལས་བཅོམ་ཞིང་སྤངས་ལ་ཟད་པར་མ་བྱས་པ་དེ་སྲིད་དུ་འཚེད་དོ། །དེ་སེམས་ཅན་དམྱལ་བ་དེ་ལས་ཐར་ན། ལས་དེ་དང་རྒྱུ་འཐུན་པར་ཚེ་རབས་འབུམ་དུ་{ཡི་དགས་,ཡི་དྭགས་}བཟླུམས་
D287.068.0270b03.01པའི་ནང་དུ་སྐྱེ་བར་འགྱུར་ལ་གང་དག་གི་ལུས་ཤའི་གོང་བུ་ལྟར་བཟླུམས་པར་འགྱུར་ཏེ། མཐོང་བ་མེད། ཐོས་པ་མེད། མནོམ་པ་མེད། སྨྲ་བ་མེད་དོ། །དེ་དེ་ལས་ཐར་ནས་ཀྱང་ཚེ་རབས་སུམ་སྟོང་དུ་ལྗན་ལྗིན་གྱི་སྲིན་བུར་འགྱུར། དེ་ལས་ཀྱང་ཐར་ནས་
D287.068.0270b04.01གལ་ཏེ་མི་རྣམས་དང་སྐལ་བ་མཉམ་པར་མིར་སྐྱེས་ན། དེ་ཚེ་རབས་ལྔ་བརྒྱར་དབུལ་ཞིང་ཚིག་ཀུན་གྱིས་ཡིད་མི་ཆེས་པ་དང་། བརྗེད་ངས་པ་དང་། ལྐུགས་པ་དང་། འོན་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་
D287.068.0270b05.01པ་ཤེས་པ་དེས། སེམས་ཅན་དམྱལ་བ་ཆེན་པོ་མནར་མེད་པའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་ལྕགས་ཀྱི་ཅེ་སྤྱང་གི་ཟས་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་
D287.068.0270b06.01དེས་ཐོས་པ་ལས་བྱུང་བའི་ཤེས་པས་བརྟགས་ན། གང་གིས་ཤིན་ཏུ་འཁྲུགས་པའི་སེམས་དང་སེམས་རྩུབ་མོས་བསམས་བསམས་ཏེ། དགའ་ནས་དགེ་འདུན་གྱི་གཙུག་ལག་ཁང་ལ་མེ་སྦར་ལ་དེར་ཡང་སངས་རྒྱས་ཀྱི་སྐུ་གཟུགས་བསྲེགས་ཤིང་དགེ་འདུན་གྱི་གནས་
D287.068.0270b07.01