完整藏文原文 · 德格版页 当前仅加载第 68 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་མོ་ག་མོག་པོ་དེ་མེ་མདག་གི་ཆུ་བོའི་ནང་དུ་སྲེག་བཞིན་དུ་གར་བབ་བབ་ཏུ་འབྲོས་སོ། །དེ་ལྟར་སྡུག་བསྔལ་གྱིས་ཉེན་ཅིང་མགོན་མེད། སྐྱབས་མེད། དཔུང་གཉེན་མེད་པ་དེ་ལ་ཡང་གཤིན་རྗེའི་མི་རྣམས་འབྱུང་བར་འགྱུར་ཏེ། གཤིན་རྗེའི་མི་ལག་ན་ཐོ་བ་དང་
D287.068.0260b01.01རལ་གྲི་ཐོགས་པ་དེ་རྣམས་ཀྱིས་མི་དེ་ངུ་སྐད་འདོན་ཅིང་ཡང་དང་ཡང་དུ་མནར་མེད་པའི་མེས་སྲེག་པ་ན་{གླད་པ་,ཀླད་པ་}ལ་སོགས་པ་ནས་རྐང་པའི་བར་དུ་ཕྱེ་མར་བྱེད་དོ། །དེ་ནས་དགེ་སློང་དེ་ཕྲ་མ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པའི་རྣམ་པར་སྨིན་པ་ལ་རྟོག་པར་བྱེད་དེ།
D287.068.0260b02.01དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་ཕྲ་མའི་ལས་ཀྱི་འབྲས་བུས་བསྐུལ་བའི་སེམས་ཅན་དམྱལ་བ་པ་དེ་ཤིན་ཏུ་མི་བཟད་པའི་ས་གཞན་ལ་འཇུག་པར་བྱེད་དེ། དེ་གཤིན་རྗེའི་མི་དྲག་ཤུལ་ཆེན་པོ་སྟོན་པ་གཞན་རྣམས་ཀྱིས་བཟུང་ངོ་། །བཟུང་
D287.068.0260b03.01ནས་སེམས་ཅན་དམྱལ་བ་པ་དེ་ལ། གཤིན་རྗེའི་མི་རྣམས་ཀྱིས་སྨྲས་པ། གྲོགས་པོ་དག་ཁྱེད་ལ་ཅི་གནོད། དེ་དག་གིས་སྨྲས་པ། བདག་ཅག་ལ་བཀྲེས་པ་གནོད་དོ། །དེ་ནས་གཤིན་རྗེའི་མི་དེ་རྣམས་ཀྱིས་དེའི་ཁ་དེ་བརྒྱངས་ནས་ལག་པས་ལྕེ་འབྱིན་པར་བྱེད་
D287.068.0260b04.01དོ། །དེ་ཡང་དཔག་ཚད་སུམ་བརྒྱར་འགྱུར་ཏེ་དེ་ལྟར་ཕྱིར་ཞིང་རྒྱ་ཆེར་འགྱུར་རོ། །གཤིན་རྗེའི་མི་རྣམས་རལ་གྲི་སོ་རབ་ཏུ་འབར་བ་དག་བླངས་ཏེ་ལྕེ་དེ་ལ་གཅོད་པར་བྱེད་དོ། །ཁྱི་དང་ཝ་རྣམས་ཀྱིས་ཀྱང་ཕྱོགས་གཞན་དག་ལ་ཟ་བར་བྱེད་དེ། དེ་ལྟར་སྡུག་བསྔལ་
D287.068.0260b05.01མཆོག་ཏུ་ཚ་བ་མྱོང་བ་དག་སོ་སོར་མྱོང་ངོ་། །དེ་ལྕེ་དང་བྲལ་བའི་ཚིག་མི་གསལ་བས་ངུ་སྐད་འབྱིན་ཅིང་ཆོ་ངེས་འདེབས་ཏེ། དེ་ལྟར་དེ་ངུ་སྐད་འབྱིན་པ་ན་འདི་ལྟར་གཤིན་རྗེའི་མི་རྣམས་ཀྱིས་རྗེས་སུ་བསྟན་པ་ཚིགས་སུ་བཅད་དེ་སྨྲས་པ།། །།འཕགས་པ་
D287.068.0260b06.01དམ་པའི་ཆོས་དྲན་པ་ཉེ་བར་གཞག་པ། བམ་པོ་བཅུ་དྲུག་པ། དབྱེན་གྱི་བསམ་པ་མང་པོ་ཡིས། །ཁྱོད་ཀྱིས་མང་དུ་གང་སྨྲས་པ། །ཆོས་རྣམས་ཀྱི་ནི་སྡིག་པར་འགྱུར། །དེ་ཡི་འབྲས་བུ་འདིར་འོངས་སོ། །མི་འཐུན་པ་ལ་གང་དགའ་བ། །དེ་ནི་རྟག་ཏུ་མཛའ་
D287.068.0260b07.01